ಕುರುಕ್ಷೇತ್ರ (ಚಂಡೀಗಢ):ಕುರುಕ್ಷೇತ್ರದಲ್ಲಿ ಟೀ ಶಾಪ್ ಇಟ್ಟುಕೊಂಡು ವ್ಯಾಪಾರ ನಡೆಸುತ್ತಿರುವ ರಾಜಕುಮಾರ್ ಎಂಬಾತ, ಸಾಲ ಪಡೆದುಕೊಳ್ಳುವ ಉದ್ದೇಶದಿಂದ ಬ್ಯಾಂಕ್ ಮೊರೆ ಹೋಗಿದ್ದ. ಆದರೆ ಈತನ ಅರ್ಜಿ ತಿರಸ್ಕರಿಸಿರುವ ಬ್ಯಾಂಕ್ ಬರೋಬ್ಬರಿ 50 ಕೋಟಿ ರೂ. ನೋಟಿಸ್ ನೀಡಿ ಶಾಕ್ ಕೊಟ್ಟಿದೆ.
1 ರೂಪಾಯಿ ಲೋನ್‌ ಪಡೆಯದವನಿಗೆ ಬ್ಯಾಂಕ್ನಿಂದ ಬಂತು 50 ಕೋಟಿ ರೂ ಸಾಲದ ನೋಟಿಸ್! - ಕುರುಕ್ಷೇತ್ರ ಸುದ್ದಿ
ಕೋವಿಡ್ನಿಂದಾಗಿ ದೇಶದಲ್ಲಿ ಸಾಮಾನ್ಯ ಜನರ ಪರಿಸ್ಥಿತಿ ತೀವ್ರ ಸ್ವರೂಪದಲ್ಲಿ ತೊಂದರೆಗೆ ಸಿಲುಕಿದೆ. ಪರಿಸ್ಥಿತಿ ಹೀಗಿರಬೇಕಾದರೆ ಜೀವನೋಪಾಯಕ್ಕಾಗಿ ಟೀ ಮಾರಾಟಗಾರನೊಬ್ಬ ಬ್ಯಾಂಕ್ನಿಂದ ಸಾಲ ಪಡೆದುಕೊಳ್ಳಲು ಹೋಗಿದ್ದಾನೆ. ಆದ್ರೆ ಅಲ್ಲಾಗಿದ್ದೇ ಬೇರೆ.
tea seller from Haryana
ನೀವು ಈಗಾಗಲೇ ಬ್ಯಾಂಕ್ನಿಂದ 50 ಕೋಟಿ ರೂ ಸಾಲ ಪಡೆದುಕೊಂಡಿದ್ದೀರಿ. ಇದೀಗ ಮತ್ತೊಮ್ಮೆ ಸಾಲ ಮಂಜೂರು ಮಾಡಲು ಸಾಧ್ಯವಿಲ್ಲ ಎಂದಿದೆ. ವಿಚಿತ್ರ ಅಂದ್ರೆ, ಬ್ಯಾಂಕ್ನಿಂದ ರಾಜ್ಕುಮಾರ್ ಒಂದೇ ಒಂದು ರೂಪಾಯಿ ಸಾಲ ಪಡೆದುಕೊಂಡಿಲ್ಲವಂತೆ!.
ಕೋವಿಡ್ ಕಾರಣ ಹೆಚ್ಚು ಜನರು ಟೀ ಸೇವಿಸಲು ಅಂಗಡಿಗೆ ಬರುತ್ತಿಲ್ಲ. ವ್ಯಾಪಾರ ಸಂಪೂರ್ಣವಾಗಿ ಕುಸಿತಗೊಂಡಿದೆ. ಹೀಗಾಗಿ ಕುಟುಂಬ ನಿರ್ವಹಣೆಗೋಸ್ಕರ ಹಾಗೂ ಹಣಕಾಸಿಕ ಬಿಕ್ಕಟ್ಟಿನಿಂದ ಪಾರಾಗಲು ಅವರು ಸಾಲದ ಮೊರೆ ಹೋಗಿದ್ದರು. ಆದ್ರೆ ಅಲ್ಲಿ ಆಗಿದ್ದೇ ಬೇರೆ!. ಬ್ಯಾಂಕ್ ಎಡವಟ್ಟಿಗೆ ಸಾಮಾನ್ಯ ಟೀ ಮಾರಾಟಗಾರ ಬೆಚ್ಚಿಬಿದ್ದಿದ್ದಾನೆ.