ತಿನಿಸು ಎಂದು ಭಾವಿಸಿ ಸ್ಫೋಟಕ ತುಂಬಿದ್ದ ಜಿಲೆಟಿನ್​​ ತಿಂದು ಬಾಲಕ ಸಾವು

ತಿನ್ನುವ ವಸ್ತು ಎಂದುಕೊಂಡು ಸ್ಫೋಟಕ ತುಂಬಿದ್ದ ಜಿಲೆಟಿನ್ ಕಡ್ಡಿ ತಿಂದು ಆರು ವರ್ಷದ ಬಾಲಕ ಮೃತಪಟ್ಟಿದ್ದಾನೆ.

ತಮಿಳುನಾಡು: ತಿನಿಸು ಎಂದುಕೊಂಡು ಜಿಲೆಟಿನ್​ ಕಡ್ಡಿ ತಿಂದು ಆರು ವರ್ಷದ ಬಾಲಕ ಮೃತಪಟ್ಟಿರುವ ಘಟನೆ ತಮಿಳುನಾಡಿನ ತಿರುಚಿರಾಪಳ್ಳಿಯಲ್ಲಿ ನಡೆದಿದೆ.

ತಿರುಚಿರಾಪಳ್ಳಿ ನಿವಾಸಿ ಭೂಪತಿ ಎಂಬವರ ಪುತ್ರ ಮೃತ ಬಾಲಕ. ಭೂಪತಿಯವರ ಸಹೋದರ ಮೀನುಗಾರಿಕೆಗೆಂದು ಮೂರು ಸ್ಫೋಟಕ ಜಿಲೆಟಿನ್​ ಕಡ್ಡಿಗಳನ್ನು ಮನೆಗೆ ತಂದಿದ್ದರು. ಇದರಲ್ಲಿ ಎರಡು ಕಡ್ಡಿಗಳನ್ನು ಬಳಕೆ ಮಾಡಲಾಗಿದ್ದು, ಒಂದು ಹಾಗೆಯೇ ಉಳಿದಿತ್ತು. ಇದನ್ನು ನೋಡಿದ ಬಾಲಕ ತಿನ್ನುವ ವಸ್ತು ಎಂದುಕೊಂಡು ಸೇವಿಸಿದ್ದಾನೆ.

ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.