ಪುಣೆ :ಭಾರತ ಮತ್ತು ವಿದೇಶಿ ನಕಲಿ ನೋಟುಗಳನ್ನು ಹೊಂದಿದ್ದ 6 ಮಂದಿಯನ್ನು ಪುಣೆ ಅಪರಾಧ ನಿಗ್ರಹ ದಳ ಮತ್ತು ಭಾರತೀಯ ಸೇನೆ ಜಂಟಿ ಕಾರ್ಯಾಚರಣೆ ನಡೆಸಿ ಬಂಧಿಸಿದೆ.
7 ಕೋಟಿಗೂ ಅಧಿಕ ಮೌಲ್ಯದ ಭಾರತೀಯ, ವಿದೇಶಿ ನಕಲಿ ನೋಟು ಪತ್ತೆ.. 6 ಮಂದಿ ಅರೆಸ್ಟ್
ವಿದೇಶಿ ನೋಟಿಗೆ ಭಾರತದ ನಕಲಿ ನೋಟು ನೀಡಲಾಗುತ್ತಿದೆ ಎಂಬ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪುಣೆ ಪೊಲೀಸರು ಆರು ಜನರನ್ನು ಬಂಧಿಸಿ, 7 ಕೋಟಿಗೂ ಹೆಚ್ಚು ಮೌಲ್ಯದ ನಕಲಿ ನೋಟು ವಶಕ್ಕೆ ಪಡೆದಿದ್ದಾರೆ.
ಭಾರತೀಯ-ವಿದೇಶಿ ನಖಲಿ ನೋಟು ಪತ್ತೆ
ಯೆರವಾಡಾ ಪ್ರದೇಶದ ಸಂಜಯ್ ಪಾರ್ಕ್‌ನಲ್ಲಿ ಕೆಲವು ಕಳ್ಳ ಸಾಗಾಣಿಕೆದಾರರು ಡಾಲರ್‌ಗಳಿಗೆ ಬದಲಾಗಿ ನಕಲಿ ನೋಟುಗಳನ್ನು ನೀಡುತ್ತಿದ್ದಾರೆ ಎಂದು ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ. ಪಾರ್ಕ್ಗೆ ದಾಳಿ ನಡೆಸಿದ ಪೊಲೀಸರು ಭಾರತೀಯ ಸೇನೆಗೆ ಸೇರಿದ ಓರ್ವ ವ್ಯಕ್ತಿಯನ್ನು ಸೇರಿದಂತೆ 6 ಮಂದಿಯನ್ನು ಬಂಧಿಸಿದ್ದಾರೆ.
ಬಂಧಿತರಿಂದ 7 ಕೋಟಿ 60 ಲಕ್ಷ ಮೌಲ್ಯದ ನಕಲಿ ನೋಟು ಮತ್ತು 2 ಲಕ್ಷ 80 ಸಾವಿರ ರೂ. ಮೌಲ್ಯದ ಅಸಲಿ ನೋಟು ವಶಕ್ಕೆ ಪಡೆಯಲಾಗಿದೆ. ಈ ಬಗ್ಗೆ ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.