ವಯನಾಡಿನಲ್ಲಿ ರಾಗಾ ನಾಮಪತ್ರ ಸಲ್ಲಿಕೆ... ಸಹೋದರಿ ಪ್ರಿಯಾಂಕ ಸಾಥ್

ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅಮೇಠಿ ಕ್ಷೇತ್ರದ ಜೊತೆಗೆ ಕೇರಳದ ವಯನಾಡಿನಿಂದಲೂ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧೆ ನಡೆಸುತ್ತಿದ್ದಾರೆ.

ವಯನಾಡ್:ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿಕೇರಳದ ವಯನಾಡ್ ನಲ್ಲಿ ಇಂದು ನಾಮಪತ್ರ ಸಲ್ಲಿಸಿದರು.

ಭದ್ರತಾ ಪಡೆಯ ಎಚ್ಚರಿಕೆಯ ಹೊರತಾಗಿ ತೆರೆದ ವಾಹನದಲ್ಲಿ ರಾಹುಲ್ ಗಾಂಧಿ ಹಾಗೂ ಪ್ರಿಯಾಂಕ ಗಾಂಧಿ ವಯನಾಡಿನಿಂದ ನಾಮಪತ್ರ ಸಲ್ಲಿಕೆಗೆ ಡಿಸಿ ಕಚೇರಿ​ಗೆ ತೆರಳಿದ್ದಾರೆ.

ರಾಹುಲ್ ಗಾಂಧಿ ತೆರಳುವ ದಾರಿಯುದ್ದಕ್ಕೂ ಕಾಂಗ್ರೆಸ್ ಬೆಂಬಲಿಗರು ಜಮಾಯಿಸಿದ್ದರು. ನಾಮಪತ್ರ ಸಲ್ಲಿಕೆಯ ವೇಳೆ ಕೇರಳ ಕಾಂಗ್ರೆಸ್ ನಾಯಕರೂ ಉಪಸ್ಥಿತರಿದ್ದರು.

ವಯನಾಡಿನಲ್ಲಿ ರಾಹುಲ್ ವಿರುದ್ದ ಎನ್​ಡಿಎ ಅಭ್ಯರ್ಥಿಯಾಗಿ ತುಷಾರ್ ವೆಲ್ಲಪಲ್ಲಿ ಸ್ಪರ್ಧೆ ನಡೆಸುತ್ತಿದ್ದಾರೆ.