ಪಾಟ್ನಾ:ಬಿಹಾರಿ ಕಾರ್ಮಿಕರನ್ನು ಕರೆ ತರುವ 50 ರೈಲುಗಳ ಶುಲ್ಕವನ್ನು, ಕಾರ್ಮಿಕರ ಪರವಾಗಿ ಪಾವತಿಸುವುದಾಗಿ ರಾಷ್ಟ್ರೀಯ ಜನತಾದಳ (ಆರ್ಜೆಡಿ) ನಾಯಕ ತೇಜಸ್ವಿ ಯಾದವ್ ಸೋಮವಾರ ಪ್ರಕಟಿಸಿದ್ದಾರೆ.
ಈ ಹಿಂದೆ ಅವರು ಕಾರ್ಮಿಕರನ್ನು ಕರೆತರಲು 2 ಸಾವಿರ ಬಸ್ಗಳನ್ನು ಸರ್ಕಾರಕ್ಕೆ ನೀಡಲು ಮುಂದಾಗಿದ್ದರು. ಆಡಳಿತಾರೂಢ ನಿತೀಶ್ ಕುಮಾರ್ ಸರ್ಕಾರವನ್ನು ಗುರಿಯಾಗಿಸಿಕೊಂಡು, ಯಾದವ್ ಸರಣಿ ಟ್ವೀಟ್ ಮಾಡಿದ್ದಾರೆ.
"ಬಿಹಾರ ಸರ್ಕಾರಕ್ಕೆ ಸುಮಾರು 40 ಲಕ್ಷ ಬಿಹಾರಿಗಳ ಜೀವನದ ಬಗ್ಗೆ ಕಾಳಜಿ ಇಲ್ಲ. ಅಂದರೆ ಅವರ ಕುಟುಂಬಗಳು ಸೇರಿದಂತೆ ಸುಮಾರು 2 ಕೋಟಿ ಜನರು ಇದ್ದಾರೆ. ಡಿ-ಅಡಿಕ್ಷನ್ (24,000 ಕೋಟಿ ರೂ.), ನೀರಿನ ಹೆಸರಿನಲ್ಲಿ 49,000 ಕೋಟಿ ರೂ. ಮತ್ತು ಹಸಿರು (24,000 ಕೋಟಿ ರೂ.) ಹಾಗೂ ಜಾಹೀರಾತುಗಳ (500 ಕೋಟಿ ರೂ.) ಮೇಲೆ ಸರ್ಕಾರ ಕೋಟಿಗಟ್ಟಲೇ ವೆಚ್ಚ ಮಾಡುತ್ತದೆ. ಆದರೆ, ಬಡವರ ಪ್ರಾಣ ಉಳಿಸಲು ಕೇವಲ 500 ರೂ. ಖರ್ಚು ಮಾಡುವುದಿಲ್ಲ "ಎಂದು ಅವರು ಟ್ವೀಟ್ ಮಾಡಿದ್ದಾರೆ.