ಸಚಿವರ ಭದ್ರತಾ ಕಾರು ಪಲ್ಟಿ,ಇಬ್ಬರ ದುರ್ಮರಣ.. ಆಸ್ಪತ್ರೆಯಲ್ಲೇ ಕಣ್ಣೀರು ಹಾಕಿದ ಮಿನಿಸ್ಟರ್​!

ಮಧ್ಯೆರಾತ್ರಿ ಸಚಿವರ ಭದ್ರತಾ ಪಡೆಯ ಕಾರು ಪಲ್ಟಿಯಾಗಿ ಇಬ್ಬರು ಸಾವನ್ನಪ್ಪಿರುವ ಘಟನೆ ತೆಲಂಗಾಣದಲ್ಲಿ ನಡೆದಿದೆ.

ಜನಗಾಮ:ಶನಿವಾರ ಮಧ್ಯೆರಾತ್ರಿ ಸಚಿವರ ಭದ್ರತಾ ಪಡೆ ಕಾರು ಪಲ್ಟಿಯಾದ ಪರಿಣಾಮ ಇಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಘನಪುರಂ ತಾಲೂಕಿನ ಚಿಂತೂರಿನಲ್ಲಿ ನಡೆದಿದೆ.

ಹೈದರಾಬಾದ್​ನಿಂದ ಪಾಲಕುರ್ತಿಗೆ ತೆರಳುತ್ತಿದ್ದ ಸಂದರ್ಭದಲ್ಲಿ ಅಪಘಾತ ಸಂಭವಿಸಿದೆ. ಅಪಘಾತದಲ್ಲಿ ಡ್ರೈವರ್​ ಪಾರ್ಥಸಾರಥಿ (30), ಸಾಮಾಜಿಕ ಮಾಧ್ಯಮ ಜವಾಬ್ದಾರಿ ಕಾರ್ಯಕರ್ತ ಪೂರ್ಣೆಂದರ್​ (27) ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ತಮ್ಮ ಬೆಂಬಲಿಗರನ್ನು ಕಳೆದುಕೊಂಡ ಸಚಿವ ಆಸ್ಪತ್ರೆಯಲ್ಲೇ ಕಣ್ಣೀರು ಹಾಕಿದರು. ಬಳಿಕ ಕಾರ್ಯಕರ್ತರು ಸಮಾಧಾನಪಡಿಸಿದರು.

ಈ ಅಪಘಾತದಲ್ಲಿ ಗನ್​ಮೆನ್​ ನರೇಶ್​, ಅಟೆಂಡರ್​ ತಾತಾರಾವ್​ ಮತ್ತು ಶಿವ ಎಂಬುವರಿಗೆ ಗಾಯಗಳಾಗಿದ್ದು, ಚಿಕಿತ್ಸೆ ಮುಂದುವರಿಸಲಾಗಿದೆ. ಈ ಘಟನೆಯಲ್ಲಿ ರಾಜ್ಯ ಪಂಚಾಯತ್ ರಾಜ್​ ಸಚಿವ ಎರ್ರಬೆಲ್ಲಿ ದಯಾಕರ್​ ರಾವ್​ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸಚಿವರು ಮೃತರ ಕುಟುಂಬಕ್ಕೆ ಸಾಂತ್ವನ ಹೇಳಿ ಗಾಯಾಳುಗಳ ಪರಸ್ಥಿತಿ ವಿಚಾರಿಸಿದರು.