ಸಹೋದರ ಸ್ನೇಹಶಿಶ್​ಗೆ ಕೋವಿಡ್ ದೃಢ: ಸ್ವಯಂ ಕ್ವಾರಂಟೈನ್​ ಆದ ಸೌರವ್​ ಗಂಗೂಲಿ​

ಪಶ್ಚಿಮ ಬಂಗಾಳ ಕ್ರಿಕೆಟ್ ಅಸೋಸಿಯೇಷನ್ ​​ಕಾರ್ಯದರ್ಶಿ ಮತ್ತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿಯ ಹಿರಿಯ ಸಹೋದರ ಸ್ನೇಹಶಿಶ್ ಗಂಗೂಲಿ ಅವರಿಗೆ ಕೊರೊನಾ ಪಾಸಿಟಿವ್​ ದೃಢಪಟ್ಟಿದೆ.

ಕೊಲ್ಕತ್ತಾ:ಬಂಗಾಳ ಕ್ರಿಕೆಟ್ ಅಸೋಸಿಯೇಷನ್ ​​ಕಾರ್ಯದರ್ಶಿ ಮತ್ತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿಯ ಹಿರಿಯ ಸಹೋದರ ಸ್ನೇಹಶಿಶ್ ಗಂಗೂಲಿ ಅವರಿಗೆ ಕೋವಿಡ್-19 ದೃಢಪಟ್ಟಿದೆ.

ಕೊಲ್ಕತ್ತಾದ ಖಾಸಗಿ ಪ್ರಯೋಗಾಲಯದಲ್ಲಿ ಸ್ನೇಹಶಿಶ್ ಅವರ ಸ್ವ್ಯಾಬ್ ಪರೀಕ್ಷೆ ನಡೆಸಲಾಗಿದ್ದು, ಕೊರೊನಾ ಪಾಸಿಟಿವ್​ ವರದಿ ಬಂದಿದೆ. ಸಹೋದರನಿಗೆ ಕೋವಿಡ್​ ಪಾಸಿಟಿವ್​ ಹಿನ್ನೆಲೆ ಸೌರವ್ ಸೇರಿದಂತೆ ಅವರ ಎಲ್ಲಾ ಕುಟುಂಬ ಸದಸ್ಯರು ಸ್ವಯಂ ಕ್ವಾರಂಟೈನ್​​ ಆಗಿದ್ದಾರೆ.

ಸ್ನೇಹಶಿಶ್ ಗಂಗೂಲಿ

ಸೌರವ್ ಜುಲೈ 8ರಂದು ತಮ್ಮ ಹುಟ್ಟುಹಬ್ಬವನ್ನು ಕುಟುಂಬದ ಎಲ್ಲ ಸದಸ್ಯರೊಂದಿಗೆ ಆಚರಿಸಿದ್ದಾರೆ ಎಂದು ತಿಳಿದುಬಂದಿದೆ. ಇತ್ತೀಚೆಗೆ ಬಿಡುಗಡೆ ಮಾಡಿದ ಪರಿಷ್ಕೃತ ಆರೋಗ್ಯ ಸಲಹೆಯ ಪ್ರಕಾರ, 10 ದಿನಗಳ ಐಸೋಲೇಷನ್​ ಕಡ್ಡಾಯವಾಗಿದೆ.