ಪ್ರಧಾನಿ ಭೇಟಿಗೆ ಸೈಕಲ್​ ಏರಿ 2000 ಕಿ.ಮೀ. ಕ್ರಮಿಸಿದ 'ಮಾದರಿ ಶಿಕ್ಷಕಿ'!

ಮಹಿಳೆಯರ ರಕ್ಷಣೆ ಮತ್ತು ಗೋ ಮಾತೆಯ ರಕ್ಷಣೆ ಸಂಬಂಧ ಕಾನೂನು ರೂಪಿಸುವಂತೆ ಮನವಿ ಮಾಡಲು ಶಿಕ್ಷಕಿವೋರ್ವರು ಹೈದರಾಬಾದ್​ನಿಂದ ದೆಹಲಿಗೆ ಸೈಕಲ್​ನಲ್ಲಿ ಪ್ರಯಾಣ ಬೆಳೆಸಿದ್ದಾರೆ.

ಆಗ್ರಾ(ಉತ್ತರ ಪ್ರದೇಶ):ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿ ಮಾಡುವ ಉದ್ದೇಶದಿಂದ ಮಾದರಿ ಶಿಕ್ಷಕಿವೋರ್ವರು ತೆಲಂಗಾಣದ ರಾಜಧಾನಿ ಹೈದರಾಬಾದ್​ನಿಂದ ರಾಷ್ಟ್ರ ರಾಜಧಾನಿ ದೆಹಲಿಗೆ ಸೈಕಲ್​ನಲ್ಲೇ ಪ್ರಯಾಣ ಬೆಳೆಸಿದ್ದಾರೆ. ಶಿಕ್ಷಕಿ ಮಾಧವಿ ಲತಾ ಅವರನ್ನು ಆಗ್ರಾದ ಗೋರಕ್ಷ ಕ್ರಾಂತಿ ಸದಸ್ಯರು ಸ್ವಾಗತಿಸಿದ್ದಾರೆ.

ಮಹಿಳೆಯರ ರಕ್ಷಣೆ ಮತ್ತು ಗೋ ಮಾತೆಯ ರಕ್ಷಣೆ ಸಂಬಂಧ ಕಾನೂನು ರೂಪಿಸುವಂತೆ ಮನವಿ ಮಾಡಲು ಪ್ರಧಾನಿ ಭೇಟಿಗೆ ಬಂದಿದ್ದೇನೆ ಎಂದು ಮಾಧವಿ ಹೇಳಿದ್ದಾರೆ.

ನವೆಂಬರ್​ 12 ರಂದು ಏಕಾಂಗಿಯಾಗಿ ಸೈಕಲ್​ ಮೂಲಕ ಸವಾರಿ ಪ್ರಾರಂಭಿಸಿದ್ದಾರೆ. ಸುಮಾರು 2000 ಕಿ.ಮೀ. ಸೈಕಲ್​ ಮೂಲಕವೇ ಪ್ರಯಾಣ ಬೆಳೆಸಿದ ಮಾಧವಿಯವರನ್ನು ಅಲ್ಲಿನ ಗೋರಕ್ಷ ಕ್ರಾಂತಿಯ ರಾಷ್ಟ್ರೀಯ ಅಧ್ಯಕ್ಷ ಜ್ಞಾನೇಂದ್ರ ಸಿಂಗ್ ಮುಖಿಯಾ, ನೀರಜ್ ಶರ್ಮಾ, ಪ್ರಮೋದ್ ಲವಾನಿಯಾ, ರಾಮು ಫೌಜ್ದಾರ್ ಸೇರಿದಂತೆ ಹೆಚ್ಚಿನ ಸಂಖ್ಯೆಯ ಗ್ರಾಮಸ್ಥರು ಸ್ವಾಗತಿಸಿ, ಅವರಿಗೆ ಬೆಂಬಲ ಸೂಚಿಸಿದರು.