ರಷ್ಯಾ ಪ್ರಧಾನಿ ದಿಮಿಟ್ರಿ ಮಿದ್ವೆದೆವ್​ ರಾಜೀನಾಮೆ: ಆಡಳಿತ ವೈಫಲ್ಯ ಕಾರಣ?

ರಷ್ಯಾ ಪ್ರಧಾನಿ ಡಿಮಿಟ್ರಿ ಮಿದ್ವೆದೆವ್​ ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿ ದೇಶದ ಅಧ್ಯಕ್ಷ ವ್ಲಾಡಿಮಿರ್​ ಪುಟಿನ್​​ಗೆ ಸಲ್ಲಿಸಿದರು.

ಮಾಸ್ಕೋ: ರಷ್ಯಾ ಪ್ರಧಾನಿ ದಿಮಿಟ್ರಿ ಮಿದ್ವೆದೆವ್​ ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದು, ಇದಕ್ಕೆ ಆಡಳಿತ ವೈಫಲ್ಯ ಕಾರಣ ಎಂದು ಹೇಳಲಾಗುತ್ತಿದೆ.

ಅಧ್ಯಕ್ಷ ಪುಟಿನ್ ಅವರು ರಾಜೀನಾಮೆ ಸ್ವೀಕರಿಸಿದ್ದು, ಮಿದ್ವೆದೆವ್ ಅವರ ಸೇವೆಗೆ ಧನ್ಯವಾದಗಳನ್ನು ಹೇಳಿದರು. ದಿಮಿಟ್ರಿ ಅವರ ರಾಜೀನಾಮೆಗೆ ಆಡಳಿತ ವೈಫಲ್ಯ ಕಾರಣ ಎಂದು ರಷ್ಯಾ ಸುದ್ದಿ ಸಂಸ್ಥೆಗಳು ವರದಿ ಮಾಡಿವೆ.

ಮಿದ್ವೆದೆವ್ ಅವರಿಗೆ ಅಧ್ಯಕ್ಷೀಯ ಭದ್ರತಾ ಮಂಡಳಿಯ ಉಪನಾಯಕ ಸ್ಥಾನ ನೀಡಲು ಪುಟಿನ್ ಯೋಜಿಸಿರುವುದಾಗಿ ರಷ್ಯಾದ ಮಾಧ್ಯಮಗಳು ತಿಳಿಸಿವೆ.

ಪುಟಿನ್ ಅವರ ದೀರ್ಘಕಾಲದ ನಿಕಟವರ್ತಿಯಾಗಿದ್ದ ಮಿದ್ವೆದೆವ್ 2012 ರಿಂದ ರಷ್ಯಾದ ಪ್ರಧಾನ ಮಂತ್ರಿಯಾಗಿ ಸೇವೆ ಸಲ್ಲಿಸಿದ್ದರು.