ನಿಮ್ಮ ಭಾಷಣದಲ್ಲಿ ಚೀನಾ ಭಾರತದ ಗಡಿ ಬಿಟ್ಟು ಯಾವಾಗ ಹೋಗ್ತದೆ ಎಂಬುದನ್ನ ತಿಳಿಸಿ: ರಾಗಾ ಟ್ವೀಟ್​​

ದೇಶವನ್ನುದ್ದೇಶಿಸಿ ಪ್ರಧಾನಿ ನರೇಂದ್ರ ಮೋದಿ ಮಾತನಾಡುತ್ತಿದ್ದು, ಇದರ ಬೆನ್ನಲ್ಲೇ ರಾಹುಲ್​ ಗಾಂಧಿ ವಿಶೇಷ ಮನವಿ ಮಾಡಿಕೊಂಡಿದ್ದಾರೆ.

ನವದೆಹಲಿ: ದೇಶವನ್ನುದ್ದೇಶಿಸಿ ಪ್ರಧಾನಿ ನರೇಂದ್ರ ಮೋದಿ ಇಂದು ಸಂಜೆ ಆರು ಗಂಟೆಗೆ ಮಾತನಾಡುತ್ತಿದ್ದು, ಇದರ ಬೆನ್ನಲ್ಲೇ ರಾಹುಲ್​ ಗಾಂಧಿ ನಮೋ ಬಳಿ ವಿಶೇಷ ಮನವಿ ಮಾಡಿಕೊಂಡಿದ್ದಾರೆ.

ಡಿಯರ್​ ಪಿಎಂ, ನಿಮ್ಮ 6 ಗಂಟೆ ಭಾಷಣದಲ್ಲಿ ದಯವಿಟ್ಟು ದೇಶದ ಜನತೆಗೆ ಈ ಮಾಹಿತಿ ತಿಳಿಸಿ ಎಂದಿರುವ ರಾಗಾ, ಭಾರತದ ಭೂಪ್ರದೇಶದಿಂದ ಚೀನಾ ಯಾವಾಗ ಹೊರಹೋಗುತ್ತದೆ ಎಂಬುವುದನ್ನ ದಯಮಾಡಿ ತಿಳಿಸಿ ಎಂದಿದ್ದಾರೆ.

ಮಧ್ಯಾಹ್ನ ಟ್ವೀಟ್​ ಮಾಡಿರುವ ಪ್ರಧಾನಿ ನರೇಂದ್ರ ಮೋದಿ ಸಂಜೆ ದೇಶವನ್ನುದ್ದೇಶಿಸಿ ಮಾತನಾಡಲಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. ಅವರ ಭಾಷಣದ ಬಗ್ಗೆ ದೇಶದ ಜನರಲ್ಲಿ ಹೆಚ್ಚಿನ ಕುತೂಹಲ ಉಂಟಾಗಿದೆ.

ಕಳೆದ ಕೆಲ ತಿಂಗಳಿಂದ ಭಾರತ-ಚೀನಾ ನಡುವೆ ಗಡಿ ಪ್ರದೇಶದ ವಿಚಾರವಾಗಿ ವೈಮನಸ್ಸು ಉಂಟಾಗಿದ್ದು, ರಾಹುಲ್​ ಗಾಂಧಿ ಈ ವಿಚಾರವಾಗಿ ಅನೇಕ ಸಲ ನಮೋ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.