10th ಎಕ್ಸಾಂನಲ್ಲಿ ಶೇ.100 ಅಂಕ ಪಡೆದ ರಿಶಿತಾ: 99.8 ಮಾರ್ಕ್ಸ್ ​​​​​ತೆಗೆದುಕೊಂಡ ನಾಲ್ವರು ವಿದ್ಯಾರ್ಥಿನಿಯರು!

ಹರಿಯಾಣದ 10ನೇ ತರಗತಿ ಬೋರ್ಡ್​ ಪರೀಕ್ಷೆಯಲ್ಲಿ ವಿದ್ಯಾರ್ಥಿನಿಯರು ಮೆಲುಗೈ ಸಾಧಿಸಿದ್ದು, ಶೇ.100ಕ್ಕೆ 100ರಷ್ಟು ಅಂಕ ಪಡೆದುಕೊಂಡು ವಿದ್ಯಾರ್ಥಿನಿವೋರ್ವಳು ಟಾಪರ್​ ಆಗಿ ಹೊರಹೊಮ್ಮಿದ್ದಾಳೆ.

ಹಿಸ್ಸಾರ್​​(ಹರಿಯಾಣ): ಹರಿಯಾಣ 10ನೇ ತರಗತಿ ಬೋರ್ಡ್​ ಪರೀಕ್ಷೆ ಫಲಿತಾಂಶ ಬಿಡುಗಡೆಯಾಗಿದ್ದು,ಶೇ 69.86ರಷ್ಟು ವಿದ್ಯಾರ್ಥಿನಿಯರು ಹಾಗೂ ಶೇ.60.27ರಷ್ಟು ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದಾಗಿ ಬೋರ್ಡ್​ ಮಾಹಿತಿ ನೀಡಿದೆ.

ವಿಶೇಷವೆಂದರೆ ಹಿಸ್ಸಾರ್​​ನ ಠಾಗೋರ್​​ ಸಿನಿಯರ್​ ಸೆಕೆಂಡರಿ ಶಾಲೆಯ ವಿದ್ಯಾರ್ಥಿನಿ ರಿಶಿತಾ ಎಲ್ಲ ವಿಷಯಗಳಲ್ಲಿ 100ರಷ್ಟು ಅಂಕ ಪಡೆದು ಶೇ.100ರಷ್ಟು ಫಲಿತಾಂಶ ಪಡೆದುಕೊಂಡಿದ್ದಾಳೆ. ಇಂಗ್ಲೀಷ್​, ಗಣಿತ, ವಿಜ್ಞಾನ, ಸಾಮಾಜಿಕ ವಿಜ್ಞಾನ ಹಾಗೂ ಎಂಹೆಚ್​ವಿಯಲ್ಲಿ 100ರಷ್ಟು ಅಂಕ ಪಡೆದುಕೊಂಡಿದ್ದು, ಇದರ ಆಧಾರದ ಮೇಲೆ ಮತ್ತೊಂದು ವಿಷಯಕ್ಕೂ 100ರಷ್ಟು ಅಂಕ ನೀಡಲಾಗಿದೆ.

ಹರಿಯಾಣದ 10ನೇ ತರಗತಿ ಬೋರ್ಡ್​ ಪರೀಕ್ಷೆ

ಉಳಿದಂತೆ ಇದೇ ಶಾಲೆಯ ಇತರೆ ಮೂವರು ವಿದ್ಯಾರ್ಥಿಗಳು ಶೇ.99.8ರಷ್ಟು ಫಲಿತಾಂಶ ಪಡೆದುಕೊಂಡಿದ್ದಾರೆ. ಅವರನ್ನ ಉಮಾ, ಸ್ನೇಹಾ ಹಾಗೂ ಕಲ್ಪನಾ ಎಂದು ಗುರುತಿಸಲಾಗಿದೆ. ಇನ್ನೊಂದು ಶಾಲೆಯ ನಿಕಿತಾ ಕೂಡ ಇಷ್ಟೇ ಅಂಕ ಪಡೆದು ಪಾಸ್​​ ಆಗಿದ್ದಾಳೆ.

ಈ ಸಲದ 10ನೇ ತರಗತಿ ಬೋರ್ಡ್​ ಪರೀಕ್ಷೆಯಲ್ಲಿ 3,37,691 ವಿದ್ಯಾರ್ಥಿಗಳು ಹಾಜರಾಗಿದ್ದು, ಶೇ.64.59ರಷ್ಟು ವಿದ್ಯಾರ್ಥಿಗಳು ಪಾಸ್​ ಆಗಿದ್ದಾಗಿ ಬೋರ್ಡ್​ ಮಾಹಿತಿ ನೀಡಿದೆ.