ಕಾಶ್ಮೀರದಲ್ಲಿ ಗುಂಡಿನ ಮೊರೆತ: ನಾಲ್ವರು ಭಯೋತ್ಪಾದಕರು ಖಲಾಸ್​

ಬೆಳ್ಳಂಬೆಳಗ್ಗೆ ನಾಲ್ವರು ಭಯೋತ್ಪಾದಕರನ್ನು ಭದ್ರತಾ ಪಡೆ ಹೊಡೆದುರುಳಿಸಿದೆ. ನಿನ್ನೆಯಿಂದ ನಡೆದ ಕಾರ್ಯಾಚರಣೆಯಲ್ಲಿ ಓರ್ವ ಯೋಧನಿಗೆ ಗಾಯವಾಗಿದೆ.

ಕುಲ್ಗಾಂ(ಜಮ್ಮು ಕಾಶ್ಮೀರ): ಜಮ್ಮು ಕಾಶ್ಮೀರದಲ್ಲಿ ಗುಂಡಿನ ಮೊರೆತ ಕೇಳಿ ಬಂದಿದೆ. ಬೆಳ್ಳಂಬೆಳಗ್ಗೆ ಕುಲ್ಗಾಂ ಜಿಲ್ಲೆಯಲ್ಲಿ ಎನ್​​ಕೌಂಟರ್​ ನಡೆದಿದ್ದು ನಾಲ್ಕು ಮಂದಿ ಭಯೋತ್ಪಾದಕರನ್ನು ಭದ್ರತಾ ಪಡೆ ಹೊಡೆದುರುಳಿಸಿದೆ.

ಭಯೋತ್ಪಾದಕರನ್ನು ಕುಲ್ಗಾಂ ಜಿಲ್ಲೆಯ ಡಿಹೆಚ್​ ಪೊರಾದ ಫಯಾಜ್​, ಆದಿಲ್​, ಮೊಹ್ಮದ್​ ಸಾಹಿಲ್​ ಎಂದು ಗುರ್ತಿಸಲಾಗಿದೆ.

ಎನ್​ಕೌಂಟರ್​ ವೇಳೆ ಓರ್ವ ಭದ್ರತಾ ಪಡೆಯ ಯೋಧನಿಗೆ ಗಾಯವಾಗಿದ್ದು, ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಭಯೋತ್ಪಾದಕರ ವಿರುದ್ಧ ಸೇನಾ​ ಕಾರ್ಯಾಚರಣೆ ಮುಂದುವರೆದಿದೆ.