ಪಬ್​ಜಿ ನಿಷೇಧದಿಂದ ಬೇಸರ... ನೇಣು ಬಿಗಿದುಕೊಂಡು ಯುವಕ ಆತ್ಮಹತ್ಯೆ

ಆಂಧ್ರ ಪ್ರದೇಶದ ಅನಂತಪುರ ಜಿಲ್ಲೆಯ ಯುವಕನೋರ್ವ ಪಬ್​ಜಿ ಆನ್​ಲೈನ್​ ಗೇಮ್ ನಿಷೇಧದಿಂದ ಬೇಸರಗೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಅನಂತಪುರ: ಪಬ್​ಜಿ ನಿಷೇಧದಿಂದ ಬೇಸತ್ತ ಯುವಕ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಆಂಧ್ರ ಪ್ರದೇಶದ ಅನಂತಪುರ ಜಿಲ್ಲೆಯಲ್ಲಿ ನಡೆದಿದೆ.

ಅನಂತಪುರ ಕಂದಾಯ ಕಾಲೋನಿ ನಿವಾಸಿ ಕಿರಣ್​ಕುಮಾರ್ ಇದೇ ತಿಂಗಳ 5ರಿಂದ ನಾಪತ್ತೆಯಾಗಿದ್ದ. ಮಗ ಕಾಣೆಯಾಗಿದ್ದ ಬಗ್ಗೆ ಪೋಷಕರು ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಕಳೆದ 7 ದಿನಗಳಿಂದ ಪೊಲೀಸರು ಯುವಕನಿಗಾಗಿ ಹುಡುಕಾಟ ನಡೆಸುತ್ತಿದ್ದರು.

ಆದರೆ ಇಂದು ಯುವಕನ ಪೋಷಕರು ಮನೆಯ ಸ್ಟೋರ್​ ರೂಂ ಬಾಗಿಲು ತೆಗೆದು ನೊಡಿದಾಗ ಯುವಕ ನೇಣಿಗೆ ಶರಣಾಗಿರುವುದು ಕಂಡು ಬಂದಿದೆ. ಪಬ್​ಜಿ ನಿಷೇಧದಿಂದ ಬೇಸಗೊಂಡಿದ್ದ ಎಂದು ತಿಳಿದು ಬಂದಿದೆ.