ಟ್ವಿಟರ್​ನಲ್ಲಿ ನರೇಂದ್ರ ಮೋದಿಗೆ 6 ಕೋಟಿ ಹಿಂಬಾಲಕರು

ಭಾರತದ ಪ್ರಧಾನಿಯಾದಾಗ ಮೋದಿ ಅವರ ಅನುಯಾಯಿಗಳ ಸಂಖ್ಯೆ ಹೆಚ್ಚಾಯಿತು. ವಿಶೇಷವೆಂದರೆ, ಮೋದಿ ಟ್ವಿಟರ್ ಅನುಯಾಯಿಗಳ ವಿಷಯದಲ್ಲಿ ವಿಶ್ವದ ಮೂರನೇ ಸ್ಥಾನದಲ್ಲಿದ್ದಾರೆ.

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಟ್ವಿಟರ್‌ ಹಿಂಬಾಲಕರ ಸಂಖ್ಯೆ 6 ಕೋಟಿಗೆ ತಲುಪಿದೆ.

ಸೋಷಿಯಲ್ ಮೀಡಿಯಾ ಮೂಲಕ ಜನಸಾಮಾನ್ಯರಿಗೆ ತಲುಪುವಲ್ಲಿ ಹೆಸರುವಾಸಿಯಾದ ಮೋದಿ, ತಮ್ಮ ಅನುಯಾಯಿಗಳೊಂದಿಗೆ ಸಂಪರ್ಕ ಸಾಧಿಸಲು ಮತ್ತು ರಾಜಕೀಯ ಹೇಳಿಕೆಗಳನ್ನು ನೀಡಲು ಸಾಮಾಜಿಕ ಜಾಲತಾಣಗಳನ್ನು ವೇದಿಕೆಯಾಗಿ ಬಳಸುತ್ತಾರೆ.

2009 ರಲ್ಲಿ ಗುಜರಾತ್ ಮುಖ್ಯಮಂತ್ರಿಯಾಗಿದ್ದಾಗ ಟ್ವಿಟರ್ ಬಳಸಲು ಪ್ರಾರಂಭಿಸಿದ ಮೋದಿ, 2,354 ಜನರನ್ನು ಹಿಂಬಾಲಿಸುತ್ತಿದ್ದರು. ಆದರೆ ಸೆಪ್ಟೆಂಬರ್ 2019 ರ ಹೊತ್ತಿಗೆ ಪಿಎಂ ಮೋದಿಯವರ ಖಾತೆಯನ್ನು 5 ಕೋಟಿ ಜನರು ಅನುಸರಿಸುತ್ತಿದ್ದರು. ಭಾರತದ ಪ್ರಧಾನಿಯಾದಾಗ ಅವರ ಅನುಯಾಯಿಗಳ ಸಂಖ್ಯೆ ಹೆಚ್ಚಾಯಿತು.

ಮೋದಿ ಫಾಲೋವರ್ಸ್​ ಸಂಖ್ಯೆ

ವಿಶೇಷವೆಂದರೆ ಮೋದಿ ಟ್ವಿಟರ್ ಅನುಯಾಯಿಗಳ ವಿಷಯದಲ್ಲಿ ವಿಶ್ವದ ಮೂರನೇ ಸ್ಥಾನದಲ್ಲಿದ್ದಾರೆ. ಅಮೆರಿಕದ 45 ನೇ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು 8.3 ಕೋಟಿ ಅನುಯಾಯಿಗಳನ್ನು ಹೊಂದಿದ್ದಾರೆ.

2015 ರ ಏಪ್ರಿಲ್‌ನಲ್ಲಿ ಟ್ವಿಟರ್‌ಗೆ ಸೇರ್ಪಡೆಯಾದ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ 1.5 ಕೋಟಿಗೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ.