'ಬೆಂಕಿಯ ಉಂಗುರ': ದೇಶದ ವಿವಿಧೆಡೆ ವರ್ಣರಂಜಿತ ರವಿಯ ಕಣ್ತುಂಬಿಕೊಂಡ ಜನತೆ

14:53 June 21

ಗ್ರಹಣ ಮುಗಿಯುತ್ತಿದ್ದಂತೆ ಕೆಳಗೆ ಬಿತ್ತು ಒನಕೆ..!

• ಗ್ರಾಮೀಣ ಪ್ರದೇಶದಲ್ಲಿ ಇನ್ನೂ ಜೀವಂತವಾಗಿರುವ ಒನಕೆ ಗ್ರಹಣ ಪರೀಕ್ಷೆ
• ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ‌ ವಿವಿಧೆಡೆ ಒನಕೆ ನಿಲ್ಲಿಸಿದ್ದ ಜನರು
• ಗ್ರಹಣ ಮುಗಿಯುವ ವರೆಗೂ ಹಾಗೇ ನಿಲ್ಲುವ ಒನಕೆ
• ಗ್ರಹಣ ಮುಗಿದ ಬಳಿಕ ತನ್ನಿಂದ ತಾನೇ ಕೆಳಗೆ ಬಿದ್ದಿತು

14:52 June 21

ಮೋಡದೊಳಗೆ ಸೂರ್ಯ..

• ಮಂಡ್ಯದಲ್ಲಿ ಮೋಡ ಮುಸುಕಿದ ವಾತಾವರಣದಲ್ಲಿ ಗೋಚರಿಸಿದ ಗ್ರಹಣ
• ನಗರದ ವಿಜ್ಞಾನ ಕೇಂದ್ರದಿಂದ ಸರ್.ಎಂ.ವಿ ಕ್ರೀಡಾಂಗಣದಲ್ಲಿ ಗ್ರಹಣ ವೀಕ್ಷಣೆಗೆ ಅವಕಾಶ

14:52 June 21

ಬೆಂಗಳೂರಿನಲ್ಲಿ ಕಿತ್ತಳೆ ಬಣ್ಣದಲ್ಲಿ ಗೋಚರಿಸಿದ ಸೂರ್ಯ

• ರಾಜಧಾನಿ ಬೆಂಗಳೂರಿನಲ್ಲಿ ಗ್ರಹಣ ವೀಕ್ಷಣೆ
• ನಗರದ ವಿವಿಧೆಡೆ ಗ್ರಹಣ ವೀಕ್ಷಿಸಿದ ಜನರು
• ಕಿತ್ತಳೆ ಬಣ್ಣದಲ್ಲಿ ಗೋಚರಿಸಿದ ಸೂರ್ಯ

14:07 June 21

ಓಡುವ ಮೋಡಗಳ ನಡುವೆ ಕಂಕಣ ಗ್ರಹಣ

• ಗದಗನಲ್ಲಿ ಕಂಕಣ ಸೂರ್ಯಗ್ರಹಣ
• ಗ್ರಹಣದ ಸುಂದರ ನೋಟ ಕ್ಯಾಮರಾದಲ್ಲಿ ಸೆರೆ
• ಓಡುವ ಮೋಡಗಳ ನಡುವೆ ಕೆಂಡದಂತೆ ಕಂಡ ನೇಸರ

13:19 June 21

ಹುಬ್ಬಳ್ಳಿ ಈಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ

• ರಾಹುಗ್ರಸ್ಥ ಚೂಡಾಮಣಿ ಸೂರ್ಯಗ್ರಹಣ ಹಿನ್ನೆಲೆ
• ಹುಬ್ಬಳ್ಳಿ ಈಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ
• ನಗರದ ಸ್ಟೇಷನ್ ರಸ್ತೆಯಲ್ಲಿರುವ ಶಿವ ದೇಗುಲ
• ಗ್ರಹಣ ಪ್ರಾರಂಭಕ್ಕೂ ಮುನ್ನ ಹೋಮ-ಹವನ

