ಹುತಾತ್ಮ ಕರ್ನಲ್​​ ಸಂತೋಷ್​ ಕುಟುಂಬಕ್ಕೆ 5 ಕೋಟಿ ರೂ. ಪರಿಹಾರ ಘೋಷಿಸಿದ ತೆಲಂಗಾಣ ಸರ್ಕಾರ

ಚೀನಾ-ಭಾರತ ಸಂಘರ್ಷದ ವೇಳೆ ಹುತಾತ್ಮರಾಗಿರುವ ಕರ್ನಲ್​ ಸಂತೋಷ್​ ಬಾಬು ಕುಟುಂಬಕ್ಕೆ ತೆಲಂಗಾಣ ಸರ್ಕಾರ ಪರಿಹಾರ ಘೋಷಣೆ ಮಾಡಿದೆ.

ಹೈದರಾಬಾದ್​:ಕಳೆದ ಸೋಮವಾರ ರಾತ್ರಿ ಲಡಾಖ್​ನ ಗಾಲ್ವಾನ್​ ಕಣಿವೆಯಲ್ಲಿ ಭಾರತ-ಚೀನಾ ನಡುವಿನ ಸಂಘರ್ಷದಲ್ಲಿ ಭಾರತದ 20 ಯೋಧರು ಹುತಾತ್ಮರಾಗಿದ್ದಾರೆ. ಇದರಲ್ಲಿ ತೆಲಂಗಾಣದ ಕರ್ನಲ್​ ಸಂತೋಷ್ ಬಾಬು ಕೂಡ ಹುತಾತ್ಮರಾಗಿದ್ದಾರೆ.

ಹುತಾತ್ಮ ಕರ್ನಲ್​ ಸಂತೋಷ್​ ಕುಟುಂಬಕ್ಕೆ ಪರಿಹಾರ ಘೋಷಣೆ!

ನಿನ್ನೆ ಸಕಲ ಸೇನಾ ಗೌರವದೊಂದಿಗೆ ಅವರ ಅಂತ್ಯಕ್ರಿಯೆ ನಡೆಸಲಾಯಿತು. ಇದೀಗ ತೆಲಂಗಾಣ ಮುಖ್ಯಮಂತ್ರಿ ಕೆಸಿಆರ್​​ ಹುತಾತ್ಮ ಯೋಧನ ಕುಟುಂಬಕ್ಕೆ ಪರಿಹಾರ ಘೋಷಣೆ ಮಾಡಿದ್ದಾರೆ. 5 ಕೋಟಿ ರೂ. ನಗದು, ಗ್ರೂಪ್​​ 1 ಸರ್ಕಾರಿ ಕೆಲಸ ಹಾಗೂ ಒಂದು ಪ್ಲಾಟ್​ ಘೋಷಣೆ ಮಾಡಿದ್ದಾರೆ.

ಇದರ ಜತೆಗೆ ಸಂಘರ್ಷದಲ್ಲಿ ಹುತಾತ್ಮರಾಗಿರುವ 19 ಯೋಧರ ಕುಟುಂಬಗಳಿಗೂ ಪರಿಹಾರ ಘೋಷಣೆ ಮಾಡಿರುವ ಕೆಸಿಆರ್​, ತಲಾ 10 ಲಕ್ಷ ರೂ. ಪರಿಹಾರ ನೀಡುವುದಾಗಿ ಹೇಳಿದ್ದಾರೆ.