ಸಂಜೆಯಾಗುತ್ತಿದ್ದಂತೆ ಇಲ್ಲಿ ಬೀದಿಗಿಳಿಯುತ್ತವೆ ದೆವ್ವಗಳು! ಇದರ ಮರ್ಮವೇನು ಗೊತ್ತಾ!

ಮಧ್ಯಪ್ರದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದರೂ ಇಲ್ಲಿನ ಜನರು ಮಾತ್ರ ಜನನಿಬಿಡ ಪ್ರದೇಶಗಳಲ್ಲಿ ತಿರುಗಾಡುವುದನ್ನು ನಿಲ್ಲಿಸಿಲ್ಲ. ಹೀಗಾಗಿ ಇಲ್ಲಿನ ಪೊಲೀಸರು ಜನರನ್ನು ನಿಯಂತ್ರಿಸಲು ವಿಭಿನ್ನ ಉಪಾಯ ಹೆಣೆದಿದ್ದಾರೆ.

ಇಂದೋರ್(ಮಧ್ಯಪ್ರದೇಶ)​:ಇಲ್ಲಿನ ಪೊಲೀಸರು ಲಾಕ್​ಡೌನ್​ ನಡುವೆಯೂ ಮನೆಯಿಂದ ಹೊರಬರುವ ಜನರನ್ನು ನಿಯಂತ್ರಿಸಲು ವಿಭಿನ್ನ ಉಪಾಯ ಹೆಣೆದಿದ್ದಾರೆ.

ದೇಶದಲ್ಲಿ ಲಾಕ್​ಡೌನ್​ ಇದ್ದರೂ, ಪೊಲೀಸರು ಸ್ಥಳದಿಂದ ಗೈರಾದ ತಕ್ಷಣ ಜನರು ಬೀದಿಗಿಳಿಯುತ್ತಿದ್ದಾರೆ. ಹೀಗಾಗಿ ಇಂದೋರ್‌ನ ವಿಜಯ ನಗರ ಪೊಲೀಸರು ಜನರನ್ನು ಸರಿದಾರಿಗೆ ತರಲು ರಾತ್ರಿಯಲ್ಲಿ ದೆವ್ವಗಳಾಗಿ ತಿರುಗಾಡುತ್ತಿದ್ದಾರೆ.

ಹೌದು ಇಂದೋರ್​ನ ಕೆಲ ಬೀದಿಗಳಲ್ಲಿ ಪೊಲೀಸರು ರಾತ್ರಿ ವೇಳೆ ದೆವ್ವಗಳ ವೇಷ ಹಾಕಿ ಜನರಲ್ಲಿ ಬೀದಿಗೆ ಬರದಂತೆ ಮನವಿ ಮಾಡುತ್ತಿದ್ದಾರೆ. ಈ ಮೂಲಕ ಕೊರೊನಾದಿಂದ ಜಾಗೃತರಾಗಿ ಮನೆಯಲ್ಲೇ ಉಳಿಯುವಂತೆ ಜನರಿಗೆ ಪರಿಣಾಮಕಾರಿ ಸಂದೇಶ ನೀಡುತ್ತಿದ್ದಾರೆ.