ಸಲ್ಮಾನ್ ಮನೆಯಲ್ಲಿ ಬಾಂಬ್ ಇಟ್ಟಿರೋದಾಗಿ ಹೇಳಿದ್ದ ಕಿಲಾಡಿ ಬಾಲಕ ಪೊಲೀಸ್​ ವಶಕ್ಕೆ

ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ಮನೆಯಲ್ಲಿ ಬಾಂಬ್​ ಸ್ಫೋಟಗೊಳ್ಳಲಿದೆ ಎಂದು ಪದೇ ಪದೇ ಮುಂಬೈ ಪೊಲೀಸರಿಗೆ ಇ-ಮೇಲ್​ ಮಾಡುತ್ತಿದ್ದ ಆರೋಪದ ಮೇಲೆ ಅಪ್ರಾಪ್ತನೋರ್ವವನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಮುಂಬೈ: ಬಾಂದ್ರಾದ ಗ್ಯಾಲಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿರುವ ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ಮನೆಯಲ್ಲಿ ಬಾಂಬ್​ ಸ್ಫೋಟಗೊಳ್ಳಲಿದೆ ಸಾಧ್ಯವಾದರೆ ತಡೆಯಿರಿ ಎಂದು ಪೊಲೀಸರಿಗೆ ಇ-ಮೇಲ್​ ಮಾಡಿದ್ದ ಬಾಲಕನನ್ನು ವಶಕ್ಕೆ ಪಡೆಯಲಾಗಿದೆ.

ಪದೇ ಪದೇ ಮುಂಬೈ ಪೊಲೀಸರಿಗೆ ಈ ಬಾಲಕ- ಇ- ಮೇಲ್​ ಮಾಡುತ್ತಿದ್ದ ಆರೋಪದ ಮೇಲೆ ಅಪ್ರಾಪ್ತನೋರ್ವನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಉತ್ತರ ಪ್ರದೇಶದ ಗಾಜಿಯಾಬಾದ್​ ಮೂಲದ 16 ವರ್ಷದ ಬಾಲಕ ಡಿಸೆಂಬರ್​ 4ರಂದು ಮುಂಬೈ ಪೊಲೀಸರಿಗೆ ಈ ರೀತಿ ಸುಳ್ಳು ಮಾಹಿತಿ ರವಾನಿಸಿದ್ದ ಎನ್ನಲಾಗ್ತಿದೆ.

ಮುಂದಿನ 2 ಗಂಟೆಗಳಲ್ಲಿ ಸಲ್ಮಾನ್​ ಖಾನ್​ ಗ್ಯಾಲಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿ ಬಾಂಬ್​ ಸ್ಫೋಟಿಸಲಿದೆ. ಸಾಧ್ಯವಾದರೆ ನಿಲ್ಲಿಸಿ" ಎಂದು ಇ-ಮೇಲ್​ ಸಂದೇಶ ಕಳಿಸಿದ್ದ ಎಂದು ಪೊಲೀಸಸ್​ ಅಧಿಕಾರಿಗಳು ತಿಳಿಸಿದ್ದಾರೆ.