ಜೈಲಿನಿಂದ ಪರಾರಿಯಾಗಿದ್ದ ಅತ್ಯಾಚಾರ ಆರೋಪಿ: 11 ದಿನಗಳ ಬಳಿಕ ಬಂಧನ

ಅತ್ಯಾಚಾರ ಆರೋಪಿಯೊಬ್ಬ ಪೊಲೀಸರಿಗೆ ಚಳ್ಳೇಹಣ್ಣು ತಿನ್ನಿಸಿ ಜೈಲಿನಿಂದ ಪರಾರಿಯಾಗಿದ್ದ ಘಟನೆ ಹಿಮಾಚಲ ಪ್ರದೇಶದಲ್ಲಿ ನಡೆದಿತ್ತು. ಹನ್ನೊಂದು ದಿನಗಳ ಬಳಿಕ ಆರೋಪಿಯನ್ನು ಪೊಲೀಸರು ಸೆರೆ ಹಿಡಿದಿದ್ದಾರೆ.

ಶಿಮ್ಲಾ:ಜೈಲಿನಿಂದ ಪರಾರಿಯಾಗಿದ್ದ ಅತ್ಯಾಚಾರ ಆರೋಪಿಯನ್ನು ಶಿಮ್ಲಾ ಪೊಲೀಸರು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಹೌದು, ಹನ್ನೊಂದು ದಿನಗಳ ಕೆಳಗೆ ಅಂದ್ರೆ ಜ. 15ರಂದು ಕುಲ್ಲು ಜೈಲಿನಿಂದ ತಿಕ್ರಾ ಬೌಡಿ ಗ್ರಾಮದ ನಿವಾಸಿ ಖೇಮ್​ ರಾಜ್ ಎಂಬಾತ​ ಪರಾರಿಯಾಗಿದ್ದ. ಹತ್ತು ದಿನ ಕಳೆದರೂ ಆರೋಪಿಯ ಸುಳಿವು ಪೊಲೀಸರಿಗೆ ಸಿಕ್ಕಿರಲಿಲ್ಲ. ಹನ್ನೊಂದನೇ ದಿನ ಆರೋಪಿ ರಾಜ್​ ಸುಳಿವು ಪತ್ತೆಯಾಗಿದೆ.

ಪಿರ್ಡಿ ಬಳಿಯ ಬಿಯಾಸ್​ ನದಿ ಬಳಿ ಆರೋಪಿ ವಾಸಿಸುತ್ತಿದ್ದ. ಹತ್ತು ದಿನಗಳ ಕಾಲ ಬರೀ ಬಿಸ್ಕೇಟ್​ ಮತ್ತು ನೀರು ಸೇವಿಸುತ್ತಿದ್ದ ಅತ್ಯಾಚಾರ ಆರೋಪಿ ರಾಜ್,​ ಭುಹಂತರ್​ನಲ್ಲಿ ವಾಸಿಸುತ್ತಿದ್ದ ತನ್ನ ಗೆಳೆಯನ ಬರುವಿಕೆಗೆ ಕಾಯುತ್ತಿದ್ದನಂತೆ. ಈ ಸಮಯ ಉಪಯೋಗಿಸಿಕೊಂಡ ಪೊಲೀಸರು ಕೂಡಲೇ ಆರೋಪಿಯನ್ನು ವಶಕ್ಕೆ ಪಡೆದು ಜೈಲಿಗಟ್ಟಿದ್ದಾರೆ.