ಶ್ರೀಹರಿಕೋಟಾ(ಆಂಧ್ರಪ್ರದೇಶ):ಇಂದು ಬೆಳಗ್ಗೆ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಯಶಸ್ವಿಯಾಗಿ ನಭಕ್ಕೆ ಜಿಗಿದ ಪಿಎಸ್ಎಲ್ವಿ-ಸಿ47 ರಾಕೆಟ್, ಅತ್ಯಂತ ಪ್ರಮುಖ ಕಾರ್ಟೋಸ್ಯಾಟ್-3 ಉಪಗ್ರಹ ಹೊತ್ತು ಸಾಗಿದೆ.
ಭಾರತದ ಕಾರ್ಟೋಸ್ಯಾಟ್-3 ಸೇರಿದಂತೆ ಅಮೆರಿಕದ 13 ನ್ಯಾನೋ-ಸ್ಯಾಟಲೈಟ್ಗಳನ್ನು ಪಿಎಸ್ಎಲ್ವಿ-ಸಿ47 ರಾಕೆಟ್ ಹೊತ್ತು ಸಾಗಿದೆ. ಅಷ್ಟಕ್ಕೂ ಈ ಕಾರ್ಟೋಸ್ಯಾಟ್-3 ಉಪಗ್ರಹದ ಮಹತ್ವ ಏನು ಎನ್ನುವ ವಿವರ ಇಲ್ಲಿದೆ...
ಸುಮಾರು 1,600 ಕೆಜಿ ತೂಕದ ಕಾರ್ಟೋಸ್ಯಾಟ್-3 ಉಪಗ್ರಹ ಹೆಚ್ಚುತ್ತಿರುವ ದೊಡ್ಡ ಪ್ರಮಾಣದ ನಗರ ಯೋಜನೆ, ಗ್ರಾಮೀಣ ಸಂಪನ್ಮೂಲ ಮತ್ತು ಮೂಲಸೌಕರ್ಯ ಅಭಿವೃದ್ಧಿ, ಕರಾವಳಿ ಭೂ ಬಳಕೆ ಮತ್ತು ಭೂ ವ್ಯಾಪ್ತಿಗೆ ಅಗತ್ಯವಿರುವ ಉತ್ತಮ ಗುಣಮಟ್ಟದ ಚಿತ್ರಗಳನ್ನು ಭೂಮಿಗೆ ರವಾನಿಸಲಿದೆ.
ಐದು ವರ್ಷಗಳ ಜೀವಿತಾವಧಿ ಹೊಂದಿರುವ ಈ ಕಾರ್ಟೋಸ್ಯಾಟ್-3 ಭವಿಷ್ಯದ ನಿಟ್ಟಿನಲ್ಲಿ ಮಹತ್ವದ ಯೋಜನೆ ಎಂದು ಇಸ್ರೋ ಹೇಳಿದೆ. ಪಿಎಸ್ಎಲ್ವಿ-ಸಿ47 ಇಸ್ರೋ ಈವರೆಗಿನ ಮಿಷನ್ಗಳಲ್ಲೇ ಕ್ಲಿಷ್ಟಕರವಾಗಿತ್ತು ಎಂದು ಇಸ್ರೋ ಮುಖ್ಯಸ್ಥ ಕೆ.ಸಿವನ್ ತಿಳಿಸಿದ್ದಾರೆ.
