ವಿಶೇಷ ಅಂಕಣ: ಕೊರೊನಾ ಸೋಂಕಿಗೆ ಲಸಿಕೆ ಕಂಡುಹಿಡಿಯಲು ತಡವಾಗುತ್ತಿರುವುದೇಕೆ? ಒಮ್ಮೆ ಇತಿಹಾಸ ತಿಳಿಯಿರಿ

ಶೀತ ಜ್ವರಕ್ಕೆ ಮಾನವ ಪ್ರಯೋಗಾರ್ಥ ಪರೀಕ್ಷೆ ನಡೆಸುತ್ತಿರುವ ಅಮೆರಿಕದ ನ್ಯಾಷನಲ್ ಇನ್ಟಿಟ್ಯೂಟ್ ಆಫ್ ಅಲರ್ಜಿ ಹಾಗೂ ಇನ್ಫೆಕ್ಷಿಯಸ್ ಡಿಸೀಸ್‍ನ ರೋಗನಿರೋಧಕ ಶಕ್ತಿ ತಜ್ಞ ಮ್ಯಾಥ್ಯೂ ಮೆಮೊಲೆ ಪ್ರಕಾರ ಕೊರೊನಾ ವೈರಸ್ ಎಷ್ಟು ಹೊಸ ವೈರಸ್ ಎಂದರೆ, ಅದು ಹೇಗೆ ಮಾನವನನ್ನು ಅಷ್ಟು ನಿಶಕ್ತರನ್ನಾಗಿ ಮಾಡಿ ಕಾಯಿಲೆ ಉಂಟು ಮಾಡುತ್ತದೆ ಎಂದು ಅರಿಯುವುದೇ ಇನ್ನು ಕಷ್ಟವಾಗಿದೆ. ಜತೆಗೆ ಅದು ಯಾವ ಕಾರಣಕ್ಕಾಗಿ ಮನುಷ್ಯರನ್ನು ಸುದೀರ್ಘವಾಗಿ ನರಳುವಂತೆ ಮಾಡುತ್ತದೆ ಎನ್ನುವುದು ತಿಳಿಯುವುದು ನಿಜಕ್ಕೂ ಕಷ್ಟಕರ ಎನ್ನುತ್ತಾರೆ.

ಹೈದರಾಬಾದ್: ವಿಶ್ವವೇ ಕೋವಿಡ್19ಕ್ಕೆ ಲಸಿಕೆಯೊಂದನ್ನು ಎದುರು ನೋಡುತ್ತಿದೆ. ಚೀನಾದ ವುಹಾನ್ ಪ್ರಾಂತ್ಯದಲ್ಲಿ ಹುಟ್ಟಿದ ಈ ರೋಗ ಇದೀಗ ವಿಶ್ವದ ಎಲ್ಲಾ ರಾಷ್ಟ್ರಗಳನ್ನು ಆವರಿಸಿದೆ.

ಈ ಸವಾಲಿನ ನಡುವೆಯೇ ಹೊಸ ಪ್ರಸ್ತಾಪವೊಂದು ಗರಿಗೆದರುತ್ತಿದೆ. ಸ್ವಯಂ ಸೇವಕರಿಗೆ ಪ್ರಯೋಗಗಾತ್ಮಕ ಲಸಿಕೆಯೊಂದನ್ನು ನೀಡಿ ಅವರನ್ನು ಸೋಂಕಿಗೊಳಪಡಿಸುವುದು. ಆದರೆ, ವಿಜ್ಞಾನಿಗಳು ಈ ಪ್ರಸ್ತಾಪದ ವಿರುದ್ಧ ಧ್ವನಿ ಎತ್ತಿದ್ದಾರೆ. ಇದು ಲಸಿಕೆ ಆವಿಷ್ಕಾರವನ್ನು ಇನ್ನಷ್ಟು ವರ್ಷ ಅಥವಾ ಅದಕ್ಕಿಂತಲೂ ಹೆಚ್ಚು ಸಮಯ ವಿಳಂಬಗೊಳಿಸಬಹುದು," ಎಂದು ಅವರು ಎಚ್ಚರಿಕೆ ನೀಡಿದ್ದಾರೆ.

