ಚಂಡೀಗಢ: ಪಂಜಾಬ್‌ನಲ್ಲಿ ಸಿಖ್ ಪವಿತ್ರ ಗ್ರಂಥಗಳ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಶೇಷ ತನಿಖಾ ತಂಡ, ವಿವಾದಾತ್ಮಕ ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್ ರಾಮ್ ರಹೀಂ ಸಿಂಗ್ ಅವರನ್ನು ಆರೋಪಿಯಾಗಿ ಪರಿಗಣಿಸಿದೆ. ಪೊಲೀಸ್ ತಂಡ ಶೀಘ್ರದಲ್ಲೇ ವಿಚಾರಣೆ ನಡೆಸಲಿದೆ ಎಂದು ಪೊಲೀಸ್ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
2015 ರ ಜೂನ್‌ನಲ್ಲಿ ಬುರ್ಜ್ ಜವಾಹರ್ ಸಿಂಗ್ ವಾಲಾ ಗ್ರಾಮದಿಂದ ಗುರು ಗ್ರಂಥ ಸಾಹೀಬರ 'ಬಿರ್' ಅನ್ನು ಕದ್ದಿದ್ದಕ್ಕಾಗಿ ಜಿಲ್ಲಾಧಿಕಾರಿ ರಣಬೀರ್ ಸಿಂಗ್ ಖಾಟ್ರಾ ನೇತೃತ್ವದ ಎಸ್‌ಐಟಿ ತಂಡ ಶನಿವಾರ ಫರೀದ್ಕೋಟ್ ಜಿಲ್ಲೆಯ ಏಳು ಡೇರಾ ಸಚ್ಚಾ ಸೌದಾ ಅನುಯಾಯಿಗಳನ್ನು ಬಂಧಿಸಿತ್ತು.