ವಿಶೇಷ ಪೊಲೀಸ್​ ಅಧಿಕಾರಿ ಮೇಲೆ ಟ್ರಕ್​ ಹತ್ತಿಸಿದ ಚಾಲಕ!

ಹೆದ್ದಾರಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ವಿಶೇಷ ಪೊಲೀಸ್​ ಅಧಿಕಾರಿಯೊಬ್ಬರ ಮೇಲೆ ಚಾಲಕ ಟ್ರಕ್​ ಹತ್ತಿಸಿರುವ ಘಟನೆ ಜಮ್ಮುವಿನಲ್ಲಿ ನಡೆದಿದೆ.

ರಾಮ್​ಬನ್​​:ಹೆದ್ದಾರಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ವಿಶೇಷ ಪೊಲೀಸ್​ ಅಧಿಕಾರಿ ಮೇಲೆ ಹರಿಯಾಣ ಮೂಲದ ಚಾಲಕನೊಬ್ಬ ಟ್ರಕ್​ ಹತ್ತಿಸಿರುವ ಘಟನೆ ರಾಮ್​ಬನ್​ ಜಿಲ್ಲೆಯ ಬನಿಹಾಲ್​ನಡೆದಿದೆ.

ಮಂಗಳವಾರ ರಾತ್ರಿ ಗ್ರಾಮದ ಜಮ್ಮು-ಶ್ರೀನಗರ ಹೈವೆಯಲ್ಲಿ ವಿಶೇಷ ಟ್ರಾಫಿಕ್ ಪೊಲೀಸ್​ ಅಧಿಕಾರಿ ಪರ್ವೇಜ್​ ಅಹ್ಮದ್​ ಮಲಿಕ್​ ಕಾರ್ಯ ನಿರ್ವಹಿಸುತ್ತಿದ್ದರು. ಈ ವೇಳೆ ಕಾಶ್ಮೀರ್​ನತ್ತ ಹೊರಡುತ್ತಿದ್ದ ಟ್ರಕ್ ಚಾಲಕ​ ಪರ್ವೇಜ್​ ಅಹ್ಮದ್​ ಮೇಲೆ ಹತ್ತಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಟ್ರಕ್​ ನಿಲ್ಲಿಸದೇ ಎಸ್ಕೇಪ್​ ಆಗಲು ಆರೋಪಿ ಚಾಲಕ ಯತ್ನಿಸಿದ್ದಾನೆ. ಆದ್ರೆ ಆರೋಪಿಯನ್ನು ಚೇಸ್​ ಮಾಡಿ ಬಂಧಿಸಲಾಗಿದೆ. ಆರೋಪಿ ಮೇಲೆ ಪ್ರಕರಣ ದಾಖಲಾಗಿದ್ದು, ವಾಹನವನ್ನು ವಶಕ್ಕೆ ಪಡೆದು ಹೆಚ್ಚಿನ ವಿಚಾರಣೆ ಕೈಗೊಳ್ಳಲಾಗಿದೆ ಎಂದು ಪೊಲೀಸ್​ ಅಧಿಕಾರಿ ತಿಳಿಸಿದ್ದಾರೆ.

ಪೊಲೀಸ್​ ಅಧಿಕಾರಿ ಪರ್ವೇಜ್​ ಅಹ್ಮದ್​ ಮಲಿಕ್ ಹೆಂಡ್ತಿ ಮತ್ತು ಐದು ಮಕ್ಕಳನ್ನು ಬಿಟ್ಟು ಅಗಲಿದ್ದಾರೆ. ಬುಧವಾರ ಬೆಳಗ್ಗೆ ಪರ್ವೇಜ್​ ಅಹ್ಮದ್​ರ ಮೃತದೇಹವನ್ನು ಕುಟುಂಬಸ್ಥರಿಗೆ ಹಸ್ತಾಂತರಿಸಲಾಯಿತು.