ನವದೆಹಲಿ:ಹಣಕಾಸು ವ್ಯವಹಾರ ಸಂಬಂಧ ಸೂಕ್ತ ಅನುಮತಿ ಪಡೆಯದೇ ಆನ್‌ಲೈನ್ ಪೇಮೆಂಟ್ ಆ್ಯಪ್ 'ಗೂಗಲ್ ಪೇ' ದೇಶದಲ್ಲಿ ಹೇಗೆ ಕಾರ್ಯನಿರ್ವಹಿಸುತ್ತಿದೆ ಎಂದು ದೆಹಲಿ ಹೈಕೋರ್ಟ್ ಆರ್ಬಿಐ ಅನ್ನು ಪ್ರಶ್ನಿಸಿದೆ.
ಅನುಮತಿ ಇಲ್ಲದೇ 'ಗೂಗಲ್ ಪೆೇ' ಹೇಗೆ ಕಾರ್ಯನಿರ್ವಹಿಸುತ್ತಿದೆ? ಆರ್‌ಬಿಐಗೆ ದೆಹಲಿ ಹೈಕೋರ್ಟ್ ಪ್ರಶ್ನೆ
ಜನಪ್ರಿಯ ಆನ್‌ಲೈನ್ ಪೇಮೆಂಟ್ ಆ್ಯಪ್ ಗೂಗಲ್ ಪೇ ವಿರುದ್ಧ ಕೇಳಿಬಂದ ದೂರಿನ ಸಂಬಂಧ ದೆಹಲಿ ಹೈಕೋರ್ಟ್ ಆರ್ಬಿಐ ಹಾಗೂ ಗೂಗಲ್ ಇಂಡಿಯಾಗೆ ನೊಟೀಸ್ ಜಾರಿ ಮಾಡಿದೆ.
ಗೂಗಲ್ ಪೇ
ಈ ಬಗ್ಗೆ ಸಲ್ಲಿಸಲಾದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ವಿಚಾರಣೆ ವೇಳೆ, ನ್ಯಾಯಮೂರ್ತಿ ರಾಜೇಂದ್ರ ಮೆನನ್ ಹಾಗೂ ನ್ಯಾ.ಎ.ಜೆ ಭಾಂಬನಿ ನೇತೃತ್ವದ ಪೀಠ ಕೇಂದ್ರ ಬ್ಯಾಂಕ್‌ಗೆ ಈ ಪ್ರಶ್ನೆ ಕೇಳಿದೆ. ಅಭಿಜಿತ್ ಮಿಶ್ರಾ ಎಂಬವವರು ಸಲ್ಲಿಸಿದ ಅರ್ಜಿಯಲ್ಲಿ, ಈ ರೀತಿ ಹಣಕಾಸು ವ್ಯವಹಾರ ನಡೆಸುವುದಕ್ಕೆ ಆರ್‌ಬಿಐನಿಂದ 'ಗೂಗಲ್ ಪೇ' ಯಾವುದೇ ರೀತಿಯ ಅಧಿಕಾರ, ಅನುಮತಿ ಪಡೆದಿಲ್ಲ. ಈ ಬಗ್ಗೆ ದಾಖಲೆ ಒದಗಿಸಿದ ಅರ್ಜಿದಾರರು, ಮಾರ್ಚ್‌ 20, 2019 ರಂದು ಕೇಂದ್ರ ಬ್ಯಾಂಕ್ ಅಧಿಕೃತವಾಗಿ ಬಿಡುಗಡೆ ಮಾಡಿದ 'ಹಣಕಾಸು ವ್ಯವಹಾರಗಳ ನಿರ್ವಾಹಕರ ಪಟ್ಟಿ' ಒದಗಿಸಿದ್ದಾರೆ. ಈ ಪಟ್ಟಿಯಲ್ಲಿ ಗೂಗಲ್ ಪೇ ಹೆಸರಿಲ್ಲ. ಹಾಗಿದ್ದರೂ ಈ ಸಂಸ್ಥೆ ದೇಶದಲ್ಲಿ ಕೋಟ್ಯಂತರ ರೂಪಾಯಿ ಹಣಕಾಸು ವ್ಯವಹಾರದಲ್ಲಿ ತೊಡಗಿರುವುದಾಗಿ ಅವರು ಅರ್ಜಿಯಲ್ಲಿ ದೂರಿದ್ದಾರೆ.
ಈ ಅರ್ಜಿ ವಿಚಾರಣೆ ಮಾಡಿದ ನ್ಯಾಯಮೂರ್ತಿಗಳ ಪೀಠ, ಸೂಕ್ತ ಕಾರಣ ಕೇಳಿ ಆರ್ಬಿಐ ಹಾಗೂ ಗೂಗಲ್ ಇಂಡಿಯಾಗೆ ನೋಟಿಸ್ ಜಾರಿ ಮಾಡಿದೆ.
Last Updated : Apr 10, 2019, 5:15 PM IST