ಜಲ್ಪೈಗುರಿ (ಪಶ್ಚಿಮ ಬಂಗಾಳ): ಭಾರತ ಮತ್ತು ಬಾಂಗ್ಲಾದೇಶದ ನಡುವೆ ನಿಷ್ಕ್ರಿಯಗೊಂಡಿದ್ದ ರೈಲ್ವೆ ಸಂಪರ್ಕ ಮಾರ್ಗದಲ್ಲಿ ಯಶಸ್ವಿ ಪ್ರಾಯೋಗಿಕ ರೈಲು ಚಾಲನೆ ನಡೆಸಲಾಯಿತು.
ಉತ್ತರ ಬಂಗಾಳದ ಜಲ್ಪೈಗುರಿಯಿಂದ ಹಲ್ಡಿಬಾರಿ ಮೂಲಕ ಬಾಂಗ್ಲಾದೇಶದ ಚಿಲಹತಿವರೆಗಿನ ಇಂಡೋ-ಬಾಂಗ್ಲಾದೇಶದ ಅಂತಾರಾಷ್ಟ್ರೀಯ ರೈಲ್ವೆ ಮಾರ್ಗವು 55 ವರ್ಷಗಳ ಸುದೀರ್ಘ ಅಂತರದ ಬಳಿಕ ಮತ್ತೆ ಪ್ರಾರಂಭವಾಗಲಿದೆ.
ಭಾರತ-ಬಾಂಗ್ಲಾದೇಶ ರೈಲು ಸಂಪರ್ಕಕ್ಕೆ ಪ್ರಾಯೋಗಿಕ ಚಾಲನೆ 1965ರಲ್ಲಿ ಭಾರತ ಮತ್ತು ಬಾಂಗ್ಲಾದೇಶ (ಅಂದಿನ ಪೂರ್ವ ಪಾಕಿಸ್ತಾನ) ನಡುವಿನ ರೈಲು ಸಂಪರ್ಕ ಮಾರ್ಗ ಕುಸಿದ ನಂತರ ಹಲ್ಡಿಬರಿಯಿಂದ ಬಾಂಗ್ಲಾದೇಶದ ಚಿಲಹತಿಯವರೆಗಿನ ರೈಲು ಮಾರ್ಗವು ನಿಷ್ಕ್ರಿಯಗೊಂಡಿತ್ತು. ಬಳಿಕ ಬಾಂಗ್ಲಾದೇಶ ಸ್ವಾತಂತ್ರ್ಯ ಪಡೆದರೂ ಈ ಮಾರ್ಗದಲ್ಲಿ ರೈಲು ಸೇವೆಗಳನ್ನು ಸ್ಥಗಿತಗೊಳಿಸಲಾಗಿತ್ತು.
ನಿನ್ನೆ ಲೋಕೊ ಎಂಜಿನ್ ಪ್ರಾಯೋಗಿಕ ಆಧಾರದ ಮೇಲೆ ಈ ರೈಲ್ವೆ ಮಾರ್ಗದಲ್ಲಿ ಯಶಸ್ವಿಯಾಗಿ ಪ್ರಾಯೋಗಿಕ ಚಾಲನೆ ನಡೆಸಲಾಯಿತು. ಈಶಾನ್ಯ ಗಡಿನಾಡು ರೈಲ್ವೆಯ ಮುಖ್ಯ ಎಂಜಿನಿಯರ್ (ನಿರ್ಮಾಣ) ಜೆ.ಪಿ.ಸಿಂಗ್ ಅವರು ಪ್ರಾಯೋಗಿಕ ಚಾಲನೆಯನ್ನು ಉದ್ಘಾಟಿಸಿದರು. ಎಂಜಿನ್ ದಂಗಪರ ಗಡಿ ಹೊರ ಠಾಣೆಯಿಂದ ಹೊರಟು ಮತ್ತು ಬೆಳಗ್ಗೆ 11: 45ಕ್ಕೆ ಭಾರತ-ಬಾಂಗ್ಲಾದೇಶ ಗಡಿಯನ್ನು ತಲುಪಿತು.
ಭಾರತ-ಬಾಂಗ್ಲಾದೇಶ ರೈಲು ಸಂಪರ್ಕಕ್ಕೆ ಪ್ರಾಯೋಗಿಕ ಚಾಲನೆ ಗಡಿಯ ಎರಡೂ ಕಡೆಯ ಜನರು ಲೋಕೊಮೊಟಿವ್ಅನ್ನು ಚಪ್ಪಾಳೆಯೊಂದಿಗೆ ಸ್ವಾಗತಿಸಿದರು. ಬಾಂಗ್ಲಾದೇಶವು ಕೆಲವೇ ದಿನಗಳಲ್ಲಿ ಗಡಿಯಲ್ಲಿ ಇದೇ ರೀತಿಯ ಪ್ರಯೋಗ ನಡೆಸಲಿದೆ ಎಂದು ಮೂಲಗಳು ತಿಳಿಸಿವೆ.
ಎರಡೂ ದೆಶಗಳ ಗಡಿ ಭಾಗದಲ್ಲಿರುವ ಜನರು ರೈಲ್ವೆ ಸೇವೆಯ ಪುನರಾರಂಭವನ್ನು ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ.
