ಇಂಡೋ-ಅಮೆರಿಕಾ ಬಾಂಧವ್ಯ ವೃದ್ಧಿಗೆ ಕೊಡುಗೆ ನೀಡಿದ್ದ ಪತ್ರಕರ್ತ ಕೊರೊನಾದಿಂದ ಸಾವು : ಮೋದಿ ಸಂತಾಪ

ಯುನೈಟೆಡ್ ನ್ಯೂಸ್​ ಆಫ್​ ಇಂಡಿಯಾ ಏಜೆನ್ಸಿಗಾಗಿ ಕೆಲಸ ಮಾಡುತ್ತಿದ್ದ ಕಂಚಿಬೋಟ್ಲಾ ಕೊರೊನಾ ಸೋಂಕಿನಿಂದ ಸೋಮವಾರ ರಾತ್ರಿ ನ್ಯೂಯಾರ್ಕ್​ನ ಆಸ್ಪತ್ರೆಯಲ್ಲಿ ಮರಣ ಹೊಂದಿದ್ದರು.

ನವದೆಹಲಿ :ಕೋವಿಡ್​-19ನಿಂದ ಮೃತಪಟ್ಟ ಇಂಡೋ-ಅಮೆರಿಕನ್​​​​ ಪತ್ರಕರ್ತ ಬ್ರಹ್ಮ್​ ಕಂಚಿಬೋಟ್ಲಾ ನಿಧನಕ್ಕೆ ಪ್ರಧಾನಿ ಮೋದಿ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದು, ಅವರ ಕಾರ್ಯದ ಗುಣಗಾನ ಮಾಡಿದ್ದಾರೆ.

ಯುನೈಟೆಡ್ ನ್ಯೂಸ್​ ಆಫ್​ ಇಂಡಿಯಾ ಏಜೆನ್ಸಿಗಾಗಿ ಕೆಲಸ ಮಾಡುತ್ತಿದ್ದ ಕಂಚಿಬೋಟ್ಲಾ ಕೊರೊನಾ ಸೋಂಕಿನಿಂದ ಸೋಮವಾರ ರಾತ್ರಿ ನ್ಯೂಯಾರ್ಕ್​ನ ಆಸ್ಪತ್ರೆಯಲ್ಲಿ ಮರಣ ಹೊಂದಿದ್ದರು. ಇದಕ್ಕೆ ಸಂತಾಪ ವ್ಯಕ್ತಪಡಿಸಿ ಪ್ರಧಾನಿ ಮೋದಿ ಟ್ವೀಟ್ ಮಾಡಿದ್ದಾರೆ. ''ಭಾರತ ಹಾಗೂ ಅಮೆರಿಕದ ನಡುವಿನ ಸಂಬಂಧ ಸುಧಾರಣೆಗೆ ಕಂಚಿಬೋಟ್ಲಾ ಯತ್ನ ಶ್ಲಾಘನೀಯ, ಅವರ ಕುಟುಂಬಕ್ಕೆ ದೇವರು ದುಃಖವನ್ನು ತಡೆದುಕೊಳ್ಳುವ ಶಕ್ತಿ ನೀಡಲಿ'' ಎಂದು ತಮ್ಮ ಟ್ವೀಟ್‌ ಮೂಲಕ ಸಂತಾಪ ಸೂಚಿಸಿದ್ದಾರೆ ಪ್ರಧಾನಿ ಮೋದಿ.