ಭುವನೇಶ್ವರ:ಒಡಿಶಾದ ಪ್ರಖ್ಯಾತ ಮರಳು ಶಿಲ್ಪ ಕಲಾವಿದ ಸುದರ್ಶನ್ ಪಟ್ನಾಯಕ್ ಅವರು ಕೊರೊನ ವೈರಸ್ ವಿರುದ್ಧದ ಹೋರಾಟಕ್ಕೆ ಹಣ ಸಂಗ್ರಹಿಸಲು ಕ್ಯಾನ್ವಾಸ್ನಲ್ಲಿ ಬಿಡಿಸಿದ ತಮ್ಮ ಐದು ಮರಳು ಚಿತ್ರಗಳನ್ನು ಹರಾಜು ಹಾಕಿದ್ದಾರೆ.
ಹರಾಜಿನಿಂದ ಸಂಗ್ರಹವಾದ ಮೊತ್ತವನ್ನು ಪಿಎಂ ಕೇರ್ಸ್ ಫಂಡ್ ಮತ್ತು ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ದೇಣಿಗೆ ನೀಡಲಾಗುವುದು ಎಂದು ಪಟ್ನಾಯಕ್ ತಿಳಿಸಿದ್ದಾರೆ.
ಇನ್ನು ತಮ್ಮ ಕಲಾ ಚಿತ್ರಗಳನ್ನು ಟ್ವಿಟ್ಟರ್ನಲ್ಲಿ ಪೋಸ್ಟ್ ಮಾಡಿದ ಪಟ್ನಾಯಕ್, ಕೋವಿಡ್ ವಿರುದ್ಧದ ಹೋರಾಟಕ್ಕೆ ಒಬ್ಬ ಕಲಾವಿದನಾಗಿ ನಾನು ದೇಶದೊಂದಿಗೆ ನಿಲ್ಲುತ್ತೇನೆ. ಹಣ ಸಂಗ್ರಹಣೆಗಾಗಿ ನನ್ನ ಕ್ಯಾನ್ವಾಸ್ ಸ್ಯಾಂಡ್ ಆರ್ಟ್ಅನ್ನು ಹರಾಜಿಗಿಟ್ಟಿದ್ದೇನೆ. ಆಸಕ್ತರು ಟ್ವಿಟ್ಟರ್ನಲ್ಲಿ ನೇರ ಸಂದೇಶದ ಮೂಲಕ ನನ್ನನ್ನು ಸಂಪರ್ಕಿಸಬಹುದೆಂದು ತಿಳಿಸಿದ್ದಾರೆ.
ಇಲ್ಲಿಯವರೆಗೆ ಅನೇಕ ಸಂದೇಶಗಳನ್ನು ಬಂದಿವೆ ಎನ್ನುವ ಅವರು, ಒಳ್ಳೆಯ ಬೆಲೆಗೆ ಚಿತ್ರಗಳ ಹರಾಜಿಗೆ ಕಾಯುತ್ತಿದ್ದಾರಂತೆ.