ಅಣ್ಣನಂತೆ ಪವನ್​ ಕಲ್ಯಾಣ್​ ಕೂಡ ಫ್ಲಾಪ್​.. ಆಂಧ್ರದಲ್ಲಿ 'ಪವರ್​' ಕಟ್​

ಲೋಕಸಭಾ ಚುನಾವಣೆಯೊಂದಿಗೆ ತೀವ್ರ ಕುತೂಹಲ ಕೆರಳಿಸಿದ್ದ ಆಂಧ್ರ ವಿಧಾನಸಭೆ ಫಲಿತಾಂಶ ಹೊರಬೀಳುತ್ತಿದ್ದು, ಜಗನ್​ ನೇತೃತ್ವದ ವೈಎಸ್​​ಆರ್​ಸಿಪಿ ಭರ್ಜರಿ ಮುನ್ನಡೆ ಸಾಧಿಸಿದೆ.

ಹೈದರಾಬಾದ್​:ಆಂಧ್ರಪ್ರದೇಶ ವಿಧಾನಸಭಾ ಚುನಾವಣೆ ಫಲಿತಾಂಶ ಹೊರಬೀಳುತ್ತಿದ್ದು, ಮುನ್ನಡೆಯಲ್ಲಿ ವೈಎಸ್​​ಆರ್​ ಕಾಂಗ್ರೆಸ್​ ಮ್ಯಾಜಿಕ್​ ನಂಬರ್​ ದಾಟಿದೆ. ಚಂದ್ರಬಾಬು ನಾಯ್ಡು ನೇತೃತ್ವದ ಟಿಡಿಪಿ ಪಕ್ಷಕ್ಕೆ ಭಾರೀ ಹಿನ್ನಡೆ ಉಂಟಾಗಿದ್ದು, ಪವರ್​ಸ್ಟಾರ್​ ಪವನ್​ ಕಲ್ಯಾಣ್​ ನೇತೃತ್ವದ ಜನಸೇನಾ ಪಕ್ಷ ಕೂಡ ಮುಖಭಂಗ ಅನುಭವಿಸಿದೆ.

ನೂತನ ಪಕ್ಷ ಸ್ಥಾಪನೆ ಮಾಡಿ ಆಂಧ್ರದಲ್ಲಿ ಭಾರಿ ಹವಾ ಕ್ರಿಯೇಟ್ ಮಾಡಿದ್ದ ಪವನ್​ ಕಲ್ಯಾಣ್​ ಅಣ್ಣನಂತೆ ಪ್ಲಾಪ್​ ಶೋ ನಡೆಸಿದ್ದಾರೆ. ಇಲ್ಲಿಯವರೆಗೆ ಜನಸೇನಾ ಪಾರ್ಟಿ ಖಾತೆರೆಯುವಲ್ಲಿ ವಿಫಲವಾಗಿದೆ.

ಇನ್ನೊಂದೆಡೆ ಕೇಂದ್ರದ ವಿರುದ್ಧ ಸಿಡಿದೆದ್ದಿದ್ದ ಚಂದ್ರಬಾಬು ನಾಯ್ಡು ವೈಎಸ್​ಆರ್​ ಕಾಂಗ್ರೆಸ್​ ಹೋರಾಟದ ಮುಂದೆ ಮಂಕಾಗಿದ್ದು, ಇಂದು ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಕಳೆದ ಭಾರಿ ಚಂದ್ರಬಾಬು ನಾಯ್ಡು ಜೊತೆ ಹೊಂದಾಣಿಕೆ ಮಾಡಿಕೊಂಡ ಪರಿಣಾಮ ಒಂದಿಷ್ಟು ಸ್ಥಾನ ಪಡೆದ ಬಿಜೆಪಿ ಈ ಬಾರಿ ಅಲ್ಲಿ ಸೊನ್ನೆ ಸುತ್ತಿದೆ. ಇನ್ನೊಂದೆಡೆ, ಕಾಂಗ್ರೆಸ್​ ಸಹ ಖಾತೆ ತೆರೆಯಲು ವಿಫಲವಾಗಿದೆ. ಎರಡೂ ರಾಜಕೀಯ ಪಕ್ಷಗಳು ಆಂಧ್ರದಲ್ಲಿ ಮಕಾಡೆ ಮಲಗಿವೆ.