13:14 June 21

ಕೊಪ್ಪಳ, ವಿಜಯಪುರದಲ್ಲಿ ಸೂರ್ಯಗ್ರಹಣ ವೀಕ್ಷಣೆ

• ಕೊಪ್ಪಳದ ಗಂಗಾವತಿಯಲ್ಲಿ ಸೂರ್ಯಗ್ರಹಣ ವೀಕ್ಷಣೆ
• ಎಪಿಎಂಸಿಯ ಆವರಣದಲ್ಲಿರುವ ಶ್ರಮಿಕ ಕಾಲೋನಿಯ ಸರ್ಕಾರಿ ಹಿರಿಯ ಪ್ರೌಢ ಶಾಲೆಯಲ್ಲಿ ವೀಕ್ಷಣೆಗೆ ಅವಕಾಶ
• ವಿಜ್ಞಾನ ವಿಭಾಗದ ಶಿಕ್ಷಕರಿಂದ ಏರ್ಪಾಡು
• ಸೌರಫಲಕ, ಕಪ್ಪು ಕನ್ನಡಕದ ಮೂಲಕ ಗ್ರಹಣ ವೀಕ್ಷಿಸಿದ ವಿವಿಧ ಇಲಾಖೆಯ ಅಧಿಕಾರಿಗಳು

• ವಿಜಯಪುರದಲ್ಲಿ ವೆಬಿನಾರ್ ಮೂಲಕ ಗ್ರಹಣ ವೀಕ್ಷಣೆ
• ವಿಜ್ಞಾನ ಚಟುವಟಿಕಾ ಕೇಂದ್ರದಲ್ಲಿ ವೀಕ್ಷಣೆಗೆ ಅವಕಾಶ
• ಕೊರೊನಾ ಭೀತಿ ಹಿನ್ನೆಲೆ ಆನ್‌ಲೈನ್ ಮೂಲಕ ಕಂಕಣ ಸೂರ್ಯಗ್ರಹಣ ಕುರಿತು ಮಾಹಿತಿ

13:05 June 21

ಹಾಸನದ ದೇವಾಲಯಗಳು ಬಂದ್​

• ಕಂಕಣ ಸೂರ್ಯ ಗ್ರಹಣದ ಹಿನ್ನೆಲೆ
• ಹಾಸನದ ಬೇಲೂರಿನ ಚನ್ನಕೇಶವ ದೇವಾಲಯ ಸೇರಿದಂತೆ ಜಿಲ್ಲೆಯ ಎಲ್ಲಾ ದೇವಸ್ಥಾನಗಳು 3 ಗಂಟೆ ತನಕ ಬಂದ್
• ರಾಮನಾಥಪುರದ ರಾಮೇಶ್ವರ,  ಶ್ರವಣಬೆಳಗೊಳದ ಜಿನಮಂದಿರ ಚಂದ್ರಗಿರಿ ಮತ್ತು ವಿಂಧ್ಯಗಿರಿ,ಅರಸಿಕೆರೆಯ ಮಾಲೇಕಲ್ ತಿರುಪತಿ ಜೇನುಗಿರಿ ಬೆಟ್ಟ, ಗರುಡನ ಗಿರಿಬೆಟ್ಟ,
• ಸಕಲೇಶಪುರದ ಸಕಲೇಶ್ವರ ದೇವಾಲಯ, ಹೊಳೆಮಲ್ಲೇಶ್ವರ ಹಳೆಬೀಡಿನ ಹೊಯ್ಸಳೇಶ್ವರ ದೇವಾಲಯ ದೊಡ್ಡಗದ್ದವಳ್ಳಿ ಲಕ್ಷ್ಮಿ ದೇವಾಲಯದ ಬಾಗಿಲು ಕ್ಲೋಸ್​
• ಸೂರ್ಯಗ್ರಹಣ ವೀಕ್ಷಣೆಗೆ ಹಾಸನದ ಭಾರತ ಜ್ಞಾನ ವಿಜ್ಞಾನ ಸಮಿತಿ ವತಿಯಿಂದ ನಗರದ ಜಿಲ್ಲಾ ಕ್ರೀಡಾಂಗಣ ಸೇರಿದಂತೆ ಹಲವು ಕಡೆ ವ್ಯವಸ್ಥೆ

