ಬರೋಬ್ಬರಿ 75 ದಿನಗಳ ಬಳಿಕ ದೇವರ ದರ್ಶನ ಭಾಗ್ಯ: ಕೇಂದ್ರದ ನಿರ್ದೇಶನದಂತೆ ಮುಂಜಾಗ್ರತೆ

ಲಾಕ್​ಡೌನ್​ ನಂತರದ ಸುಮಾರು ಮೂರು ತಿಂಗಳ ಬಳಿಕ ದೇವಸ್ಥಾನಗಳು ತೆರೆದಿದ್ದು, ಅಂತಿಮವಾಗಿ ಇಂದಿನಿಂದ ಭಕ್ತರಿಗೆ ದರ್ಶನ ಸಿಗಲಿದೆ.

ನವದೆಹಲಿ: ಇಂದು ದೇಶದಲ್ಲಿ ಕೊರೊನಾ ದಾಂಗುಡಿ ಇಟ್ಟ ಸುಮಾರು ಮೂರು ತಿಂಗಳ ಬಳಿಕ ದೇವಸ್ಥಾನಗಳು ತೆರೆದಿದ್ದು, ಅಂತಿಮವಾಗಿ ಭಕ್ತರಿಗೆ ದರ್ಶನ ನೀಡುತ್ತಿವೆ.

ಸರ್ಕಾರ ದೇವಸ್ಥಾನ, ಮಸೀದಿ, ಚರ್ಚ್​ಗಳ ಬಾಗಿಲು ತೆರೆಯಲು ಅವಕಾಶ ನೀಡಿದ್ದರಿಂದ ದೆಹಲಿಯ ಗಾಂಧಿ ಚೌಕ್​ದಲ್ಲಿರುವ ಗೌರಿ ಶಂಕರ ದೇವಸ್ಥಾನ, ಮುಂತಾದ ದೇವಾಲಯಗಳು ಭಕ್ತರಿಗೆ ಮುಕ್ತವಾಗಿವೆ. ಭಕ್ತರು ಬೆಳ್ಳಂಬೆಳಗ್ಗೆ ದೇಗುಲಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿ, ದೇವರ ಆಶೀರ್ವಾದ ಪಡೆದರು.

ಇನ್ನು ದೆಹಲಿಯ ಶ್ರೀ ಬಾಂಗ್ಲಾ ಸಾಹಿಬ್​ ಗುರುದ್ವಾರ್​​​​​ ಕೂಡಾ ಬೆಳಗ್ಗೆ ಭಕ್ತರಿಗೆ ಮುಕ್ತವಾಯಿತು. ಭಕ್ತರು ಬೆಳಗ್ಗೆಯಿಂದಲೇ ಗುರುದ್ವಾರಕ್ಕೆ ಭೇಟಿ ನೀಡಿ ದೇವರ ದರ್ಶನ ಪಡೆದರು.