ಲಸಿಕೆ ಸಂಶೋಧನೆಯಲ್ಲಿ ಮಹತ್ವದ ಹೆಸರಾಗಿರುವ, ಪೆನ್ವಿಲ್ವಾನಿಯಾ ವಿಶ್ವವಿದ್ಯಾನಿಲಯದ ಸ್ಟಾನ್ಲಿ ಪ್ಲಾಟ್ಕಿನ್ ಸುರಕ್ಷಿತವಾಗಿ ವಿನ್ಯಾಸಗೊಳಿಸಲಾದ ಲಸಿಕೆಯ ಪ್ರಯೋಗ, ಈ ಲಸಿಕೆಯ ತ್ವರಿತ ಗತಿಯ ಆವಿಷ್ಕಾರಕ್ಕೆ ಕಾರಣವಾದೀತು. ಆದರೆ ಇಂತಹ ರೋಗವೊಂದರ ಕಾರಣಕ್ಕಾಗಿ ಭೀತಿಯಿಂದ, ಅಸಮಾನ್ಯ ಪ್ರಕ್ರಿಯೆಗೆ ಮುಂದಾದರೆ, ಅದು ಸಮಸ್ಯೆ ತಂದೊಡ್ಡೀತು. ನಮ್ಮ ಧೋರಣೆಗಳ ಬಗ್ಗೆ ನಾವು ಎಚ್ಚರಿಕೆಯಿಂದ ಇರಬೇಕಿದೆ," ಎಂದು ಅವರು ತಿಳಿಸಿದ್ದಾರೆ.

ಇಂತಹ ಒಂದು ಕೊರೊನಾ ವೈರಸ್ ಕುರಿತ ಅಧ್ಯಯನ ಜರ್ನಲ್ ಆಫ್ ಇನ್ಫೆಕ್ಷಿಯಸ್ ಡೀಸೀಸ್‍ನ ಆನ್‍ಲೈನ್ ಟುಡೇಯಲ್ಲಿ ಪ್ರಕಟಗೊಂಡಿದೆ. ಕಳೆದ ಎರಡು ಶತಮಾನಗಳಿಂದ ಹ್ಯೂಮನ್ ಚಾಲೆಂಜ್ ಅಧ್ಯಯನಗಳು ನಡೆದಿವೆ. ಕೆಲವು ರೋಗಗಳಿಗೆ ಇಂದಿಗೂ ಕೂಡಾ ಅಧ್ಯಯನಗಳು ನಡೆಯುತ್ತಿವೆ.

ಎಡ್ವರ್ಡ್ ಜೆನ್ನೆರ್ 1796ರಷ್ಟು ಹಿಂದೆಯೆ, ಕೌಫಾಕ್ಸ್‍ನ್ನು 8 ವರ್ಷದ ಬಾಲಕನ ಮೇಲೆ ಪ್ರಯೋಗ ಮಾಡಿದ್ದರು ಹಾಗೂ ಸಿಡುಬಿನಿಂದ ಆ ಹುಡುಗನ್ನು ರಕ್ಷಿಸಿದ್ದರು. ಆದರೆ ಅವರು ಅನುಸರಿಸಿದ ನೀತಿ ಬಗ್ಗೆ ಕಳವಳ ವ್ಯಕ್ತವಾಗಿತ್ತು.

ಇಂದು ಇಂತಹ ಪ್ರಯೋಗಗಳು ಹಲವಾರು ನೈತಿಕ ಪರಿಶೀಲನೆಗೆ ಒಳಪಡುತ್ತಿವೆ. ಹೀಗಾಗಿ ಸಂಶೋಧಕರು ಈ ಕೊರೊನಾ ವೈರಸ್‍ಗೆ ಸ್ವಯಂ ಸೇವಕರನ್ನು ಪ್ರಯೋಗಾತ್ಮಕವಾಗಿ ಬಳಸಿಕೊಳ್ಳುತ್ತಿಲ್ಲ.

