ಸಂಪರ್ಕ ಕಳೆದುಕೊಂಡ ಕಾಶ್ಮೀರಿ ಯುವತಿಯರು; ನೆರವಿಗೆ ಧಾವಿಸಿದ ಸಿಖ್ ಗುರುದ್ವಾರ ಸಮಿತಿ

ಜಮ್ಮು ಕಾಶ್ಮೀರಕ್ಕೆ ನೀಡಲಾದ ವಿಶೇಷ ಸ್ಥಾನಮಾನ ರದ್ದತಿ ಬಳಿಕ ಕಾಶ್ಮೀರ ಬಿಟ್ಟು ಬೇರೆಡೆ ವಾಸಿಸುತ್ತಿರುವ ಜನರು ತೊಂದರೆಗೊಳಗಾಗಿದ್ದರು.

ಪುಣೆ: ಜಮ್ಮು ಮತ್ತು ಕಾಶ್ಮೀರದಲ್ಲಿ ಮುನ್ನೆಚ್ಚರಿಕಾ ಕ್ರಮವಾಗಿ ದೂರವಾಣಿ ಮತ್ತು ಇಂಟರ್​ನೆಟ್​ ಸೇವೆಯನ್ನು ಸ್ಥಗಿತಗೊಳಿಸಲಾಗಿತ್ತು.

ಪುಣೆಯಲ್ಲಿ ವಿದ್ಯಾಭ್ಯಾಸಕ್ಕೆ ಬಂದಿದ್ದ 32 ಕಾಶ್ಮೀರಿ ಯುವತಿಯರು ತಮ್ಮ ಕುಟುಂಬದೊಂದಿಗೆ ಸಂಪರ್ಕವನ್ನೇ ಕಳೆದುಕೊಂಡು ಭಯಭೀತರಾಗಿದ್ದರು. ಇವರೆಲ್ಲರೂ ಸ್ಥಳೀಯ ಪಿಜಿ ಮತ್ತು ಹಾಸ್ಟೆಲ್​ಗಳನ್ನು ಇದ್ದುಕೊಂಡು ವ್ಯಾಸಂಗ ಮಾಡುತ್ತಿದ್ದರು. ಮನೆಯವರ ಜೊತೆ ಸಂಪರ್ಕ ಕಳೆದುಕೊಂಡು ಸಂಕಟ ಪಡ್ತಿದ್ದ ಈ ಯುವತಿಯರಿಗೆ ಸ್ಥಳೀಯ ಸಿಖ್ ಗುರುದ್ವಾರ ಸಮಿತಿ ನೆರವು ಒದಗಿಸಿದೆ.

ಸಿಖ್ ಗುರುದ್ವಾರ ಸಮಿತಿಯವರು ಯುವತಿಯರನ್ನು ವಿಮಾನದ ಮೂಲಕ ಶ್ರೀನಗರಕ್ಕೆ ತಾವೇ ತಲುಪಿಸಿ ಮಾನವೀಯತೆ ಮೆರೆದಿದ್ದಾರೆ. ಇನ್ನೂ ಯಾರಾದ್ರೂ ತೊಂದರೆಗೆ ಸಿಲುಕಿಕೊಂಡಿದ್ರೆ ಅಂತವರಿಗೂ ಸಹಾಯ ಮಾಡುವುದಾಗಿ ಸಮಿತಿ ಹೇಳಿದೆ.