ಭಾನುವಾರ ರಾತ್ರಿ ಹಚ್ಚೋಣ ದೀಪ: ಮೋದಿ ಕರೆಗೆ ರವಿ ಶಾಸ್ತ್ರಿ, ಹರ್ಭಜನ್ ಸಿಂಗ್‌ ಬೆಂಬಲ

ಪ್ರಧಾನಿ ನರೇಂದ್ರ ಮೋದಿ ನಿರ್ಧಾರಕ್ಕೆ ಇದೀಗ ಎಲ್ಲೆಡೆಯಿಂದ ಬೆಂಬಲ ವ್ಯಕ್ತವಾಗುತ್ತಿದೆ. ಟೀಂ ಇಂಡಿಯಾ ಕೋಚ್​ ರವಿಶಾಸ್ತ್ರಿ ಹಾಗೂ ಮಾಜಿ ಕ್ರಿಕೆಟಿಗ ಹರ್ಭಜನ್​ ಸಿಂಗ್​ ಈ ಕುರಿತು ಟ್ವೀಟ್​ ಮಾಡಿದ್ದಾರೆ.

ನವದೆಹಲಿ:ಕೊರೊನಾ ಉಂಟುಮಾಡಿದ ಅಂಧಕಾರ ಹೊಡೆದೋಡಿಸಲು ಏಪ್ರಿಲ್​ 5ರ ಭಾನುವಾರ ರಾತ್ರಿ 9ಗಂಟೆಗೆ ಎಲ್ಲರೂ 9 ನಿಮಿಷಗಳ ಕಾಲ ಮೊಂಬತ್ತಿ ಬೆಳಗಿಸುವಂತೆ ಪ್ರಧಾನಿ ನಮೋ ಕರೆ ನೀಡಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ ನಿರ್ಧಾರಕ್ಕೆ ಇದೀಗ ಎಲ್ಲೆಡೆಯಿಂದ ಬೆಂಬಲ ವ್ಯಕ್ತವಾಗುತ್ತಿದೆ. ಟೀಂ ಇಂಡಿಯಾ ಕೋಚ್​ ರವಿಶಾಸ್ತ್ರಿ ಹಾಗೂ ಮಾಜಿ ಕ್ರಿಕೆಟಿಗ ಹರ್ಭಜನ್​ ಸಿಂಗ್​ ಈ ಕುರಿತು ಟ್ವೀಟ್​ ಮಾಡಿದ್ದಾರೆ.

130 ಕೋಟಿ ಜನರು ಮೊಂಬತ್ತಿ​ ಬೆಳಗುವ ಮೂಲಕ ಕೋವಿಡ್​-19 ವಿರುದ್ಧ ಸಂಘಟಿತವಾಗಿ ಹೋರಾಡೋಣ ಎಂದು ರವಿಶಾಸ್ತ್ರಿ ಟ್ವೀಟ್ ಮಾಡಿದ್ದಾರೆ.

ಪ್ರತಿಯೊಬ್ಬರು ಮನೆಯಲ್ಲಿದ್ದು, ದೇಶದ ಪ್ರಧಾನಿ ಮಾತು ನಡೆಸಿಕೊಡಬೇಕು. ಇಂತಹ ಶ್ರೇಷ್ಠ​ ನಾಯಕ​ ಇರುವುದಕ್ಕೆ ನಾವು ಹೆಮ್ಮೆ ಪಡೋಣ. ಮನೆಯಲ್ಲಿ ಸೇಫ್​ ಆಗಿದ್ದು ಭಾನುವಾರ ರಾತ್ರಿ 9ಗಂಟೆಗೆ ವಿದ್ಯುದ್ದೀಪ ಆಫ್​ ಮಾಡಿ ಮೊಂಬತ್ತಿ, ಟಾರ್ಚ್​, ಮೊಬೈಲ್​ ಪ್ಲ್ಯಾಶ್​​ ಹಚ್ಚೋಣ ಎಂದು ಭಜ್ಜಿ ಹೇಳಿದ್ದಾರೆ.