ಹಿಂದೂ ಮಹಾಸಾಗರದ ಮೇಲೆ ಹಿಡಿತಕ್ಕೆ ಚೀನಾ ಯತ್ನ: ಮತ್ತೊಂದು ಯುದ್ಧ ನೌಕೆ ಪತ್ತೆ ಹಚ್ಚಿದ ಭಾರತ

ಹಿಂದೂ ಮಹಾಸಾಗರದ ಮೇಲೆ ಹಿಡಿತ ಸಾಧಿಸಲು ಚೀನಾ ಮುಂದಾಗಿದ್ದು, ಇದಕ್ಕೆ ಪುಷ್ಟಿ ಎಂಬಂತೆ ಚೀನಾ ಯುದ್ಧನೌಕೆ ಹಿಂದೂ ಮಹಾಸಾಗರದ ಆಳದಲ್ಲಿ ಸಂಚರಿಸುತ್ತಿರುವ ಎಕ್ಸ್​ಕ್ಲೂಸಿವ್​ ಚಿತ್ರಗಳನ್ನ ಭಾರತೀಯ ನೌಕಾ ಪಡೆ ಸೆರೆ ಹಿಡಿದಿದೆ.

ನವದೆಹಲಿ: ಹಿಂದೂ ಮಹಾಸಾಗರದ ಮೇಲೆ ಸಾರ್ವಭೌಮತ್ವ ಪಡೆಯಲು ಚೀನಾ ಹವಣಿಸುತ್ತಲೇ ಇದೆ. ಈಗಾಗಲೇ ಪೆಸಿಪಿಕ್​ ಮಹಾಸಾಗರದ ಮೇಲೆ ಹಿಡಿತಕ್ಕೆ ಜಪಾನ್​- ವಿಯಟ್ನಾಯಂಗಳ ಜತೆ ಜಗಳಕ್ಕೆ ನಿಂತಿರುವ ಚೀನಾ, ಹಿಂದೂ ಮಹಾ ಸಾಗರದ ಮೇಲೂ ಹಿಡಿತಕ್ಕೆ ಮುಂದಾಗಿದೆ.

ಚೀನಾ ಯುದ್ಧನೌಕೆ ಹಿಂದೂ ಮಹಾಸಾಗರದ ಆಳದಲ್ಲಿ ಸಂಚರಿಸುತ್ತಿರುವ ಎಕ್ಸ್​ಕ್ಲೂಸಿವ್​ ಚಿತ್ರಗಳನ್ನ ಭಾರತೀಯ ನೌಕಾ ಪಡೆ ಸೆರೆ ಹಿಡಿದಿದೆ. ಚೀನಾದ ಯುದ್ಧನೌಕೆ ಕ್ಷಿಯಾನ್​​​ ಮತ್ತು ಮಿಸೈಲ್​ ಹಿಂದೂ ಮಹಾಸಾಗರದ ಭಾರತದ ಜಲ ಗಡಿಯ ತೀರಾ ಸಮೀಪದಲ್ಲಿ ಗಸ್ತು ಹಾಕುತ್ತಿರುವುದನ್ನ ಭಾರತೀಯ ಪಡೆಗಳು ಪತ್ತೆ ಹಚ್ಚಿವೆ.

ಭಾರತದ ಜಲ ಗಡಿಯ ತೀರಾ ಸಮೀಪದಲ್ಲಿ ಗಸ್ತು ಹಾಕುತ್ತಿರುವ ಚೀನಾ ಯುದ್ಧ ನೌಕೆ

ಚೀನಾದ ಈ ಅಣು ಯುದ್ಧನೌಕೆಯ ಚಿತ್ರವನ್ನ ಪಿ- 18 ಕಾವಲು ಪಡೆಯ ಏರ್​​ಕ್ರಾಫ್ಟ್​​ ಪತ್ತೆ ಹಚ್ಚಿದೆ. ಶ್ರೀಲಂಕಾದ ಜಲಗಡಿ ಪ್ರವೇಶಿಸುವ ಮುನ್ನ ಈ ಚಿತ್ರವನ್ನ ಕರಾವಳಿ ಕಾವಲು ಪಡೆಯ ಹೆಲಿಕಾಪ್ಟರ್​ ಈ ಯುದ್ಧನೌಕೆಯನ್ನ ಪತ್ತೆ ಹಚ್ಚಿದೆ.