ಜೂನ್​ 30ರವರೆಗೆ ಸಂಚರಿಸಲ್ಲ ರೈಲು: ಎಲ್ಲ ಸಾಮಾನ್ಯ ರೈಲು ಟಿಕೆಟ್​ ರದ್ದುಗೊಳಿಸಿದ ಇಲಾಖೆ

ಜೂನ್​​ 30ರವರೆಗೆ ಬುಕ್ಕಿಂಗ್​ ಆಗಿದ್ದ ಎಲ್ಲ ರೈಲು ಟಿಕೆಟ್​ ರದ್ದುಗೊಳಿಸಿ ರೈಲ್ವೆ ಇಲಾಖೆ ಮಾಹಿತಿ ಹೊರಹಾಕಿದ್ದು, ಇದರಿಂದ ಮುಂದಿನ ಜೂನ್​ 30ರವರೆಗೆ ರೈಲು ಸಂಚಾರವಿರಲ್ಲ ಎನ್ನುವುದು ಖಚಿತವಾಗಿದೆ.

ನವದೆಹಲಿ:ಜೂನ್​ 30ರವರೆಗೆ ಕಾಯ್ದಿರಿಸಲಾಗಿದ್ದ ಎಲ್ಲ ಸಾಮಾನ್ಯ ರೈಲ್ವೆ ಟಿಕೆಟ್​ ರದ್ದುಗೊಳಿಸಿ ರೈಲ್ವೆ ಇಲಾಖೆ ಮಹತ್ವದ ಆದೇಶ ಹೊರಡಿಸಿದೆ. ಮುಂಗಡ ಟಿಕೆಟ್​ಗಳ ಹಣ ಮರುಪಾವತಿಯಾಗಲಿದೆ ಎಂದು ಪ್ರಯಾಣಿಕರಿಗೆ ತಿಳಿಸಲಾಗಿದೆ.

ದೇಶದಲ್ಲಿ ಈಗಾಗಲೇ ಕೆಲವು ಪ್ರಮುಖ ನಗರಗಳಿಗೆ ವಿಶೇಷ ರೈಲು ಸಂಚಾರ ಆರಂಭವಾಗಿದೆ. ಇದರ ಬೆನ್ನಲ್ಲೇ ಈ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ. ಮುಂಗಡ ಬುಕ್ಕಿಂಗ್​ ಟಿಕೆಟ್​ಗಳ ಹಣ ಮಾರ್ಚ್​​ 21ರಿಂದ ಈ ಟಿಕೆಟ್​ ಬುಕ್ಕಿಂಗ್​ ರದ್ಧತಿ ಅನ್ವಯವಾಗಲಿದೆ ಎಂದು ಇಲಾಖೆ ತಿಳಿಸಿದೆ. ಹೀಗಾಗಿ ದೇಶದಲ್ಲಿ ಜೂನ್​ 30ರವರೆಗೆ ಹೆಚ್ಚುವರಿ ರೈಲು ಓಡಾಡುವುದು ಅನುಮಾನ.

ಭಾರತೀಯ ರೈಲ್ವೇ ( ಸಾಂದರ್ಭಿಕ ಚಿತ್ರ)

ಈಗಾಗಲೇ ಸಂಚರಿಸುತ್ತಿರುವ ವಿಶೇಷ ರೈಲು ಹಾಗೂ ಶ್ರಮಿಕ್​ ರೈಲುಗಳು ಎಂದಿನಂತೆ ಕಾರ್ಯ ನಿರ್ವಹಿಸಲಿವೆ. ಇನ್ನು ಮೇಲ್,ಎಕ್ಸ್​ಪ್ರೆಸ್​ ರೈಲು ಹಾಗೂ ಪ್ಯಾಸೇಂಜರ್​ ಮತ್ತು ಲೋಕಲ್​ ರೈಲುಗಳು ರದ್ದಾಗಿವೆ.