ಶುಕ್ರವಾರ ನಿರ್ಭಯಾ ಅಪರಾಧಿಗಳಿಗೆ ಗಲ್ಲು: ತಿಹಾರ್ ಜೈಲಲ್ಲಿ ರಿಹರ್ಸಲ್​

2012ರ ದೆಹಲಿ ಗ್ಯಾಂಗ್​ ರೇಪ್ ಪ್ರಕರಣದ ನಾಲ್ವರು ಅಪರಾಧಿಗಳಿಗೆ ಶುಕ್ರವಾರ ಮರಣದಂಡನೆ ಶಿಕ್ಷೆ ಜಾರಿಯಾಗಲಿದೆ. ಈ ನಿಟ್ಟಿನಲ್ಲಿ ತಿಹಾರ್ ಜೈಲಲ್ಲಿ ಪಿಡಬ್ಲ್ಯೂಡಿ ಅಧಿಕಾರಿಗಳು ಹಾಗು ಎಂಜಿನಿಯರ್ಗಳು ಮರಣದಂಡನೆಯ ತಾಲೀಮು(ಡಮ್ಮಿ) ನಡೆಸುತ್ತಿದ್ದಾರೆ. ಹ್ಯಾಂಗ್ ಮನ್ ಪವನ್ ನಾಲ್ವರನ್ನು ಗಲ್ಲಿಗೇರಿಸಲು ತಲಾ 20 ಸಾವಿರ ರೂ ಪಡೆಯಲಿದ್ದಾರೆ ಎಂಬ ಮಾಹಿತಿ ದೊರೆತಿದೆ.

ನವದೆಹಲಿ: ನಿರ್ಭಯಾ ಸಾಮೂಹಿಕ ಅತ್ಯಾಚಾರ ಪ್ರಕರಣದ ಅಪರಾಧಿಗಳನ್ನು ಗಲ್ಲಿಗೇರಿಸುವ ಸಂಬಂಧ ತಿಹಾರ್ ಜೈಲಿನಲ್ಲಿ ರಿಹರ್ಸಲ್​ ನಡೆಸಲಾಯಿತು ಎಂದು ಜೈಲಾಧಿಕಾರಿಗಳು ತಿಳಿಸಿದ್ದಾರೆ.

2012ರ ದೆಹಲಿ ಗ್ಯಾಂಗ್​ ರೇಪ್ ಪ್ರಕರಣದಲ್ಲಿ ಅಪರಾಧಿಗಳಾದ ಮುಖೇಶ್ ಸಿಂಗ್, ಪವನ್ ಗುಪ್ತಾ, ವಿನಯ್ ಶರ್ಮಾ ಮತ್ತು ಅಕ್ಷಯ್ ಕುಮಾರ್ ಸಿಂಗ್‌ ಎಂಬ ನಾಲ್ವರನ್ನು ಮಾರ್ಚ್​​ 20ರಂದು ಬೆಳಗ್ಗೆ 5.30ಕ್ಕೆ ಗಲ್ಲಿಗೆರಿಸುವಂತೆ ಡೆತ್​ ವಾರೆಂಟ್​ ಹೊರಡಿಸಲಾಗಿದೆ.

ಹೀಗಾಗಿ ಇಂದು ಮುಂಜಾನೆ ಹ್ಯಾಂಗ್​ಮ್ಯಾನ್ ಪವನ್ ಮರಣದಂಡನೆ ರಿಹರ್ಸಲ್​ ನಡೆಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.