ಶೀತ ಜ್ವರಕ್ಕೆ ಮಾನವ ಪ್ರಯೋಗಾರ್ಥ ಪರೀಕ್ಷೆ ನಡೆಸುತ್ತಿರುವ ಅಮೆರಿಕದ ನ್ಯಾಷನಲ್ ಇನ್ಟಿಟ್ಯೂಟ್ ಆಫ್ ಆಲರ್ಜಿ ಹಾಗೂ ಇನ್ಫೆಕ್ಷಿಯಸ್ ಡಿಸೀಸ್‍ನ ರೋಗನಿರೋಧಕ ಶಕ್ತಿ ತಜ್ಞ ಮ್ಯಾಥ್ಯೂ ಮೆಮೊಲೆ ಪ್ರಕಾರ ಕೊರೊನಾ ವೈರಸ್ ಎಷ್ಟು ಹೊಸ ವೈರಸ್ ಎಂದರೆ, ಅದು ಹೇಗೆ ಮಾನವನನ್ನು ಅಷ್ಟು ನಿಶಕ್ತರನ್ನಾಗಿ ಮಾಡಿ ಕಾಯಿಲೆ ಉಂಟು ಮಾಡುತ್ತದೆ ಎಂದು ಅರಿಯುವುದೇ ಇನ್ನು ಕಷ್ಟವಾಗಿದೆ. ಜತೆಗೆ ಅದು ಯಾವ ಕಾರಣಕ್ಕಾಗಿ ಮನುಷ್ಯರನ್ನು ಸುದೀರ್ಘವಾಗಿ ನರಳುವಂತೆ ಮಾಡುತ್ತದೆ ಎನ್ನುವುದು ತಿಳಿಯುವುದು ನಿಜಕ್ಕೂ ಕಷ್ಟಕರ ಎನ್ನುತ್ತಾರೆ.

ನಾವು ಯಾರಿಗಾದರೂ ಒಂದು ವೈರಸ್ ಲಸಿಕೆ ನೀಡುತ್ತೇವೆ ಎಂದರೆ, ಅದು ಆತನಲ್ಲಿ ಹೇಗೆ ಕಾಯಿಲೆ ಉಂಟು ಮಾಡುತ್ತದೆ ಎಂಬುದನ್ನು ತಿಳಿಯುವುದು ಮುಖ್ಯ. ಹಾಗಾದರೆ ಮಾತ್ರ ನಾವು ರಿಸ್ಕ್ ತೆಗೆದುಕೊಳ್ಳುವುದು ಸರಿ ಎನ್ನುವ ಮ್ಯಾಥ್ಯೂ ಅವರು ಅತಿ ಶೀಘ್ರದಲ್ಲಿ ಈ ವೈರಸ್‍ನ ವಿರುದ್ಧ ಲಸಿಕೆ ಪ್ರಯೋಗದ ಸಾಧ್ಯತೆಯನ್ನು ಪ್ರಶ್ನಿಸುತ್ತಾರೆ.

ಕಳೆದ 40 ವರ್ಷಗಳ ಕಾಲ ಸಂಶೋಧನೆ ನಡೆಸಿರುವ ಮೇರಿಲ್ಯಾಂಡ್ ವಿಶ್ವವಿದ್ಯಾನಿಲಯದ ವೈದ್ಯಕೀಯ ಕಾಲೇಜಿನ ಲಸಿಕೆ ಸಂಶೋಧಕಮೈರೋನ್ ಲೆವಿನ್ ಕೆಲ ತಜ್ಞರ ಕಳವಳವನ್ನು ಪ್ರಶ್ನಿಸುತ್ತಾರೆ. "ನಾವು ಈ ನಿಟ್ಟಿನಲ್ಲಿ ಅತಿ ವೇಗವಾಗಿ ಮುಂದುವರಿಯುತ್ತಿದ್ದೇವೆ," ಎನ್ನುತ್ತಾರೆ ಅವರು.

"ಹೊಸ ಹೊಸ ವೈರಸ್ ಸಂಬಂಧಿತ ಕಾಯಿಲೆಗಳು ಕಂಡು ಬರುತ್ತಿವೆ. ಸಾಂಪ್ರದಾಯಿಕ ಪ್ರಯೋಗದಷ್ಟೇ ವೇಗದಲ್ಲಿ ಮಾನವ ಪ್ರಯೋಗಗಳೂ ಫಲ ನೀಡುತ್ತವೆ," ಎಂದು ಅವರು ಪ್ರತಿಪಾದಿಸುತ್ತಾರೆ.