12:48 June 21

ನೇಪಾಳದ ಕಠ್ಮಂಡುವಿನಲ್ಲಿ ಗ್ರಹಣ ಗೋಚರ

ನೇಪಾಳದಲ್ಲಿ ಬೆಳಗ್ಗೆ 10:52 ರಿಂದ ಸೂರ್ಯಗ್ರಹಣ ಆರಂಭ

ಮಧ್ಯಾಹ್ನ 2:32 ರವರೆಗೆ ಗೋಚರಿಸಲಿರುವ ಭಾನು

ಕಠ್ಮಂಡುವಿನಲ್ಲಿ ತಿಳಿ ಕಿತ್ತಳೆ ಬಣ್ಣದಲ್ಲಿ ಮೂಡಿಬಂದ ಸೂರ್ಯ

12:30 June 21

ದೇಶದ ಹಲವೆಡೆ ಸೂರ್ಯಗ್ರಹಣ ಗೋಚರ

ಉತ್ತರಾಖಂಡದ ಡೆಹ್ರಾಡೂನ್, ತಮಿಳುನಾಡಿನ ಕೊಯಿಮತ್ತೂರ್​, ದೆಹಲಿಯಲ್ಲಿ ಗ್ರಹಣ ಗೋಚರಿಸಿದ್ದು ಹೀಗೆ..​

12:19 June 21

ಸುರಪುರದಲ್ಲಿ ಗ್ರಹಣದ ದೃಶ್ಯ ಈಟಿವಿ ಭಾರತ ಕ್ಯಾಮರಾದಲ್ಲಿ ಸೆರೆ

• ಯಾದಗಿರಿಯ ಸುರಪುರದಲ್ಲಿ ಸೂರ್ಯಗ್ರಹಣ ವೀಕ್ಷಣೆ
• ಟೈಲರ್ ಮಂಜಿಲ್ ಬೆಟ್ಟದ ಮೇಲೆ ನಿಂತು ಗ್ರಹಣ ವೀಕ್ಷಿಸಿದ ಜನರು
• ಗ್ರಹಣದ ದೃಶ್ಯ ಈಟಿವಿ ಭಾರತ ಕ್ಯಾಮರಾದಲ್ಲಿ ಸೆರೆ

12:13 June 21

ವರ್ಣರಂಜಿತ ಸೂರ್ಯ

• ಉತ್ತರಪ್ರದೇಶದ ಲಖ್ನೋದಲ್ಲಿ ಸೂರ್ಯಗ್ರಹಣ
• ಹಸಿರು ಮಿಶ್ರಿತ ಬಿಳಿಯ ವರ್ಣರಂಜಿತ ಸೂರ್ಯ ಗೋಚರ
• ಕಂಕಣ ಸೂರ್ಯ ಗ್ರಹಣ ಕಣ್ತುಂಬಿಕೊಳ್ತಿರುವ ಜನ

12:08 June 21

ದಕ್ಷಿಣ ಕನ್ನಡ, ಚಿಕ್ಕಮಗಳೂರಲ್ಲಿ ಸೂರ್ಯನ ಕಣ್ಣಾಮುಚ್ಚಾಲೆ ಆಟ

• ಮೋಡ ಕವಿದ ವಾತಾವರಣ ಹಿನ್ನೆಲೆ
• ದಕ್ಷಿಣ ಕನ್ನಡ, ಚಿಕ್ಕಮಗಳೂರು ಜಿಲ್ಲೆಗಳಲ್ಲಿ ಸರಿಯಾಗಿ ಗ್ರಹಣ ವಿಕ್ಷಣೆ ಮಾಡೋದಕ್ಕೆ ಸಾಧ್ಯವಾಗುತ್ತಿಲ್ಲ
• ಚಿಕ್ಕಮಗಳೂರಲ್ಲಿ ಸೂರ್ಯನ ಕತ್ತಲು-ಬೆಳಕಿನ ಆಟ
• ಒಂದು ಬಾರಿ ಸೂರ್ಯ ಗೋಚರಿಸುತ್ತಿದ್ದಂತೆಯೇ ಕೆಲ ನಿಮಿಷದಲ್ಲಿ ಮೋಡ ಸೂರ್ಯನನ್ನು ಆವರಿಸುತ್ತಿದೆ
• ಮಂಗಳೂರಿನಲ್ಲಿ ಸುರಿಯುತ್ತಿರುವ ಮಳೆಯಿಂದ ಸೂರ್ಯಗ್ರಹಣ ವೀಕ್ಷಣೆಗೆ ಅಡ್ಡಿ
• ಮೋಡದ ನಡುವೆ ಆಗಾಗ ಸೂರ್ಯ ಗೋಚರ
• 11 ಗಂಟೆಯ ಬಳಿಕ ಸಂಪೂರ್ಣ ಮರೆಯಾದ ರವಿ

