ನವದೆಹಲಿ: ಆರ್‌ಕಾಮ್‌ ಮಾಲೀಕ ಅನಿಲ್ ಅಂಬಾನಿಗೆ ಸುಪ್ರೀಂಕೋರ್ಟ್ ಛೀಮಾರಿ ಹಾಕಿದೆ. ಅನಿಲ್ ಅಂಬಾನಿ ಒಡೆತನದ ರಿಲಾಯನ್ಸ್‌ ಕಮ್ಯೂನಿಕೇಷನ್ಸ್‌ನ ನ್ಯಾಯಾಂಗ ನಿಂಧನೆ ಆದೇಶವನ್ನ ಸುಪ್ರೀಂಕೋರ್ಟ್ ಎತ್ತಿ ಹಿಡಿದಿದೆ. ಜತೆಗೆ ರಿಲಾಯನ್ಸ್‌ ಕಮ್ಯೂನಿಕೇಷನ್ಸ್‌ನ ಸಲ್ಲಿಸಿದ್ದ ಬೇಷರತ್‌ ಕ್ಷಮೆ ಅರ್ಜಿಯನ್ನೂ ಸುಪ್ರೀಂಕೋರ್ಟ್ ಸಾರಾಸಗಟಾಗಿ ತಿರಸ್ಕರಿಸಿದೆ.
ಮೂರು ರಿಲಾಯನ್ಸ್‌ ಕಂಪನಿಗಳೂ ಕೋರ್ಟ್ ಸೂಚನೆಗಳನ್ನ ಪಾಲಿಸುವ ಉದ್ದೇಶವಿಲ್ಲವೆಂದು ಕಾಣುತ್ತಿದೆ. ಹಾಗಾಗಿ ಅನಿಲ್ ಅಂಬಾನಿ ಒಡೆತನದ ರಿಲಾಯನ್ಸ್‌ ಕಮ್ಯುನಿಕೇಷನ್ಸ್‌ ನ್ಯಾಯಾಂಗ ನಿಂಧನೆ ಅಪರಾಧದ ಆದೇಶವನ್ನ ಸುಪ್ರೀಂಕೋರ್ಟ್ ಎತ್ತಿ ಹಿಡಿದಿದೆ. ರಿಲಾಯನ್ಸ್‌ ಕಮ್ಯೂನಿಕೇಷನ್ಸ್‌ ಸಲ್ಲಿಸಿದ್ದ ಬೇಷರತ್‌ ಕ್ಷಮೆ ಅರ್ಜಿಯನ್ನೂ ಕೋರ್ಟ್ ತಿರಸ್ಕರಿಸಿದೆ. ಅಷ್ಟೇ ಅಲ್ಲ, ಎರಿಕ್‌ಸನ್ಸ್‌ ಕಂಪನಿಗೆ ಒಂದು ವೇಳೆ ಈಗಾಗಲೇ 118 ಕೋಟಿ ರೂ. ಕಟ್ಟಿದ್ದರೇ, ಉಳಿದ 453 ಕೋಟಿ ರೂ. ಯನ್ನ ಪಾವತಿಸಬೇಕು ಅಂತ ಸುಪ್ರೀಂಕೋರ್ಟ್ ಆದೇಶಿಸಿದೆ.