ಕರೊನಾ ಸೋಂಕು ಭೀತಿ: ಎರಡನೇ ಸರದಿಯಲ್ಲಿ 323 ಮಂದಿ ಭಾರತೀಯರು ವಾಪಸ್​

ಕೊರೊನಾ ವೈರಸ್ ಪೀಡಿತ ಚೀನಾದ ವುಹಾನ್‌ ಪ್ರಾಂತ್ಯದಲ್ಲಿ ವಾಸಿಸುತ್ತಿದ್ದ 323 ಭಾರತೀಯರನ್ನು ಕೇಂದ್ರ ಸರ್ಕಾರ ಏರ್ ಇಂಡಿಯಾ ಮೂಲಕ ಸ್ವದೇಶಕ್ಕೆ ಕರೆಸಿಕೊಂಡಿದೆ.

ನವದೆಹಲಿ: ಕೊರೊನಾ ವೈರಸ್ ಪೀಡಿತ ಚೀನಾದ ವುಹಾನ್‌ ಪ್ರಾಂತ್ಯದಲ್ಲಿ ವಾಸಿಸುತ್ತಿದ್ದ 323 ಭಾರತೀಯರು ಏರ್‌ ಇಂಡಿಯಾ ವಿಶೇಷ ವಿಮಾನದ ದೆಹಲಿಗೆ ಬಂದಿಳಿದಿದ್ದಾರೆ.

ಎರಡನೇ ಸರದಿಯಲ್ಲಿ ರಾಜಧಾನಿಗೆ ಬಂದಿಳಿದವರಲ್ಲಿ ಮೂವರು ಅಪ್ರಾಪ್ತರು, 211 ವಿದ್ಯಾರ್ಥಿಗಳಿದ್ದಾರೆ. ಜೊತೆಗೆ 7 ಮಂದಿ ಮಾಲ್ಡೀವ್ಸ್‌ ಪ್ರಜೆಗಳೂ ಇದ್ದಾರೆ. ನಿನ್ನೆಯಷ್ಟೇ ವುಹಾನ್‌ನಿಂದ 324 ಮಂದಿ ಭಾರತೀಯರನ್ನು ಕರೆತರಲಾಗಿತ್ತು.

ಸೋಂಕು ತಪಾಸಣೆ ಹಿನ್ನೆಲೆಯಲ್ಲಿ ಎಲ್ಲರನ್ನೂ ಸೇನೆಯ ಆರೋಗ್ಯ ತಪಾಸಣಾ ಕೇಂದ್ರಕ್ಕೆ ಕರೆದೊಯ್ಯಲಾಗಿದೆ.