12:00 June 21

ಕೋಲಾರದಲ್ಲಿ ಶಾಂತಿ ಹೋಮ

• ರಾಹುಗ್ರಸ್ತ ಸೂರ್ಯಗ್ರಹಣ ಹಿನ್ನೆಲೆ
• ಕೋಲಾರದಲ್ಲಿ ಶಾಂತಿ ಹೋಮ
• ನಗರದ ಡೂಂಲೈಟ್ ಸರ್ಕಲ್ ಬಳಿ ಇರುವ ವಿದ್ಯಾಗಣಪತಿ ದೇವಾಲಯದಲ್ಲಿ ಶಾಂತಿ ಪೂಜೆ, ನವಗ್ರಹ ಹೋಮ

11:54 June 21

ದೇಶದ ಹಲವೆಡೆ ಸೂರ್ಯಗ್ರಹಣ ಗೋಚರ

ರಾಜಸ್ಥಾನದ ಜೈಪುರ, ಹರಿಯಾಣದ ಕುರುಕ್ಷೇತ್ರ, ಪಂಜಾಬ್​ನ ಅಮೃತಸರದಲ್ಲಿ ಆಗಸದಲ್ಲಿ ರವಿ ಗೋಚರಿಸಿದ್ದು ಹೀಗೆ.

11:48 June 21

ಅಂಗಡಿಗಳು ಬಂದ್

• ಹಳೆ ಸಂತೆಪೇಟೆ ಅಂಗಡಿಗಳು ಬಂದ್
• ಸೂರ್ಯಗ್ರಹಣದ ಹಿನ್ನೆಲೆ
• ಮೈಸೂರಿನ ಹಳೆ ಸಂತೆಪೇಟೆ ಅಂಗಡಿಗಳು ಸಂಪೂರ್ಣ ಬಂದ್

11:37 June 21

ಪಾಕಿಸ್ತಾನದ ಕರಾಚಿಯಲ್ಲಿ ಆಗಸದಲ್ಲಿ ಸೂರ್ಯ ಕಂಡದ್ದು ಹೀಗೆ

• ಪಾಕಿಸ್ತಾನದಲ್ಲಿ ಬೆಳಗ್ಗೆ 8.46ರಿಂದಲೇ ಗ್ರಹಣ ಆರಂಭ
• 11.40ಕ್ಕೆ ಸಂಪೂರ್ಣ ಗೋಚರ
• 2.34ರ ವರೆಗೆ ಕಾಣಿಸಲಿರುವ ರವಿ

11:33 June 21

ಉತ್ತರಾಖಂಡದಲ್ಲಿ ಮೂಡಿಬಂದ ರವಿ

• ಉತ್ತರಾಖಂಡದ ಡೆಹ್ರಾಡೂನ್​ನಲ್ಲಿ ಸೂರ್ಯಗ್ರಹಣ ಗೋಚರ
• ಮಧ್ಯಾಹ್ಯ 12:05ಕ್ಕೆ ರಾಜ್ಯದಲ್ಲಿ ಸಂಪೂರ್ಣ ಗ್ರಹಣ ಗೋಚರಿಸಲಿದೆ
• ಮಧ್ಯಾಹ್ಯ 1:50 ವರೆಗೂ ಕಾಣಿಸಲಿದೆ

