599 ಹುಡುಗರಿದ್ದ ಕಾಲೇಜಿನಲ್ಲಿ ನಾನೊಬ್ಬಳೇ ಹುಡುಗಿ: ಬಿಗ್​ ಬಿ ಜತೆ ಸುಧಾಮೂರ್ತಿ ಮನದಾಳ

'ಕೌನ್​ ಬನೇಗಾ ಕರೋಡ್​ಪತಿ' ಅಂತಿಮ ಎಪಿಸೋಡ್​ ಕಾರ್ಯಕ್ರಮದಲ್ಲಿ ಭಾಗಿಯಾಗಿರುವ ಕನ್ನಡದ ಹೆಮ್ಮೆಯ ಸುಧಾಮೂರ್ತಿ ತಮ್ಮ ಕಾಲೇಜು​ ಜೀವನದ ಬಗ್ಗೆ ಮನದಾಳ ಬಿಚ್ಚಿ ಮಾತನಾಡಿದ್ದಾರೆ.

ಮುಂಬೈ: ಬಾಲಿವುಡ್ ನಟ ಅಭಿತಾಬ್ ಬಚ್ಚನ್ 'ಕೌನ್ ಬನೇಗಾ ಕರೋಡ್‌ಪತಿ' ಕಾರ್ಯಕ್ರಮದ ಅಂತಿಮ ಎಪಿಸೋಡ್​​ನಲ್ಲಿ ಭಾಗಿಯಾಗಿದ್ದ ಇನ್ಪೋಸಿಸ್​ ಫೌಂಡೇಶನ್​ ಅಧ್ಯಕ್ಷೆ ಸುಧಾಮೂರ್ತಿ ಮನಸು ಬಿಚ್ಚಿ ಮಾತನಾಡಿದ್ದು, ತಮ್ಮ ಕಾಲೇಜು ಜೀವನದ ಬಗ್ಗೆ ಮಹತ್ವದ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

1968ರಲ್ಲಿ ಎಂಜನಿಯರಿಂಗ್​ ಪದವಿ ಕೋರ್ಸ್​​ ಸೇರಿದ್ದ ವೇಳೆ ಕಾಲೇಜಿನಲ್ಲಿ ಒಟ್ಟು 599 ಹುಡುಗರಿದ್ದರೆ, ಇವರೊಬ್ಬರೇ ಹುಡುಗಿಯಂತೆ. ಕಾಲೇಜಿನಲ್ಲಿ ಪ್ರವೇಶ ಪಡೆದುಕೊಳ್ಳುತ್ತಿದ್ದ ವೇಳೆ ಪ್ರಾಂಶುಪಾಲರು ಕೆಲವು ಷರತ್ತು ಹಾಕಿ ತಮಗೆ ಕೋರ್ಸ್​ಗೆ ಪ್ರವೇಶ ನೀಡಿದ್ದರು ಎಂದು ಹೇಳಿದ್ರು. ಕಾಲೇಜಿ​ಗೆ ಬರುವಾಗ ಸೀರೆ ಹಾಕಿಕೊಂಡೇ ಬರಬೇಕು. ಯಾವುದೇ ಕಾರಣಕ್ಕೂ ಕಾಲೇಜು​ ಕ್ಯಾಂಟೀನ್​ಗೆ ಹೋಗುವಂತಿಲ್ಲ ಹಾಗೂ ಹುಡುಗರೊಂದಿಗೆ ಮಾತನಾಡುವ ಹಾಗಿಲ್ಲ ಎಂಬ ಕಂಡಿಶನ್ಸ್ ಹಾಕಲಾಗಿತ್ತಂತೆ.

ಕಾಲೇಜು​​ ದಿನಗಳಲ್ಲಿ ಅನುಭವಿಸಿದ ಕಷ್ಟ, ಇದಾದ ಬಳಿಕ ಅವರ ಸಮಾಜಮುಖಿ ಕಾರ್ಯಗಳ ಬಗ್ಗೆ ಈ ಕಾರ್ಯಕ್ರಮದಲ್ಲಿ ಸುಧಾಮೂರ್ತಿ ಮಾತನಾಡಿದರು.

ಹಿಂದಿ ಖಾಸಗಿ ಸುದ್ದಿವಾಹಿನಿಯಲ್ಲಿ ಪ್ರಸಾರವಾಗುವ ಕೌನ್​ ಬನೇಗಾ ಕರೋಡ್​ಪತಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿರುವ ಸುಧಾಮೂರ್ತಿಯವರ ಪ್ರೋಮೋ ಇದೀಗ ರಿಲೀಸ್​ ಆಗಿದ್ದು, ಇಡೀ ಎಪಿಸೋಡಿ ನವೆಂಬರ್​ 29ರ ರಾತ್ರಿ 9ಗಂಟೆಗೆ ಪ್ರಸಾರವಾಗಲಿದೆ.