ಕಿತ್ತಳೆ ವಲಯಗಳಲ್ಲೂ ವಾಹನ ಸಂಚಾರಕ್ಕೆ ಕೇಂದ್ರ ಸರ್ಕಾರದ ಅನುಮತಿ

ಕೊರೊನಾ ವಿರುದ್ಧದ ಹೋರಾಟ ಮುಂದಿವರಿದಿದ್ದು, ಮುಂದಿನ ಎರಡು ವಾರಗಳ ಕಾಲ ಲಾಕ್​ಡೌನ್​ ವಿಸ್ತರಣೆ ಮಾಡಿ ಆದೇಶ ಹೊರಹಾಕಲಾಗಿದೆ. ಇದರ ಮಧ್ಯೆ ಆರೆಂಜ್​ ಪ್ರದೇಶಗಳಲ್ಲೂ ವಾಹನ ಸಂಚಾರಕ್ಕೆ ಅನುಮತಿ ನೀಡಲಾಗಿದೆ.

ನವದೆಹಲಿ:ದೇಶಾದ್ಯಂತ ಮುಂದಿನ ಎರಡು ವಾರಗಳ ಕಾಲ(ಮೇ.17) ಲಾಕ್​ಡೌನ್​ ಮುಂದೂಡಿಕೆಯಾಗಿದ್ದು, ಈಗಾಗಲೇ ದೇಶದಲ್ಲಿ ಯಾವ ರೀತಿಯಲ್ಲಿ ಕಾರ್ಯಸೂಚಿ ಇರಬೇಕು ಎಂಬುದರ ಕುರಿತು ಕೇಂದ್ರ ಸರ್ಕಾರ ಮಾಹಿತಿ ಹೊರಹಾಕಿದೆ.

ಕೇಂದ್ರ ಗೃಹ ಸಚಿವಾಲಯ ಇದರ ಬಗ್ಗೆ ನಿನ್ನೆ ಆದೇಶ ಹೊರಹಾಕಿದ್ದು, ರೆಡ್,ಗ್ರೀನ್​ ಹಾಗೂ ಆರೆಂಜ್​ ವಲಯದಲ್ಲಿನ ಜನರು ಯಾವ ರೀತಿ ನಿಯಮ ಪಾಲನೆ ಮಾಡಬೇಕು ಎಂಬ ಮಾಹಿತಿ ನೀಡಿದೆ.ಇದರ ಮಧ್ಯೆ ಇದೀಗ ಆರೆಂಜ್​ ಝೋನ್​ ಜನರಿಗೆ ಮತ್ತಷ್ಟು ರಿಯಾಯಿತಿ ನೀಡಲಾಗಿದೆ.

ಆರೆಂಜ್​ ಝೋನ್​ಗಳಲ್ಲಿ ಬಸ್​​ ಸಂಚರಿಸಲು ಯಾವುದೇ ರಿಯಾಯತಿ ನೀಡಿಲ್ಲವಾದರೂ ಟ್ಯಾಕ್ಸಿ, ಕ್ಯಾಬ್​ಗಳ ಸಂಚಾರಕ್ಕೆ ಅನುಮತಿ ನೀಡಲಾಗಿದೆ. ಡ್ರೈವರ್​​ ಹಾಗೂ ಇಬ್ಬರು ಪ್ಯಾಸೆಂಜರ್​ಗಳು ಪ್ರಯಾಣಿಸಬಹುದಾಗಿದೆ.

ಈಗಾಗಲೇ ಆರೆಂಜ್​, ಗ್ರೀನ್​ ಝೋನ್​​ಗಳಲ್ಲಿ ಬಾರ್​​ ಶಾಪ್​ ಓಪನ್​ ಮಾಡಲು ಅನುಮತಿ ನೀಡಲಾಗಿದ್ದು, ಅಂತರ ಕಾಯ್ದುಕೊಳ್ಳುವುದು ಅತಿ ಅವಶ್ಯಕ ಎಂದು ಸರ್ಕಾರ ತಿಳಿಸಿದೆ. ಇದರ ಮಧ್ಯೆ ಮೂರು ಝೋನ್​ಗಳಲ್ಲಿ ಆಸ್ಪತ್ರೆ ಒಪಿಡಿ ತೆರೆಯಲು ಅನುಮತಿ ನೀಡಲಾಗಿದ್ದು, ರೆಡ್​ ಝೋನ್​ಗಳಲ್ಲಿನ ಕಂಟೇನ್ಮೆಂಟ್​​ಗಳಲ್ಲಿ ಮಾತ್ರ ಈ ನಿಯಮ ಅನ್ವಯವಾಗುವುದಿಲ್ಲ.