11:30 June 21

ಕುಂದಾ ನಗರಿಯಲ್ಲಿ ರಾಹುಗ್ರಸ್ತ ಸೂರ್ಯಗ್ರಹಣ ಗೋಚರ

• ಬೆಳಗಾವಿ:ಕುಂದಾ ನಗರಿಯಲ್ಲಿ ರಾಹುಗ್ರಸ್ತ ಸೂರ್ಯಗ್ರಹಣ ಗೋಚರ
• ಗ್ರಹಣ ವೀಕ್ಷಣೆ ಮಾಡಿದ ಜನರು
• ನಗರದ ಎಸ್.ಜಿ.ಬಾಳೆಕುಂದ್ರಿ ತಾಂತ್ರಿಕ ಮಹಾವಿದ್ಯಾಲಯದ ಆವರಣದಲ್ಲಿ ಸೂರ್ಯಗ್ರಹಣ ವೀಕ್ಷಣೆಗೆ ಅವಕಾಶ
• ಶಿವಬಸವನಗರದ ನಾಗಲೋಟಿಮಠ ವಿಜ್ಞಾನ ಕೇಂದ್ರದ ಖಗೋಳವಿಜ್ಞಾನ ಕೇಂದ್ರ ಮುಖ್ಯಸ್ಥ ರಾಜಶೇಖ ಪಾಟೀಲ ನೇತೃತ್ವದಲ್ಲಿ ಆಯೋಜನೆ
• ಸೋಲಾರ್ ಗ್ಲಾಸ್, ಟೆಲಿಸ್ಕೋಪ್ ಹಾಕಿಕೊಂಡು ಗ್ರಹಣ ವೀಕ್ಷಣೆ ಮಾಡುತ್ತಿರುವ ಜನರು

11:01 June 21

ಬೆಂಗಳೂರಿನಲ್ಲಿ ಗೋಚರಿಸಿದ ಸೂರ್ಯಗ್ರಹಣ

• ಬೆಂಗಳೂರಿನಲ್ಲಿ ಗೋಚರಿಸಿದ ಸೂರ್ಯಗ್ರಹಣ
• ವಿಶೇಷ ಗಾಗಲ್ಸ್ ಮೂಲಕ ಗ್ರಹಣ ವೀಕ್ಷಿಸಿದ ಜನ
• ಕತ್ತಲೆ ಆಗಸದಲ್ಲಿ ಭಾನು ಗೋಚರ

10:58 June 21

ಗುಜರಾತ್​ನಲ್ಲಿ ಕಿತ್ತಳೆ ಬಣ್ಣದ ಸೂರ್ಯ

• ಗುಜರಾತ್​ನ ಗಾಂಧಿನಗರದಲ್ಲಿ ಕಿತ್ತಳೆ ಬಣ್ಣದ ಸೂರ್ಯ
• ಇಂದು ಮಧ್ಯಾಹ್ನ 1.32ರ ವರೆಗೆ ರಾಜ್ಯದಲ್ಲಿ ಗ್ರಹಣವಿರಲಿದೆ
• ಬೆಳಗ್ಗೆ 11.42ಕ್ಕೆ ಸಂಪೂರ್ಣ ಸೂರ್ಯಗ್ರಹಣ ಗೋಚರವಾಗಲಿದೆ

10:53 June 21

ಇಂದು ಭಕ್ತರಿಗಿಲ್ಲ ಹಂಪಿ ವಿರೂಪಾಕ್ಷನ ದರ್ಶನ

• ವರ್ಷಾರಂಭದಲ್ಲಿ ಮೊದಲನೇ ಸೂರ್ಯಗ್ರಹಣ ಹಿನ್ನಲೆ
• ಬಳ್ಳಾರಿಯ ಪ್ರಸಿದ್ಧ ಹಂಪಿ ವಿರೂಪಾಕ್ಷೇಶ್ವರನ ದೇವಾಲಯ ಬಂದ್​
• ಬಂದ್​ ಮಾಡುವಂತೆ ಹಿಂದೂ ಧಾರ್ಮಿಕ ದತ್ತಿ ಇಲಾಖೆಯಿಂದ ಆದೇಶ

10:50 June 21

ಸೂರ್ಯಗ್ರಹಣ ಎಫೆಕ್ಟ್ : ಬಾಗಿಲು ಮುಚ್ಚಿದ ದೇವಾಲಯಗಳು

• ಸೂರ್ಯಗ್ರಹಣ ಆರಂಭದ ಹಿನ್ನೆಲೆ
• ಬಾಗಿಲು ಮುಚ್ಚಿದ ದೇವಾಲಯಗಳು
• ಮೈಸೂರಿನ ಚಾಮುಂಡೇಶ್ವರಿ, ನಂಜುಂಡೇಶ್ವರ, ಚುಂಚನಕಟ್ಟೆ, ತಲಕಾಡು ಸೋಮನಾಥೇಶ್ವರ ದೇವಾಲಯಗಳು ಬಂದ್​

