ಹೈದರಾಬಾದ್ ಮೂಲದ ಸಂಸ್ಥೆಯಿಂದ 2 ಗಂಟೆಗಳಲ್ಲಿ ಫಲಿತಾಂಶ ನೀಡುವ ಕೋವಿಡ್ -19 ಕಿಟ್​ ತಯಾರಿ

'ಹುವೆಲ್ ಲೈಫ್ ಸೈನ್ಸಸ್' ಸಂಸ್ಥೆಯು ಕಳೆದ ಶುಕ್ರವಾರ ಐಸಿಎಂಆರ್​ನಿಂದ 'ಕ್ವಾಂಟಿಪ್ಲಸ್ ಕೋವಿಡ್​ -19' ಕಿಟ್​ಗೆ ಅನುಮೋದನೆ ಪಡೆದಿದೆ. ಇದು ಕೇವಲ ಎರಡು ಗಂಟೆಯೊಳಗೆ ಕೊರೊನಾ ಪರೀಕ್ಷೆ ನಡೆಸಿ ಫಲಿತಾಂಶ ನೀಡಲಿದೆ.

ಹೈದರಾಬಾದ್: ನಗರ ಮೂಲದ ಲೈಫ್ ಸೈನ್ಸಸ್ ಕಂಪನಿಯು ಕ್ವಾಂಟಿಪ್ಲಸ್ ಸಿಒವಿ(Quantiplus COV) ಹೆಸರಿನ ಕೊರೊನಾ ವೈರಸ್ ಟೆಸ್ಟ್ ಕಿಟ್ ಅಭಿವೃದ್ಧಿಪಡಿಸಿದೆ. ಈ ಪರೀಕ್ಷಾ ಕಿಟ್​ ಕೇವಲ 2 ಗಂಟೆಗಳಲ್ಲಿ ಫಲಿತಾಂಶವನ್ನು ನೀಡುತ್ತದೆ.

ಈ ಟೆಸ್ಟ್ ಕಿಟ್‌ ಪ್ರಯೋಗಿಸಲು 'ಹುವೆಲ್ ಲೈಫ್ ಸೈನ್ಸಸ್' ಸಂಸ್ಥೆಯು ಕಳೆದ ಶುಕ್ರವಾರ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ(ಐಸಿಎಂಆರ್)ಯಿಂದ ಅನುಮೋದನೆ ಪಡೆದಿದೆ. ಇದರ ಉತ್ಪಾದನೆಯು ಕಂಪನಿಯ ನರಸಿಂಗಿ ಮತ್ತು ಕೊಕಾಪೆಟ್ ಬ್ರಾಂಚ್​ನಲ್ಲಿ ಸೋಮವಾರದಿಂದ ಪ್ರಾರಂಭವಾಗಲಿದೆ ಎಂದು ಹುವೆಲ್ ಲೈಫ್ ಸೈನ್ಸಸ್​ ಸಂಸ್ಥೆಯ ನಿರ್ದೇಶಕ ಶಶೀರ್ ಕುಮಾರ್ ಶನಿವಾರ ಮಾಧ್ಯಮಗಳಿಗೆ ತಿಳಿಸಿದರು.

ಕ್ವಾಂಟಿಪ್ಲಸ್ ಕೋವಿಡ್​ -19 ಕಿಟ್ ಅಮೆರಿಕಾದ ರಾಷ್ಟ್ರೀಯ ಸಾರ್ವಜನಿಕ ಆರೋಗ್ಯ ಸಂಸ್ಥೆಯಾದ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್​(ಸಿಡಿಸಿ)ನಿಂದ ಪ್ರಕಟಿತ ಪ್ರೋಟೋಕಾಲ್ ಆಧರಿಸಿ ತಯಾರಿಸಲಾಗಿದೆ. ಇದು ಕೇವಲ ಎರಡು ಗಂಟೆಯೊಳಗೆ ಕೊರೊನಾ ಪರೀಕ್ಷೆ ನಡೆಸಿ ಫಲಿತಾಂಶ ನೀಡಲಿದೆ.