ಸಂಸತ್​ ಒಳಗೆ ಒಂದೇ ಉಸಿರಿನಲ್ಲಿ ರೈಲ್ವೆ ಸಚಿವ ಓಡಿದ್ದೇಕೆ..?

ಕೇಂದ್ರ ರೈಲ್ವೆ ಸಚಿವ ಪಿಯೂಷ್​ ಗೋಯಲ್​ ಅವರು ಅಧಿವೇಶನದ ಪ್ರಶ್ನಾವಳಿ ಅವಧಿಯಲ್ಲಿ ಭಾಗವಹಿಸಲು ಸಂಸತ್ತು ಸಂಕೀರ್ಣದಲ್ಲಿ ಒಂದೇ ಉಸಿರಿನಲ್ಲಿ ಓಡಿದ ಅವರ ನಡೆಗೆ ಜಾಲತಾಣದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.

ನವದೆಹಲಿ:ಕೇಂದ್ರ ರೈಲ್ವೆ ಸಚಿವ ಪಿಯೂಷ್​ ಗೋಯಲ್​ ಅವರು ಅಧಿವೇಶನದ ಪ್ರಶ್ನಾವಳಿ ಅವಧಿಯಲ್ಲಿ ಭಾಗವಹಿಸಲು ಸಂಸತ್ತು ಸಂಕೀರ್ಣದಲ್ಲಿ ಒಂದೇ ಉಸಿರಿನಲ್ಲಿ ಓಡಿದರು. ಈ ನಡುವೆ ಅವರ ಈ ನಡೆಗೆ ಜಾಲತಾಣದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.

ನಿನ್ನೆ ನಡೆದ ಕ್ಯಾಬಿನೆಟ್ ಸಭೆಯ ನಂತರ ಪ್ರಶ್ನಾವಳಿ ಅವಧಿಯಲ್ಲಿ ಹಾಜರಾಗಲು ಸಂಸತ್ತಿಗೆ ಕಾರಿನಿಂದ ಇಳಿದ ಸೆಕೆಂಡಿನಲ್ಲಿ ಕಾರಿನ ಬಾಗಿಲನ್ನು ಹಾಕದೆ ಒಂದೇ ಸಮನೇ ಅಧಿವೇಶದವರೆಗೂ ಓಡಿದರು. ಗೋಯಲ್​ ಓಡುತ್ತಿರುವ ಚಿತ್ರಗಳು ಜಾಲತಾಣದಲ್ಲಿ ವೈರಲ್​ ಆಗಿವೆ.

ಅಂತಹ ಸಮರ್ಪಿತ ನಾಯಕನೊಂದಿಗೆ ಕಾರ್ಯನಿರ್ವಹಿಸಲು ನಿಜವಾಗಿಯೂ ಸ್ಫೂರ್ತಿ ಎಂದು ರೈಲ್ವೆ ಖಾತೆ ರಾಜ್ಯ ಸಚಿವ ಸುರೇಶ್​ ಅಂಗಡಿ ತಮ್ಮ ಟ್ವಿಟರ್​​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಸಂಸತ್ತಿನಲ್ಲಿ ದೇಶದ ಹಿತಾಸಕ್ತಿಗಾಗಿ ನಿಷ್ಠೆ, ಶ್ರದ್ಧೆಯಿಂದ ಕೆಲಸ ಮಾಡುತ್ತಿರುವ ನಿಮಗೆ ನಮ್ಮದೊಂದು ಸೆಲ್ಯೂಟ್​. ಎಲ್ಲ ಸಂಸದರು ನಿಮ್ಮಂತೆಯೇ ಕೆಲಸ ಮಾಡಲಿ. ನಿಮ್ಮನ್ನೇ ಆದರ್ಶವಾಗಿ ತೆಗೆದುಕೊಳ್ಳಲಿ ಎಂದು ನೆಟ್ಟಿಗರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.