ಪಟಿಯಾಲ(ಪಂಜಾಬ್):ಆನ್ಲೈನ್ ಮೂಲಕ ಸಾವಿರ, ಲಕ್ಷಗಳಲ್ಲಿ ಹಣ ಕಳೆದುಕೊಳ್ಳುವ ಘಟನೆಗಳು ಆಗಾಗ್ಗೆ ಸುದ್ದಿಯಾಗುತ್ತಿರುತ್ತವೆ. ಇದೇ ಮೋಸದ ಜಾಲದಲ್ಲಿ ಸಿಎಂ ಪತ್ನಿಯೋರ್ವರು ಲಕ್ಷಾಂತರ ರೂಪಾಯಿ ಕಳೆದುಕೊಂಡಿದ್ದಾರೆ.
ಪಂಜಾಬ್ ಸಿಎಂ ಅಮರೀಂದರ್ ಸಿಂಗ್ ಪತ್ನಿ ಪ್ರಿನೀತ್ ಕೌರ್ ಆನ್ಲೈನ್ ಮೋಸದ ಜಾಲಕ್ಕೆ ಸಿಕ್ಕಿ ಬರೋಬ್ಬರಿ 23 ಲಕ್ಷ ರೂ. ಕಳೆದುಕೊಂಡಿರುವುದು ವರದಿಯಾಗಿದೆ.
ಬ್ಯಾಂಕ್ ಮ್ಯಾನೇಜರ್ ಎಂದು ಕರೆ ಮಾಡಿದ್ದಾತ ಸಿಎಂ ಅಮರೀಂದರ್ ಪತ್ನಿ ಬಳಿ ಬ್ಯಾಂಕ್ ಅಕೌಂಟ್ ನಂಬರ್, ಎಟಿಎಂ ಕಾರ್ಡ್ ನಂಬರ್, ಸಿವಿಸಿ ಹಾಗೂ ಒಟಿಪಿಯನ್ನು ಪಡೆದುಕೊಂಡಿದ್ದ. ಈ ಮೂಲಕ 23 ಲಕ್ಷ ರೂ. ಹಣವನ್ನು ಸುಲಭವಾಗಿ ಎಗಿರಿಸಿದ್ದಾನಂತೆ.
ಜುಲೈ 29ರಂದು ಈ ಘಟನೆ ನಡೆದಿದ್ದು, ಸದ್ಯ ಹಣ ಎಗರಿಸಿದ್ದ ಆಸಾಮಿಯನ್ನು ರಾಂಚಿ ಪೊಲೀಸರು ಬಂಧಿಸಿದ್ದಾರೆ. ಅಂದ ಹಾಗೆ ಪ್ರಿನೀತ್ ಕೌರ್ ಪಟಿಯಾಲ ಕ್ಷೇತ್ರದ ಸಂಸದೆ.