ಚೆನ್ನೈ: ರಾಮ್ ಚರಣ್ ತೇಜ ಅವರ ಜನ್ಮ ದಿನದ ಅಂಗವಾಗಿ ಆರ್ಆರ್ಆರ್ ಚಿತ್ರ ತಂಡ ವಿಶೇಸ ಟೀಸರ್ ಬಿಡುಗಡೆ ಮಾಡಿದೆ. ಇದರಲ್ಲಿ ಸೂಪರ್ ಸ್ಟಾರ್ ರಾಮ್ ಚರಣ್ ರೌಡಿ ಅವತಾರದಲ್ಲಿ ಕಾಣಿಸಿದ್ದಾರೆ.
ನಿರ್ದೇಶಕ ಎಸ್ ಎಸ್ ರಾಜಮೌಳಿ ತಮ್ಮ ಟ್ವಿಟರ್ನಲ್ಲಿ ಟೀಸರ್ ಹಂಚಿಕೊಂಡಿದ್ದಾರೆ. "ನನ್ನ ರಾಮರಾಜು lAlwaysRamCharan ಅವರನ್ನ ಉತ್ತಮ ರೀತಿಯಲ್ಲಿ ವರ್ಣಿಸುವವರು ಯಾರಾದರೂ ಇದ್ದರೆ, ಅದು ನನ್ನ ಭೀಮ್ @ tarak9999 ಆಗಿರಬಹುದು. ಇಲ್ಲಿ ನಾವು ನಿಮಗೆ ರಾಮರಾಜು ಅವರನ್ನು ಪರಿಚಯಿಸುತ್ತಿದ್ದೇವೆ" ಎಂದು ಬರೆದುಕೊಂಡಿದ್ದಾರೆ.
ವಿಡಿಯೋದಲ್ಲಿ ರಾಮ್ ಚರಣ್ ಅವರನ್ನು ಅಲ್ಲೂರಿ ಸೀತಾರಾಮರಾಜು ಆಗಿ ತೋರಿಸಲಾಗಿದೆ. ಇದರಿಂದ ಅವರು ಪೊಲೀಸ್ ಅಧಿಕಾರಿಯಾಗಿ ಪಾತ್ರ ಮಾಡುತ್ತಿದ್ದಾರೆ ಎಂಬುದು ತಿಳಿಯುತ್ತದೆ. ಮೊದಲಿಗೆ ಜ್ಯೂ. ಎನ್ಟಿಆರ್ ಅವರ ಧ್ವನಿಯ ಮೂಲಕ ಪಾತ್ರವನ್ನು ಪರಿಚಯಿಸಲಾಗುತ್ತದೆ. ಅವನು ಬೆಂಕಿಯಂತೆ, ಸಾವು ಸಹ ಅವನಿಗೆ ಹೆದರುತ್ತದೆ. ಜೀವನ ಹಾಗೂ ಗುಂಡುಗಳು ಆತನಿಗೆ ಶರಣಾಗುತ್ತವೆ ಎಂದು ಹೇಳಲಾಗುತ್ತದೆ.
ಈ ಚಿತ್ರವು ಜೂನಿಯರ್ ಎನ್ಟಿಆರ್ ಮತ್ತು ರಾಮ್ ಚರಣ್‌ರನ್ನು ಆಧುನಿಕ ಯುಗದಲ್ಲಿ ಸಹೋದರನಂತೆ ಚಿತ್ರಿಸಲಿದ್ದು, ಅವರು ವಿಭಿನ್ನ ಯುಗದ ಫ್ಲ್ಯಾಷ್‌ಬ್ಯಾಕ್‌ನಲ್ಲಿ ಬಂಡುಕೋರರಾದ ಕೋಮರಾಮ್ ಭೀಮ್ ಮತ್ತು ಅಲ್ಲೂರಿ ಸೀತಾರಾಮರಾಜುಯಿನ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಆರ್‌ಆರ್‌ಆರ್‌ನ ಡಿವಿವಿ ಎಂಟರ್‌ಟೈನ್‌ಮೆಂಟ್ ಬ್ಯಾನರ್‌ನಲ್ಲಿ ಡಿವಿವಿ ದಾನಯ್ಯ ನಿರ್ಮಿಸುತ್ತಿದ್ದಾರೆ. 2021ರ ಜನವರಿ 8 ರಂದು 10 ಭಾಷೆಗಳಲ್ಲಿ ಈ ಚಿತ್ರ ಬಿಡುಗಡೆಯಾಗಲಿದೆ.