• ಕಲಬುರಗಿ: ಶರಣಬಸವೇಶ್ವರ ದೇವಸ್ಥಾನದ ಬಾಗಿಲಿಗೆ ಬೀಗ
• ದೇವಸ್ಥಾನದ ಹೊರಗಡೆಯಿಂದಲೇ ದರ್ಶನ ಪಡೆದು ತೆರಳಿದ ಭಕ್ತರು

• ಬೀದರ್: ನರಸಿಂಹ ಸ್ವಾಮಿ ದೇವಾಲಯದ ಪ್ರವೇಶಕ್ಕೆ ನಿಷೇಧ
• ಭಕ್ತರು ಸಹಕರಿಸುವಂತೆ ಆಡಳಿತ ಮಂಡಳಿ ಮನವಿ

10:45 June 21

ಹಳದಿ ಮಿಶ್ರಿತ ಹಸಿರು ಬಣ್ಣದಲ್ಲಿ ಮೂಡಿಬಂದ ರವಿ

• ಮಹಾರಾಷ್ಟ್ರದಲ್ಲಿ ಗ್ರಹಣ ಆರಂಭ
• ಮುಂಬೈನಲ್ಲಿ ಹಳದಿ ಮಿಶ್ರಿತ ಹಸಿರು ಬಣ್ಣದಲ್ಲಿ ಮೂಡಿಬಂದ ಸೂರ್ಯ

10:38 June 21

ದೆಹಲಿಯಲ್ಲಿ ಸೂರ್ಯ ಕಂಡಿದ್ದು ಹೀಗೆ

• ರಾಷ್ಟ್ರ ರಾಜಧಾನಿಯಲ್ಲಿ ಸೂರ್ಯಗ್ರಹಣ ಗೋಚರ
• ದೆಹಲಿಯಲ್ಲಿ ಮಧ್ಯಾಹ್ನ 12.10ಕ್ಕೆ ಸಂಪೂರ್ಣ ಗ್ರಹಣ ಸಂಭವಿಸಲಿದೆ

10:37 June 21

ಗ್ರಹಣಕ್ಕೂ ಮುನ್ನ ಬೆಂಗಳೂರಿನ ದೇಗುಲಗಳಲ್ಲಿ ಹೋಮ- ಹವನ

• ಇಂದು ವಿಶೇಷ ಕಂಕಣ ಸೂರ್ಯಗ್ರಹ
• ಗ್ರಹಣ ಆರಂಭಕ್ಕೂ ಮುನ್ನ ಬೆಂಗಳೂರಿನ ದೇಗುಲಗಳಲ್ಲಿ ಹೋಮ- ಹವನ
• ಕೇತು, ಸೂರ್ಯನ ಶಾಂತಿಗಾಗಿ ನವಗ್ರಹ ಹೋಮ
• ಗವಿಗಂಗಾಧರೇಶ್ವರ ದೇವಸ್ಥಾನದಲ್ಲಿ ಈಶ್ವರನಿಗೆ ವಿಶೇಷ ಅಭಿಷೇಕ
• ನವಗ್ರಹ, ಪರಿವಾರ ದೇವತೆಗಳಿಗೂ ಗ್ರಹಣ ಪೂರ್ವ ಜಲಾಭಿಷೇಕ
• ಕೆಲವೇ ಕ್ಷಣಗಳಲ್ಲಿ ಹೋಮ‌ಹವನ ಮುಗಿಯಲಿದೆ
• ದೇವಸ್ಥಾನ ಬಾಗಿಲು ಮುಚ್ಚಲಾಗುತ್ತದೆ
• ಗ್ರಹಣ ಕಳೆದ ಬಳಿಕ ದೇವಸ್ಥಾನದ ಶುದ್ಧೀಕರಣ
• ಮಧ್ಯಾಹ್ನ 3 ಗಂಟೆಯ ನಂತರ ಭಕ್ತರ ದರ್ಶನಕ್ಕೆ ದೇವಾಲಯ ತೆರೆಯಲಿದೆ

10:32 June 21

ಕೊಡಗಿನ ದೇವಾಲಯಗಳು ಬಂದ್..!

