ಸೂರತ್: ಮೆದುಳು ನಿಷ್ಕ್ರೀಯಗೊಂಡ ಮಹಿಳೆಯೊಬ್ಬರು ತಮ್ಮ ದೇಹದ ಅಂಗದಾನ ಮಾಡಿದ್ದು, 7 ಜನರ ಬಾಳಿಗೆ ಬೆಳಕಾಗಿದ್ದಾರೆ.
ಸೂರತ್‌ನ ಕೊಸಾದ್ ಗ್ರಾಮದ ಕೋಡಿವಾರ್ ಪ್ರದೇಶದಲ್ಲಿ ವಾಸಿಸುವ 41 ವರ್ಷದ ಎಲಾ ಬೆನ್ ನಿತಿನ್ ಭಾಯ್ ಪಟೇಲ್ ತಲೆತಿರುಗಿ ಕೆಳಗೆ ಬಿದ್ದು, ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಈ ವೇಳೆ, ಅವರ ಮೆದುಳು ನಿಷ್ಕ್ರೀಯಗೊಂಡಿದೆ ಎಂದು ವೈದ್ಯರು ತಿಳಿಸಿದರು.
ಅಂಗಗಳನ್ನು ದಾನ ಮಾಡಲು ಜನರನ್ನು ಪ್ರೋತ್ಸಾಹಿಸುವ ಸೂರತ್ ಮೂಲದ ಡೊನೇಟ್ ಲೈಫ್‌ ಕುಟುಂಬಕ್ಕೆ ಅಂಗ ದಾನ ಮಾಡಲು ಮನವೊಲಿಸಿತು. ಇದಕ್ಕೆ ಒಪ್ಪಿಗೆ ನೀಡಿದ ಕುಟುಂಬಸ್ಥರು 2 ಮೂತ್ರಪಿಂಡಗಳು, ಯಕೃತ, ಶ್ವಾಸಕೋಶ, ಹೃದಯ ಮತ್ತು ಎರಡೂ ಕಣ್ಣುಗಳು ಸೇರಿದಂತೆ ದೇಹದ 7 ಭಾಗಗಳನ್ನು ದಾನ ಮಾಡಲು ನಿರ್ಧರಿಸಿದರು.
ಇದರಿಂದಾಗಿ15 ವರ್ಷದ ಬಾಲಕಿಗೆ ಹೃದಯದ ಕಸಿ ಮಾಡಲಾಗಿದ್ದು, 61 ವರ್ಷದ ಮಹಿಳೆಯ ದೇಹಕ್ಕೆ ಶ್ವಾಸಕೋಶ ಕಸಿ ಮಾಡಲಾಗಿದೆ. ಹೀಗೆ ಈ ಮಹಿಳೆಯ ಅಂಗಗಳು ಒಟ್ಟು 7 ಜನರಿಗೆ ಮರುಜೀವ ನೀಡಿವೆ.