ನೂತನ ಚುನಾವಣಾ ಆಯುಕ್ತರಾಗಿ ರಾಜೀವ್‌ಕುಮಾರ್​ ಅಧಿಕಾರ ಸ್ವೀಕಾರ

2024ನೇ ಸಾಲಿನ ಲೋಕಸಭಾ ಚುನಾವಣೆ ಇವರ ಅವಧಿಯಲ್ಲೇ ನಡೆಯಲಿದೆ. ರಾಜೀವ್‌ಕುಮಾರ್, ಜಾರ್ಖಂಡ್ ಕೇಡರ್​​ನ 1984ರ ಬ್ಯಾಚ್​ನ ನಿವೃತ್ತ ಐಎಎಸ್ ಅಧಿಕಾರಿಯಾಗಿದ್ದಾರೆ..

ನವದೆಹಲಿ : ನೂತನ ಚುನಾವಣಾ ಆಯುಕ್ತರಾಗಿ ನಿವೃತ್ತ ಐಎಎಸ್ ಅಧಿಕಾರಿ ರಾಜೀವ್‌ಕುಮಾರ್​ ಇಂದು ಅಧಿಕಾರ ಸ್ವೀಕರಿದ್ದಾರೆ. ಅಶೋಕ್ ಲವಾಸಾ ಅವರ ರಾಜೀನಾಮೆ ಬಳಿಕ ಆಗಸ್ಟ್ 21ರಂದು ರಾಷ್ಟ್ರಪತಿ ರಾಮ್‌‌ನಾಥ್ ಕೋವಿಂದ್, ರಾಜೀವ್‌ಕುಮಾರ್​ ಅವರನ್ನು ನೂತನ ಚುನಾವಣಾ ಆಯುಕ್ತರನ್ನಾಗಿ ನೇಮಕ ಮಾಡಿದ್ದರು.

ಇಂದು ಅಧಿಕಾರ ಸ್ವೀಕರಿಸುವ ಮೂಲಕ ಮುಖ್ಯ ಚುನಾವಣಾ ಆಯುಕ್ತ ಸುನಿಲ್ ಅರೋರಾ ಮತ್ತು ಚುನಾವಣಾ ಆಯುಕ್ತ ಸುಶೀಲ್ ಚಂದ್ರ ಅವರೊಂದಿಗೆ ರಾಜೀವ್​ ಕುಮಾರ್​ ಭಾರತದ ಚುನಾವಣಾ ಆಯೋಗದಲ್ಲಿ ಸೇವೆ ಸಲ್ಲಿಸಲಿದ್ದಾರೆ. 2024ನೇ ಸಾಲಿನ ಲೋಕಸಭಾ ಚುನಾವಣೆ ಇವರ ಅವಧಿಯಲ್ಲೇ ನಡೆಯಲಿದೆ.

ರಾಜೀವ್‌ಕುಮಾರ್, ಜಾರ್ಖಂಡ್ ಕೇಡರ್​​ನ 1984ರ ಬ್ಯಾಚ್​ನ ನಿವೃತ್ತ ಐಎಎಸ್ ಅಧಿಕಾರಿಯಾಗಿದ್ದಾರೆ.