'ಕರ್ನಾಟಕದ ರೋಗಿಗಳು ಇಲ್ಲಿಗೆ ಬರಬಹುದು, ನಾವು ಚಿಕಿತ್ಸೆ ನಿರಾಕರಿಸುವುದಿಲ್ಲ'

ಲಾಕ್ ಡೌನ್ ನಂತರ ಬಂದ್ ಮಾಡಲಾಗಿದ್ದ ಕೇರಳ–ಕರ್ನಾಟಕ ಗಡಿಯನ್ನು ತುರ್ತು ಸಂದರ್ಭದಲ್ಲಿ ತೆರೆಯುವಂತೆ ಸುಪ್ರೀಂಕೋರ್ಟ್ ತಿಳಿಸಿದೆ. ಇದೀಗ ಕರ್ನಾಟಕ-ಕೇರಳ ಗಡಿಯಲ್ಲಿರುವ ರೋಗಿಗಳು ನಮ್ಮಲ್ಲಿ ಆಗಮಿಸಿ ಚಿಕಿತ್ಸೆ ಪಡೆದುಕೊಳ್ಳಬಹುದು ಎಂದು ವೈನಾಡು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.

ವೈನಾಡು(ಕೇರಳ):ಮಹಾಮಾರಿ ಕೊರೊನಾ ಭೀತಿ ಕೇರಳದಲ್ಲಿ ಹೆಚ್ಚಾಗಿರುವ ಕಾರಣ ಕರ್ನಾಟಕ-ಕೇರಳ ನಡುವಿನ ಗಡಿ ಬಂದ್​ ಆಗಿತ್ತು. ಆದರೆ ಇದೀಗ ಮಾತುಕತೆ ಮೂಲಕ ಸಮಸ್ಯೆ ಬಗೆಹರಿಸಿಕೊಳ್ಳಲಾಗಿದ್ದು, ಆ್ಯಂಬುಲೆನ್ಸ್​​ ಹೋಗಲು ಗಡಿ ಓಪನ್​ ಮಾಡಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿದ ವೈನಾಡು ಜಿಲ್ಲಾಧಿಕಾರಿ ಆದಿಲ್​ ಅಬ್ದುಲ್ಲಾ, ಕರ್ನಾಟಕ-ಕೇರಳ ಗಡಿಯಲ್ಲಿ ವಾಸವಾಗಿರುವ ರೋಗಿಗಳು, ಕೋವಿಡ್​ ಸೋಂಕಿತರು, ತುರ್ತು ಸೇವೆಗಳಿಗಾಗಿ ಇಲ್ಲಿಗೆ ಆಗಮಿಸಬಹುದು ಎಂದು ತಿಳಿಸಿದ್ದಾರೆ.

ಇಷ್ಟು ದಿನ ಉಭಯ-ರಾಜ್ಯಗಳ ನಡುವಿನ ಗಡಿ ಬಂದ್​ ಮಾಡಲಾಗಿತ್ತು. ಆದರೀಗ ಆಂಬುಲೆನ್ಸ್​ ಮೂಲಕ ರೋಗಿಗಳನ್ನು ಗಡಿ ಮೂಲಕ ಕೇರಳದಿಂದ ಕರ್ನಾಟಕದ ಆಸ್ಪತ್ರೆಗೆ ದಾಖಲಿಸಲು ಕರ್ನಾಟಕ ಒಪ್ಪಿಗೆ ನೀಡಿದೆ.