"ಮಾನವ ಪ್ರಯೋಗ ನೈತಿಕವೇ ಅಥವಾ ಲಸಿಕೆ ಸಂಶೋಧನೆಯನ್ನು ಇದು ವೇಗೋತ್ಕರ್ಷಗೊಳಿಸಲಿದೆಯೆ ಎಂಬುದನ್ನು ಊಹಿಸಲೂ ನನಗೆ ಸಾಧ್ಯವಿಲ್ಲ," ಎನ್ನುತ್ತಾರೆ ಅವರು. ಕೊರೊನಾ ವೈರಸ್‍ನ ಲಸಿಕೆಯ ಮಾನವ ಪ್ರಯೋಗದ ಸಮರ್ಥಕರಾದ ಸ್ಟಾನ್ಲಿ ಪ್ಲಾಟ್ಕಿನ್ ಹಾಗೂ ಇತರರು ಈ ಸಂಬಂಧಿತ ರಿಸ್ಕ್‍ನ್ನು 18ರಿಂದ 30 ವರ್ಷದೊಳಗಿನ ವಯಸ್ಕರನ್ನು ಮಾತ್ರ ಈ ಟ್ರಯಲ್ ಗೆ ಆಯ್ಕೆ ಮಾಡುವ ಮೂಲಕ ಕಡಿಮೆಗೊಳಿಸಬಹುದು ಎನ್ನುತ್ತಾರೆ. "ಏಕೆಂದರೆ ಈ ವಯೋಮಿತಿಯವರ ಮೇಲೆ ಕೊರೊನಾ ವೈರಸ್ ಬೀರುವ ಪರಿಣಾಮ ಅತ್ಯಲ್ಪ," ಎನ್ನುತ್ತಾರೆ ಅವರು.

"ಈ ಪ್ರಯೋಗದ ದುಷ್ಪರಿಣಾಮವನ್ನು ಕಡಿಮೆ ಮಾಡಲು ಇರುವ ಇನ್ನೊಂದು ದಾರಿಯೆಂದರೆ, ಕಡಿಮೆ ಪ್ರಮಾಣದ ಕೋವಿಡ್ 19 ಗುಣ ಲಕ್ಷಣ ಹೊಂದಿದ ರೋಗಿಯ ದೇಹದಿಂದ ಪಡೆದ ಕೊರೊನಾ ವೈರಸ್‍ಗಳನ್ನು ಪ್ರಯೋಗಕ್ಕೆ ಬಳಸಿಕೊಳ್ಳುವುದು," ಎನ್ನುತ್ತಾರೆ ಈ ತಜ್ಞರುಗಳು.

ಲೆವಿನ್ ಹಾಗೂ ಮೆಮೊಲೆ ಪ್ರಕಾರ ಕೋವಿಡ್19ಕ್ಕೆ ಲಸಿಕೆ ಲಭ್ಯವಂತಾದರೆ ಈ ರಿಸ್ಕ್ ಸ್ವೀಕಾರರ್ಹ. ನಾರ್ಥ್ ವೆಸ್ಟರ್ನ್ ವಿಶ್ವವಿದ್ಯಾನಿಲಯದಲ್ಲಿ ಸಂಶೋಧನೆಯಲ್ಲಿ ತೊಡಗಿರುವ ಜೀವನೈತಿಕ ತಜ್ಞೆ ಸೀಮಾ ಶಾ ಪ್ರಕಾರ ಮಾನವ ಪ್ರಯೋಗದಲ್ಲಿ ಪಾಲ್ಗೊಳ್ಳುವ ಸ್ವಯಂ ಸೇವಕರು ಆರೋಗ್ಯ ಕಾರ್ಯಕರ್ತರಂತೆ, ಈ ಪ್ರಯೋಗದ ರಿಸ್ಕ್ ಬಗ್ಗೆ ತರಬೇತಿ ಪಡೆದಿದ್ದರೆ ಸಂಶೋಧನೆಯ ನೈತಿಕತೆ ಹೆಚ್ಚು ಚರ್ಚೆಗೆ ಈಡಾಗಲಾರದು ಎನ್ನುತ್ತಾರೆ.

