ರಫೇಲ್​ ಆಗಮನ ಅಭಿನಂದಿಸಿ ಕೇಂದ್ರ ಸರ್ಕಾರಕ್ಕೆ ರಾಹುಲ್‌ ಗಾಂಧಿ ಪ್ರಶ್ನೆಗಳ ಸರಮಾಲೆ

ದೇಶಕ್ಕೆ ಆಗಮಿಸಿರುವ ರಫೇಲ್ ಯುದ್ಧ ವಿಮಾನ​ ವಿಚಾರವಾಗಿ ರಾಹುಲ್​ ಗಾಂಧಿ ಟ್ವೀಟ್​ ಮಾಡಿ, ಕೇಂದ್ರ ಸರ್ಕಾರಕ್ಕೆ ಪ್ರಶ್ನೆಗಳ ಸುರಿಮಳೆಗೈದಿದ್ದಾರೆ.

ನವದೆಹಲಿ:ಫ್ರಾನ್ಸ್​​ನಿಂದ ಐದು ರಫೇಲ್​ ಯುದ್ಧ ವಿಮಾನಗಳು ಆಗಮಿಸಿದ್ದು, ಇದಕ್ಕೆ ರಾಹುಲ್​ ಗಾಂಧಿ ಇಂಡಿಯನ್​ ಏರ್​​ಪೋರ್ಸ್​​ ಸಿಬ್ಬಂದಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಜೊತೆಗೆ, ಕೇಂದ್ರ ಸರ್ಕಾರದ ವಿರುದ್ಧ ಪ್ರಶ್ನೆಗಳ ಸುರಿಮಳೆಗೈದಿದ್ದಾರೆ.

ಹರಿಯಾಣದ ಅಂಬಾಲಾ ಏರ್​ಬೇಸ್​ಗೆ ಮಧ್ಯಾಹ್ನ ಅತ್ಯಾಧುನಿಕ​ ಯುದ್ಧ ವಿಮಾನಗಳು ಆಗಮಿಸುತ್ತಿದ್ದಂತೆ ಪ್ರಧಾನಿ ನರೇಂದ್ರ ಮೋದಿ, ರಾಜನಾಥ್​ ಸಿಂಗ್​ ಸೇರಿದಂತೆ ಅನೇಕರು ಅಭಿನಂದನೆ ಸಲ್ಲಿಸಿ ಟ್ವೀಟ್​ ಮಾಡಿದ್ದರು. ಇದರ ಬೆನ್ನಲ್ಲೇ ರಾಹುಲ್​ ಗಾಂಧಿ ಟ್ವೀಟ್​ ಮಾಡಿದ್ದಾರೆ.

ರಾಹುಲ್​ ಗಾಂಧಿ ಪ್ರಶ್ನೆಗಳು ಇಂತಿವೆ..

• 526 ಕೋಟಿ ರೂ ಬದಲಿಗೆ 1,670 ಕೋಟಿ ನೀಡಿ ರಫೇಲ್​ ಖರೀದಿ ಮಾಡಿದ್ಯಾಕೆ?
• 126 ರಫೇಲ್​ಗಳ ಬದಲಿಗೆ ಕೇವಲ 26 ಯುದ್ಧ ವಿಮಾನ ಖರೀದಿ ಯಾಕೆ?
• ಹೆಚ್​ಎಎಲ್​ ಬಿಟ್ಟು ದಿವಾಳಿಯಾಗಿರುವ ಅನಿಲ್​ ಅಂಬಾನಿಗೆ 33 ಸಾವಿರ ಕೋಟಿ ರೂಗೆ ಗುತ್ತಿಗೆ ನೀಡಿದ್ಯಾಕೆ?

ಈ ಹಿಂದಿನಿಂದಲೂ ರಫೇಲ್​ ವಿಚಾರವಾಗಿ ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸುತ್ತಾ ಬಂದಿರುವ ರಾಹುಲ್​ ಇದೀಗ ಮತ್ತೊಮ್ಮೆ ಟೀಕಾಸ್ತ್ರ ಪ್ರಯೋಗಿಸಿದ್ದಾರೆ.