ಹವಾಲಾ ದಂಧೆ: ನಾಲ್ವರು ಆರೋಪಿಗಳು ಸೇರಿ 3 ಕೋಟಿ ರೂ. ನಗದು ವಶ

ಖಚಿತ ಮಾಹಿತಿ ಮೇಲೆ ಕಾರ್ಯಾಚರಣೆ ನಡೆಸಿರುವ ಪೊಲೀಸರು 3 ಕೋಟಿ ರೂ. ನಗದು ಹಣ ವಶಪಡಿಸಿಕೊಂಡು, ನಾಲ್ವರು ಆರೋಪಿಗಳ ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಹೈದರಾಬಾದ್​(ತೆಲಂಗಾಣ):ಹವಾಲಾ ದಂಧೆ ನಡೆಸುತ್ತಿದ್ದ ನಾಲ್ವರು ಆರೋಪಿಗಳ ಬಂಧನ ಮಾಡುವಲ್ಲಿ ತೆಲಂಗಾಣ ಪೊಲೀಸರು ಯಶಸ್ವಿಯಾಗಿದ್ದು, ಅವರಿಂದ ಬರೋಬ್ಬರಿ 3 ಕೋಟಿ ರೂ. ನಗದು ವಶ ಪಡಿಸಿಕೊಂಡಿದ್ದಾರೆ.

ಬಜಾರ್​ ಹಿಲ್ಸ್​ ಪ್ರದೇಶದಲ್ಲಿ ಕಾರ್ಯಾಚರಣೆ ನಡೆಸಿರುವ ಹೈದರಾಬಾದ್​ ಸಿಟಿ ಪೊಲೀಸ್​ ಕಮಿಷನರ್​​ ಅಂಜನಿ ಕುಮಾರ್​​, ಖಚಿತ ಮಾಹಿತಿ ಪಡೆದುಕೊಂಡು ಈ ದಾಳಿ ನಡೆಸಲಾಗಿದೆ ಎಂದು ತಿಳಿಸಿದರು.

ಎರಡು ಕಾರುಗಳಲ್ಲಿ ಅಪಾರ ಪ್ರಮಾಣದ ಹಣದೊಂದಿಗೆ ಬಜಾರ್​ ಹಿಲ್ಸ್​ ಬಳಿ ಹೋಗುತ್ತಿರುವ ಮಾಹಿತಿ ಬರುತ್ತಿದ್ದಂತೆ ಕಾರ್ಯಾಚರಣೆ ನಡೆಸಿದಾಗ ಇವರು ಸಿಕ್ಕಿ ಬಿದ್ದಿದ್ದಾರೆ ಎಂದು ತಿಳಿಸಿದ್ದಾರೆ. ಬಂಧಿತರೆಲ್ಲರೂ ಗುಜರಾತ್​ ಮೂಲದವರು ಎನ್ನಲಾಗಿದ್ದು, ಬಾಂಬೆ ಮೂಲಕ ಕಂಪನಿ ಹೆಸರು ಹೇಳಿದ್ದಾರೆ ಎಂದು ಅವರು ಮಾಹಿತಿ ನೀಡಿದ್ದಾರೆ.