ಇಂತಹ ಸವಾಲಿನ ಸಂದರ್ಭದಲ್ಲಿ, ಹೊಸ ಸಾಂಕ್ರಾಮಿಕ ರೋಗಗಳು ಹರಡುವ ಸಂದರ್ಭದಲ್ಲಿ ಇಂತಹ ಪ್ರಯೋಗಗಳ ನೈತಿಕ ಮೌಲ್ಯಗಳನ್ನು ಗುರುತಿಸಲು ಹಾಗೂ ನಿರ್ಧರಿಸಲು ಒಂದು ಸಮಿತಿ ರಚಿಸುವುದು ಒಳ್ಳೆಯದು ಎನ್ನುತ್ತಾರೆ ಶಾ.

"ಸಾರ್ವಜನಿಕರು ಇಂತಹ ಪ್ರಯೋಗಗಳ ಬಗ್ಗೆ ಹೆಚ್ಚಿನ ಮಾಹಿತಿ ಹೊಂದಿರುವುದಿಲ್ಲ. ಸಾರ್ವಜನಿಕರು ಸಂಶೋಧಕರು ಹಾಗೂ ವೈದ್ಯರ ನಿರ್ಧಾರಗಳ ಬಗ್ಗೆ ಸದಾ ವಿರೋಧದ ಭಾವನೆ ಹೊಂದಿರುತ್ತಾರೆ," ಎನ್ನುತ್ತಾರೆ ಅವರು.

ಕೋವಿಡ್ 19ಕ್ಕೆ ಲಸಿಕೆ ಕಂಡು ಹಿಡಿಯುವುದು ಅತ್ಯಂತ ಜರೂರಿನ ಸಂಗತಿಯಾಗಿರುವುದರಿಂದ ಈ ನಿಟ್ಟಿನಲ್ಲಿ ಎಲ್ಲರೂ ಜತೆಗೂಡಿ ಸಂಶೋಧನೆ ನಡೆಸುವುದು ಉತ್ತಮ ಎನ್ನುತ್ತಾರೆ ಅವರು. "ಎಲ್ಲರೂ ತಮ್ಮಲ್ಲಿರುವ ವಿವರಗಳನ್ನು ಹಂಚಿಕೊಂಡರೆ ಈ ನಿಟ್ಟಿನಲ್ಲಿ ಪ್ರಗತಿ ಸಾಧಿಸುವುದು ಸುಲಭ," ಎನ್ನುತ್ತಾರೆ ಅವರು.

"ನಾವೆಲ್ಲರೂ ಈಗ ಕ್ಲಿಷ್ಟಕರ ಭಾವನೆಗಳ ನಡುವೆ ಸಾಗುತ್ತಿದ್ದೇವೆ. ನಾವು ಒಂದೊಮ್ಮೆ ಸರಿಯಾದ ಪ್ರಕ್ರಿಯೆ ಬಿಟ್ಟು ಸಾಗಿದರೂ ಅದು ಸಕಾರಾತ್ಮಕ ಫಲಿತಾಂಶ ನೀಡಬೇಕು," ಎನ್ನುತ್ತಾರೆ ಅವರು.

ಚೀನಾದ ವುಹಾನ್‍ನಿಂದ ಪಸರಿಸಲಾರಂಭಿಸಿದ ನೊವೆಲ್ ಕೊರೊನಾ ವೈರಸ್ ಈಗ ವಿಶ್ವದೆಲ್ಲೆಡೆ ಹರಡಿ ಸಾಂಕ್ರಾಮಿಕ ರೋಗವಾಗಿ ಪರಿವರ್ತನೆಗೊಂಡಿದೆ. ದೇಶವ್ಯಾಪ್ತಿ ಪ್ರತ್ಯೇಕವಾಗಿರಿಸುವುದರಿಂದಿಡಿದು, ಅಂತಾರಾಷ್ಟ್ರೀಯ ಆರ್ಥಿಕ ಕುಸಿತದವರೆಗೆ, ಜಗತ್ತಿನ ಎಲ್ಲಾ ದೇಶಗಳು ಈ ವೈರಸ್‍ನ ದುಷ್ಪರಿಣಾಮಕ್ಕೆ ಒಳಗಾಗಿವೆ.