• ಕಂಕಣ ಚೂಡಾಮಣಿ ಸೂರ್ಯಗ್ರಹಣ ಹಿನ್ನೆಲೆ
• ಕೊಡಗು ಜಿಲ್ಲೆಯ ಪ್ರಮುಖ ದೇಗುಲಗಳು ಬಂದ್
• ಭಾಗಮಂಡಲದ ಭಗಂಡೇಶ್ವರ, ತಲಕಾವೇರಿ ಹಾಗೂ ಮಡಿಕೇರಿಯ ಓಂಕಾರೇಶ್ವರ ದೇವಾಲಯವೂ ಬಂದ್
• ಲಾಕ್​ಡೌನ್​ ಬಳಿಕ ಜೂ.8 ರಿಂದ ಪುನರಾರಂಭಗೊಂಡಿದ್ದ ದೇವಸ್ಥಾನಗಳು
• ಇಂದು ಪೂರ್ತಿ ದಿನ ಬಂದ್ ಆಗಲಿವೆ

10:25 June 21

ಜಮ್ಮು-ಕಾಶ್ಮೀರದಲ್ಲಿ ಸೂರ್ಯಗ್ರಹಣ ಗೋಚರ

• ಜಮ್ಮು-ಕಾಶ್ಮೀರದಲ್ಲಿ ಬೆಳಗ್ಗೆ 9.15 ರಿಂದ ಆರಂಭಗೊಂಡ ಗ್ರಹಣ
• ಮಧ್ಯಾಹ್ನ 12.10ಕ್ಕೆ ಸಂಪೂರ್ಣ ಸೂರ್ಯಗ್ರಹಣ ಗೋಚರಿಸಲಿದೆ
• ಮಧ್ಯಾಹ್ನ 3.04ರ ವರೆಗೂ ವೀಕ್ಷಿಸಬಹುದಾಗಿದೆ

10:10 June 21

ಇಂದು ಕಂಕಣ ಸೂರ್ಯಗ್ರಹಣ

ನವದೆಹಲಿ:ಏಷ್ಯಾ, ಆಫ್ರಿಕಾ ಹಾಗೂ ಯುರೋಪ್​ನ ಕೆಲವು ಭಾಗಗಳಿಗೆ ಇಂದು ಕಂಕಣ ಸೂರ್ಯಗ್ರಹಣ. ಭಾರತದ ಉತ್ತರ ಭಾಗಗಳಲ್ಲಿ ಇಂದು ಬೆಳಗ್ಗೆ 10:25ರಿಂದ ಸೂರ್ಯಗ್ರಹಣ ಗೋಚರಿಸಲಿದೆ. ಇಂದು ಸಂಭವಿಸಲಿರುವ ಸೂರ್ಯಗ್ರಹಣದಲ್ಲಿ ಸೂರ್ಯನು ಬೆಂಕಿಯ ಉಂಗುರದಂತೆ ಗೋಚರಿಸಲಿದ್ದಾನೆ.  ರಾಜಸ್ಥಾನದ ಸೂರತ್​ಗರ್ ಮತ್ತು ಅನುಪ್‌ಗರ್, ಹರಿಯಾಣದ ಸಿರ್ಸಾ, ರತಿಯಾ ಮತ್ತು ಕುರುಕ್ಷೇತ್ರ, ಉತ್ತರಾಖಂಡದ ಡೆಹ್ರಾಡೂನ್, ಚಂಬಾ, ಚಮೋಲಿ ಮತ್ತು ಜೋಶಿಮಠದಲ್ಲಿ ಕೇವಲ ಒಂದು ನಿಮಿಷದವರೆಗೆ ಸೂರ್ಯ 'ಬೆಂಕಿಯ ಉಂಗುರದಂತೆ' ಕಾಣಿಸಲಿದ್ದಾನೆ. ಬೆಳಿಗ್ಗೆ 10:25ಕ್ಕೆ ಆರಂಭಗೊಳ್ಳುವ ಗ್ರಹಣ ಮಧ್ಯಾಹ್ನ 1:54ಕ್ಕೆ ಕೊನೆಗೊಳ್ಳಲಿದೆ.