ಜಮ್ಮು(ಜಮ್ಮು-ಕಾಶ್ಮೀರ):ಪುಲ್ವಾಮಾ ದಾಳಿಕೋರ ವಾಜಿ ಉಲ್ ಇಸ್ಲಾಂ ಇದೀಗ ನೀಟ್(ರಾಷ್ಟ್ರೀಯ ಅರ್ಹತಾ ಪ್ರವೇಶ ಪರೀಕ್ಷೆ) ಬರೆಯಲು ಜಾಮೀನು ನೀಡುವಂತೆ ಕೋರಿ ಎನ್ಐಎ ವಿಶೇಷ ಕೋರ್ಟ್ ಮೊರೆ ಹೋಗಿದ್ದಾರೆ.
NEET ಪರೀಕ್ಷೆ ಬರೆಯಲು ಜಾಮೀನು ಕೋರಿ ಕೋರ್ಟ್ ಮೆಟ್ಟಿಲೇರಿದ ಪುಲ್ವಾಮಾ ದಾಳಿಕೋರ
2019ರಲ್ಲಿ ನಡೆದ ಪುಲ್ವಾಮಾ ದಾಳಿಯ ಪ್ರಮುಖ ಆರೋಪಿಯೋರ್ವ ರಾಷ್ಟ್ರೀಯ ಅರ್ಹತಾ ಪ್ರವೇಶ ಪರೀಕ್ಷೆ ಬರೆಯಲು ಅನುಮತಿ ಕೇಳಿ ಕೋರ್ಟ್ ಮೊರೆ ಹೋಗಿದ್ದಾನೆ.
Pulwama terror attack
2019ರ ಫೆಬ್ರವರಿ ತಿಂಗಳಲ್ಲಿ ನಡೆದ ಭಯೋತ್ಪಾದಕ ದಾಳಿಯಲ್ಲಿ ವಾಜಿ ಉಲ್ ಇಸ್ಲಾಂ ಆನ್ಲೈನ್ ಮೂಲಕ ಸ್ಫೋಟಕ ವಸ್ತು ಖರೀದಿ ಮಾಡಿದ್ದನು. ಸದ್ಯ ತನಗೆ ಜಾಮೀನು ನೀಡುವಂತೆ ಕೋರ್ಟ್ ಬಳಿ ಮೊರೆ ಇಟ್ಟಿದ್ದಾರೆ. ಇದರ ವಿಚಾರಣೆ ಸೆಪ್ಟೆಂಬರ್ 3ರಂದು ನಡೆಯಲಿದೆ. ಪುಲ್ವಾಮಾ ದಾಳಿ ಪ್ರಕರಣ ಕುರಿತಾಗಿ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್ಐಎ) ಚಾರ್ಜ್ಶೀಟ್ ಸಲ್ಲಿಕೆ ಮಾಡಿದ್ದು, ದಾಳಿಯ ಹಿಂದೆ ಮೋಸ್ಟ್ ವಾಂಟೆಂಡ್ ಉಗ್ರ ಅಜರ್ ಮಸೂದ್ ಕೈವಾಡವಿದೆ ಎಂದು ಹೇಳಿದೆ. ಜತೆಗೆ 18 ಉಗ್ರರ ಹೆಸರು ಕೋರ್ಟ್ಗೆ ಸಲ್ಲಿಕೆ ಮಾಡಿದೆ.
ಭಯೋತ್ಪಾದಕ ದಾಳಿ ವೇಳೆ ಸಿಆರ್ಪಿಎಫ್ನ 40 ಯೋಧರು ಹುತಾತ್ಮರಾಗಿದ್ದರು. ಜಮ್ಮು ನ್ಯಾಯಾಲಯಕ್ಕೆ ಸುಮಾರು 5 ಸಾವಿರ ಪುಟಗಳ ಚಾರ್ಜ್ಶೀಟ್ ಸಲ್ಲಿಕೆ ಮಾಡಲಾಗಿದ್ದು, ಸಿಆರ್ಪಿಎಫ್ ಪಡೆ ಮೇಲೆ ಭಯೋತ್ಪಾದಕ ದಾಳಿ ನಡೆದು 18 ತಿಂಗಳ ಬಳಿಕ ವರದಿ ಸಲ್ಲಿಕೆಯಾಗಿದೆ. ದಾಳಿ ನಡೆಯಲು ಮುಖ್ಯವಾಗಿ ಮಸೂದ್ ಅಜರ್ ಪ್ರಮುಖ ರೂವಾರಿ ಎಂದು ಇದರಲ್ಲಿ ಉಲ್ಲೇಖ ಮಾಡಲಾಗಿದೆ. ಉಳಿದಂತೆ ಇವರ ಸಹೋದರ ಅಬ್ದುಲ್ ಅಸ್ಗರ್,ಅಮರ್ ಅಲ್ವಿ ಹಾಗೂ ಸೋದರಳಿಯ ಉಮರ್ ಫಾರೂಖ್ ಹೆಸರು ಇದೆ. ಇನ್ನು ವಾಜಿ ಉಲ್ ಇಸ್ಲಾಂ ಕೂಡ ಸ್ಫೋಟಕ ವಸ್ತು ಖರೀದಿ ಮಾಡಿ ದಾಳಿಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದನು ಎಂದು ಎನ್ಐಎ ತಿಳಿಸಿದೆ.