ರಣಥಂಭೋರ್: ಇಲ್ಲಿನ ರಾಷ್ಟ್ರೀಯ ಉದ್ಯಾನದಲ್ಲಿ T-73 ಎಂಬ ಹೆಣ್ಣು ಹುಲಿಯೊಂದು ಕೆಲ ದಿನಗಳ ಹಿಂದೆ 3 ಮರಿಗಳಿಗೆ ಜನ್ಮ ನೀಡಿದೆ. ಇತ್ತೀಚೆಗೆ ತನ್ನ 3 ಮರಿಗಳೊಂದಿಗೆ ಕಾಣಸಿಕೊಂಡಿದ್ದು, ಅವೆಲ್ಲ ಸುಮಾರು ನಾಲ್ಕು ತಿಂಗಳ ಮರಿಗಳೆಂದು ತಿಳಿದುಬಂದಿದೆ. ವನ್ಯಜೀವಿ ಅಧಿಕಾರಿಗಳು ಅಳವಡಿಸಿರುವ ಕಾಮೆರಾದಲ್ಲಿ ಹುಲಿ ಮತ್ತು ಮರಿಗಳಿರುವ ದೃಶ್ಯ ಸೆರೆಯಾಗಿದೆ.
ಈ T-73 ಹುಲಿ ನಾಚಿಕೆ ಸ್ವಭಾವದ್ದಾಗಿದ್ದು, ಪ್ರವಾಸಿಗರು ಮತ್ತು ವನ್ಯಜೀವಿ ಅಧಿಕಾರಿಗಳ ಪಾಲಿಗೆ ಪ್ರಿಯವಾಗಿದೆ. ಈ ಮರಿಗಳಿಗೆ ಯಾವುದೇ ತೊಂದರೆ ಉಂಟಾಗದಂತೆ ಅಧಿಕಾರಿಗಳು ಕ್ರಮ ಕೈಗೊಂಡಿದ್ದಾರೆ. T-73 ಹುಲಿ ಪ್ರಸಿದ್ಧ ಕುಟುಂಬಕ್ಕೆ ಸೇರಿದ್ದು, ಸುಂದರಿ ಎಂದು ಕರೆಯಲ್ಪಡುವ ಪ್ರಸಿದ್ಧ T-17 ಹುಲಿಯ ಮರಿ ಇದಾಗಿದೆ. T-60 (ಜೂನಿಯರ್ ಇಂದು) ತಿಂಗಳ ಹಿಂದೆ ಮರಿಗೆ ಜನ್ಮ ನೀಡಿದೆ. ಇತ್ತೀಚಿನ ಮಾಹಿತಿಯ ಪ್ರಕಾರ, ರಣಥಂಬೋರ್ ರಾಷ್ಟ್ರೀಯ ಉದ್ಯಾನದಲ್ಲಿ ಒಟ್ಟು 71 ಹುಲಿಗಳಿವೆ.