ಹೆದ್ರಬೇಡಿ ನಾನಿದ್ದೀನಿ... ಕಣ್ಣೀರಿಟ್ಟ ಇಸ್ರೋ ಅಧ್ಯಕ್ಷ ಶಿವನ್​ ಅವರನ್ನು ತಬ್ಬಿ ಸಂತೈಸಿದ ಮೋದಿ

ಚಂದ್ರಯಾನ2 ಯೋಜನೆಯ ಪ್ರಮುಖ ಘಟ್ಟವಾದ ವಿಕ್ರಮ್​ ಲ್ಯಾಂಡರ್​, ಲ್ಯಾಂಡಿಂಗ್​ ವೇಳೆ ಸಂಪರ್ಕ ಕಳೆದುಕೊಂಡ ಹಿನ್ನೆಲೆ ದುಃಖಿತರಾದ ಇಸ್ರೋ ಅಧ್ಯಕ್ಷ ಶಿವನ್​ ಅವರು ಕಣ್ಣೀರಿಟ್ಟಿದ್ದನ್ನು ಕಂಡ ಪ್ರಧಾನಿ ಮೋದಿ ಅವರು ಅವರನ್ನು ತಬ್ಬಿ ಸಂತೈಸಿದರು.

ಬೆಂಗಳೂರು​: ಚಂದ್ರಯಾನ2 ಯೋಜನೆಯ ಪ್ರಮುಖ ಘಟ್ಟವಾದ ವಿಕ್ರಮ್​ ಲ್ಯಾಂಡರ್​, ಲ್ಯಾಂಡಿಂಗ್​ ವೇಳೆ ಸಂಪರ್ಕ ಕಳೆದುಕೊಂಡ ಹಿನ್ನೆಲೆ ದುಃಖಿತರಾದ ಇಸ್ರೋ ಅಧ್ಯಕ್ಷ ಶಿವನ್​ ಅವರು ಕಣ್ಣೀರಿಟ್ಟಿದ್ದನ್ನು ಕಂಡ ಪ್ರಧಾನಿ ಮೋದಿ ಅವರು ಅವರನ್ನು ತಬ್ಬಿ ಸಂತೈಸಿದರು.

ಇಂದು ಬೆಳಗ್ಗೆ 8 ಗಂಟೆಗೆ ಬೆಂಗಳೂರಿನ ಇಸ್ರೋ ನಿಯಂತ್ರಣ ಕೇಂದ್ರದಲ್ಲಿ ದೇಶವನ್ನುದ್ದೇಶಿಸಿ ಮಾತನಾಡಿ ಹೊರ ಬಂದ ಬಳಿಕ ಎಲ್ಲ ವಿಜ್ಞಾನಿಗಳಿಗೂ ಮೋದಿ ಧೈರ್ಯ ತುಂಬಿದರು.

ಮೋದಿ ಅವರು ಇನ್ನೇನು ಹೊಸ್ತಿಲು ದಾಟುತ್ತಿರುವಾಗ ಶಿವನ್​ ಅವರು ಕಣ್ಣಿರಿಡುತ್ತಾ ಹೊರ ನಿಂತಿದ್ದನ್ನು ನೋಡಿದ ಪ್ರಧಾನಿ ಅವರು, ಅವರನ್ನು ಅಪ್ಪಿ, ಬೆನ್ನು ಸವರಿ ಸಂತೈಸಿದರು.

ನಿಮ್ಮ ವಿಶ್ವಾಸ ನಾವು ಸುಳ್ಳು ಮಾಡುವುದಿಲ್ಲ ಸರ್​ ಎಂದು ಶಿವನ್​ ಅವರು ಮೋದಿ ಅವರಗೆ ಕೊನೆಯದಾಗಿ ಹೇಳಿದಂತಿತ್ತು.